تعالو بعلمكم بسالفة قديمة عشان تتنتبهو ع اولادكم😭😭

يسعد ايامكم حبيباتي اتابع اخباركم يوميا صحيح مشاركاتي قليل بس ادعي لكل واحده محتاجه دعوة ..المهم لفت انتباهي موضوع بس ماراح اقوله..
المهم يابنات تذكرت سالفة قديمة لمن قريت موضوع عضوه هنا هو بعيد عنه كل البعد..بس قلبت المواجع علي
المهم حصنو اولادكم حتى اللي مولود اذكاركم لاتخلونها
كان عندي اخ عمره 8شهور يعني لسى ماكمل سنه جميييييييل وربي جمال مو طبيعي شعر بني مايل للشقار وبياض وعيون واسعه وفم صغير واللي يشوفه يقول عمره سنه صحته كانت ممتازه المهم احنا في ديرتنا الجو دايم بارد في الجنوب والعاده نروح لمناطق حاره نتمشى وندفا ونغير جو تبعد عن ديرتنا تقريبا ساعتين الى ثلاث
المهم هذاك اليوم المشؤم الله لايعيده نزلنا كلنا يالعايله جداتي وعماتي واهلي يعني طلعه كبيرررة والولد صحته زينه ويضحك ويناغي ..المهم استاجرنا استراحه ومن بكرة صحينا الصباح في البر ووناسه وفله وريحة القهوة واللي يجهز الفطور وقلوبنا على بعضها الا يدق واحد يقرب لابوي من بعيد يسال عنا قال بوي احنا في المكان الفلاني اذا تبون تجون حياكم . من العصر جووو عندنا وهم اقسم بالله العظيم مو اتهام ع الفاضي عينهم والقبر استغفرالله اللي يعجبه شي خلاص الله يعوض عليه مشهورين بالشي ذا. المهم قالت امي حصني اخوك يابنات حاسه بالذنب قسم بالله 😭😭😭امي تدري فيني حريصه عند الاذكار هذاك اليوم قلت احط لي كريم ع وجهي واضبط نفسي الين اخلص واحصنه وشوي والا هو وصل ومعاه امه واخواته وماكنا عارفين توقعنا بس هو لوحده وتاخذه بنت عمي وجري عند ابوي تعطيه لانو طلبه وانا اصيح عليها ترجعه ماحصنته واقول لامي ماحصنته امي تضايقت قالت استودعناه الله اقسم بالله يابنات بس شافته ذا الحرمةقالت وش ذا الولد اللي كنة فلقة قمر وعينهم عليه وكل واحده تشيله مره جلس ساعه وسخن سبحناه وبرد وشوي اسهال الله يكرمكم وترجيع وع طول ع المستشفى قام الدكتور يحط السماعه ع صدره ويضحك ويناغي لانها بارده😭😭😭قال مافي شي الولد تمام ويضحك وابوي يضحك من ضحك اخوي نعطي شوية محلول ومغذيات وان شاءالله كل شي تمام المشكله مانقدر نرجع ديرتنا مررره بعيد والوقت متاخر المهم رجعو من المستشفى وجلسنا ساعتين وبدا الاسهال والترجيع الولد خلاص صار اصفر. ونشيل اغراضنا كلنا وطالعين للديرة وبنمر على اي مستشفى قريب طبعا جدتي وجدي وابوي وامي بالسياره بيسبقونا ع المستشفى واحنا تعرفون حركات الطلعات توزعنا بالسيارات ..تخيلو تقول امي اطالع فيه وامسح ع وجهه وهو اقسم بالله يضحك ضحكة مرض وتعب. بس ماتوقعو بيصير شي ..وشوي وامي تطالع والا انو غمض عيونه تقول ع بالي نام 5دقايق ولاحركة تشيله يتمايل وتعطي جدتي تشوف عنه تقول جدتي عرفت انو مات بس ماقدرت اقول شي😭😭 وابوي ياسرعته عشان يوصلو المستشفى قالت له جدتي لاعاد تكمل وتروح المستشفى ولدكم شفيع لكم ان شاءالله يابنات امي انصدمت لدرجة مابكت من قوة الصدمة الابعد ساعات لمن استوعبت ابوي ممممره بكا هذاك البكي اللي توقعت بيصير له شي المهم شفنا السيارة واقفه ع جنب ونزل عمي وجانا وجهه اسود وربي حسيت انو في شي عاد الزبده لمن وصلنا علمونا استغفرالله بغيت اتجننن عشانه ابوي رفض نودي المستشفى قال من بكرة بروح اطلع شهادة الوفاه خلوة معاي اليوم بنات تخيلو طوال الليل جنب امي وجداتي وعماتي بغرفتي 😭😭😭😭😭😭 بنات كانو نايم احس امي تعبت نفسيتها ليه ماخلوة بالمستشفى اهون من هذاك اليوم اللي كان اطول ليل مر علينا وعلى امي وابوي من البكاء وابوي نام بغرفتهم ولاقدر ينام يقول اشوف رضاعته وحليبه والعابه وملابسه وادخل وهو يصيح في غمضة عين مات رحنا واحنا مبسوطين وهو بصحته ورجعنا فيه جثه هامده استغفرالله اللهم لااعتراض على قدرك ...جعله شفيع لامي وابوي السالفه مر عليها سنه وليومكم ذا صورته مانزلت من جيب ابوي احسه طير من طيور الجنة قسم بالله لو تشوفو جماله ماتصدقو ..والله يحفظ لكم كل غالي