تعالو بقولكم اخر التطورات ........

:16: اخر تطوراتي مع عمتي ام زوجي امس جاني زوجي وقالي ان خدامة امه السوسه شردت وهاي الخدامه ياما سببت لي مشاكل معاها وكانت كلمتها مسموعه عند ام زوجي يعني تصدقها وتألف علي كلام وتكذبني انا لو مهما حلفت لها وامس الفجر شردت الخدامه ومب لاقينها

طبعا زوجي عرف من جدته اللي كانت عند امه في البيت وتحركت فيه روح النخوه وبر الوالدين وجاني المغرب وقالي انا طالبك طلب وماترديني ومن هذا الكلام يبغيني اخلي وحده من الخدامات تروح تخدم امه لين توصل خدامتها الجديده :( انا مابغيت ازعل زوجي وبنفس الوقت ادري ان خداماتي ماراح يرضن يروحن هناك لانهن مرتاحات اخر راحه عندي شغلي خفيف وكل اجهزتي اوتوماتيك يعني يخلصن شغلهن بدقايق بينما هناك البيت كبير وظيوف وايد وشغلهم ما يخلص وهن عاشن هناك وجربن فقلت انا بسكت ولا بمانع وبشوف وبالفعل يوم قلت حق الخدامات رفضن يروحن وقالن لي ماما اذا ماتبينا نشتغل بهالبيت سفرينا نحن مانبي نروح مكان ثاني انا خليتهن على راحتهن لان مب يدي اجبرهن ولا من حقي حتى لو كانت امي اللي طالبه خدامتي مب من حقي اجبرها تروح تخدمها

سالني زوجي وقلت له انهن مارضن قالي انا بروح اكلمهن وكله في بالي انهن بيتمن على الرفض بس الظاهر لان زوجي اول مره يكلمهن ويحتك فيهن لانه اصلا مايتدخل بالخدم ابدا استحن منه ووافقن بس بشرط ان الخدامه اللي تقعد تنظف وتخدم امه ماتبات في بيتهم لا ترجع تبات عندي لانهن يخافن ينامن بروحهن وزوجي وافق

عاد انا ماعرفت شو اقول يوم قالي وتغير وجهي على طول قالي شو فيك قلت له تبغي الصراحه مابي الخدامه تروح ولا اي وحده منهن تطب ذاك البيت قالي ليش قلت له بكل بساطه لاني قررت وانت تعرف هالشي ان مابغي اي صله ولا اي احتكاك بيني وبين اهلك خلني في حالي بعيالي وخداماتي وبيتي وخلهم في حالهم بعيد عني

قالي انزين انا اطلبك الخادمه مب امي والا مالي حق عليك وعلى خداماتك قلت له لا تدخل نفسك في الوسط انت عارف موقفي من اهلك وطول عمري ماقصرت معاهم بشي بالعكس صار القصور منهم ويوم احتجت وبغيت اول من تخلى عني اهلك وامك كانت خدامتها ما تسوي لي اييييييييييييييييييييييييييي شي وحتى لما تنظف الحوش قدام قسمي ماتنظف ولا تدش غرفتي مع ان خداماتي يخدمون امك واهلك وشايلين شغل البيت كله ولا تكلمت ويوم ما كانت عندي خدامه محد ساعدني مع اني كنت تعبانه وحامل وانت تدري قالي طيب خلك احسن منهم قلت له لين متى ؟؟؟؟؟؟؟؟؟؟؟؟
خلاص مابيني وبينهم شي ولا ابي يكون في شي الله يخليك سكر الموضوع ومابي عوار راس

طبعا هو زعل وعصب وقالي طيب تكسرين كلامي ومالي خاطر عندك قلت له انت صرت مثل اهلك على طول لو يبدر مني شي حتى لو من حقي قلت فيك وفيك وطلعت عيوب الدنيا فيني ونسيت كل اللي سويته عشانك

خواتي هاذيلا الخدامات اصلا هو مادفع درهم واحد للمكتب ولا راواتبهن كله من جيبي انا جبتهن حتى الاوراق كان يرفض يروح يخلصهن عجازه منه كنت اروح بروحي واسوي كل شي بروحي يعني ماله حق فيهن ولا يقدر يطالبني بشي

طبعا اختكم الهبله اللي على نياتها ماقدرت تنام وزوجها زعلان ومن صليت الفجر جاني بكل براءه وعيونه البريئه المستسلمه وقالي ها اخذ الخدامه معاي لامي والا بعدك مصره على رايك اول شي عندت وقلت له لااااااااااااااا بس بعدين يوم طلع دار في راسي امية وسواس طلع وهو زعلان لو صار له شي ؟؟ انزين لو خذ مني موقف وزادت المشكله ؟؟ انزين لو صار الموضوع لصالحي وانقلب كل شي لمصلحتي ورب ضارة نافعه ؟ ولو ولو وتميت يمكن اكثر من ساعه الا ربع وانا افكر بالاخير دقيت عليه وقلت له تعال خذها هو عند اول شي بس بعدين رجع وخذ الخدامه لامه وباسني على راسي وقالي انا لو ما احبك مادافعت عنك ولا يرضيني اي كلمه حد يقولها عليك ولو اي حد قال اي شي ضدك ما راح اسكت عنه واوريه شغله وانتي تعرفين هالشي وانا ما انكر كل اللي سويتيه عشاني وعشان اهلي وبشيله جميل في قلبي ومن هالكلام

اللحين توه من شوي متصل علي يقولي انه ودا الخدامات والبنات عند امه وهو مبسوط لانها كنها بغتها من الله فرحت بشوفة الخدامات ولما ولدها قال لها خلي وحده عندك بس برجع اخذها بالليل لانها تخاف تقعد بروحها وافقت على طوووووووول والله يستر من الجاي انا عارفه انها بطيح على راسي لاني اعرف امه زين شوي شوي بتطلع اشياء ثانيه وبتبدا المشاكل ويبدا تقصير الخدامات في شغل بيتي على حساب تعبهن في بيت امه ويا عالم خدامتها الجديده متى بتوصل وغيره من الامور اللي مايعلمها الا رب العالمين

اللحين خواتي شو رايكن باللي سويته ارجوكن لا تلومني تراني شوي وبصيح :icon33: