تعالو ا شوفو الموقف اللي صار لي اليوم جيل آخر زمن

السلام عليكم ورحمة الله وبركاته

بنات تخيلوا وش صار معي اليوم الصباح موقف الله لا يوريكم والله اني برعبتي للحين

هذا الله يسلمكم اليوم بعد ما راحوا بناتي للمدرسة اللي بالمتوسط واللي بالأبتدائي وبنتي

اللي بالثانوي غايبة اليوم المهم بعد ما خلصت بعض أشغال البيت رحت نمت ويا دوب غطيت

الا التليفون يدق عند راسي واطالع في الرقم ولا رقم مدرسة بناتي الكبار اللي بالمتوسطة والثانوية لأنهم في مجمع

واحد وارفع السماعة ولا بنت تبكي وتقول خلي أحد يجينا المدرسة ضروري انا قعت أقول وش فيه أنتي مين أنتي ....... اقصد

بنتي اللي بالمتوسط ما ردت علي وقفلت السماعة انا ساعتها وقف شعر راسي وارقع التليفون واطلع من الغرفة

واروح الصالة علشان ولدي ما يصحى واكلم المدرسة وانا مرعوبة وترد علي المديرة واقول لها على طول حتى والله

ما أدري سلمت ولا ما سلمت وش صاير عندكم قالت وش فيك

قلت لها فيه بنت دقت علي صوتها مهوب صوت بنتي وقالت لي خلي احد يجينا بسرعة قالت وش أسم بنتك واعطيها اسم

بنتي قالت ما صار عندنا شي بس احنا مقررين اليوم نطلعهم بدري علشان نخاف تجي أمطار زي أمس وانا راح أشوف

بنتك وأسألها واتصل عليك بعد شوي جلست وانا اتنافض من الرعبة شوي ودقت المشرفة وقالت رحت شفت بنتك في

فصلها وتاخذ حصتها وما طلعت من فصلها قلت طيب من اللي دق علي ؟؟!!!! قالت والله ما أدري بس عموماً بنتك

طيبة وبخير ........ تهقون من اللي دق علي ؟؟؟ أقولكم طلع اللي دق علي زميلات بنتي اللي بالثانوي اللي قلت لكم

انها غايبة اليوم قال ايش بيسوون فيها مقلب ويوم تأكدوا أنه انا اللي رديت عليهم تورطوا وسكروا بسرعة حسبي الله

عليهم والله الود ودي امسك الخيزرانة واعطي كل وحدة فيهم لين تعرف ان الله حق حتى يتوبون عن هالحركات

الهمجية والله اني عظامي ما عاد شالتني من الخوف على بنتي تخيلوا واحد نايم يجيه تليفون مرعب زي كذا زين اللي ما

انجلطت مكاني بالله عليكم يا خواتي وش رايكم في هالموقف ما يجلط :mad: