تعالو بخبركم شو حلمت فيكم يابنات المنتدى... بسررررررعة

السلام عليكم ورحمة الله وبركاته

اشحالكم عزيزاتي عساكم بخير ان شاء الله :)

امس الله يسلمكم حلمت هذا الحلم

كأني كنت في السيارة مع بنت عمتي في سكن الطالبات وكان عمي الله يحفظه هو اللي يسوق السيارة.. :3_10_6:

وشوي والا اشوف مبنى سكني من عدة طوابق معلق عليه لافته بيضاء مكتوب عليها منتديات بنات حواء :39:

استانست وااايد وقلت اخيرا بشوف بنات المنتدى اللي حبيتهم من غير ما اعرفهم

ودخلت...




ومشيت....





وعقب...






(تراني استخدم اسلوب التشويق في الكتابة هههههههه).. :7_5_131: :7_5_131:


المهم...

دخلت وشفت صالة كبيرة وواسعة وكنتو يا بنات المنتدى يالسين فيها وكل وحده لابسة شيلة وعباية وكنتو يالسين على شكل حلقة(نفس الحلقات الدائرية اللي نسويها يوم نحضر دروس العلم)

المهم يلست انا وبنت عمتي في الحلقة ولازم كل وحده عندها ورقة وقلم

المهم كانت اللي يالسة عندي وحده ما اعرفها وشفتها كاتبة النك نيم الخاص بها في بداية الورقة
فاختلست النظر وشفت اسمه (كائنات بحرية)
ملاحظة : في حد في المنتدى بهذا الاسم والا هذا في احلامي بس؟؟؟؟

فأنا في داخلي استغربت من هذا الاسم وشوي والا اشوف وحده ما اعرفها يات وخذت الورقة اللي في ايدي تبغي تعرف النيك الخاص بي وانا كنت اضحك من هذا الموقف وهي كانت مبتسمة

ولفيت على يساري وشفت بنتين اعرفهم في الحقيقة

وشوي والاعرفت ان عمي يريدنا نطلع عشان نروح :(
(ما ادري كيف عرفت انه يبغينا نطلع ترى في الاحلام كل شي يصير تقولون افلام هندية ههههههههه)

وعقب نشيت من الرقاد :icon33:

وماعليه سامحوني طولت عليكم في الحلم

المهم الله يجمعنا في جنات الفردوس ونشوف بعض هناك


(سبحان الله وبحمده عدد خلقه ورضا نفسه وزنة عرشه و مداد كلماته )