تعالو بقولكم عن تجربتي مع التقديم ببنك الراجحي على وظيفة

مرحبا بنات

حبيت اقولكم وش صار يوم رحت قدمت

قسم بالله نفسيتي زفت زفت زفت تحطمت من جد توي عرفت انه كل شي بواسطة حقدت عليهم وكرهتهم

اول شي انا تقديري للأسف مقبول وتخيلوا باقي لي بس درجة وحدة واخذ جيد وربي درجة وحده

لا تاخذون فكرة عني اني موب شاطرة والا مهملة وربي اني مجتهدة وذكية وبحياتي كلها ماقد اخذت جيد جدا دائما ممتاز ومن الخمس الاوائل بعد
حتى ثالث ثانوي نسبتي بالتيرم الاول 99,8% والتيرم الثاني 94.5 %
ماشاء الله لا اله الا الله ( اذكرو الله معاي ) << خافت هههههه
وللعلم ماقد دخلت مدرسة أهلية والله العظيم كل دراستي بمدارس حكومية وتخرجت من مدرسة حكومية يعني كل هذا من جدي واجتهادي

لكن يوم دخلت الجامعة صارت لي ظروف كثييييييرة نزلت معدلي وخلتني احمل بعض المواد كنت ادخل بظرف واطلع من ظرف والله العالم وش كان حالي
لكن الحمد لله على كل حال

المهم رحت امس لمبنى التدريب والتوظيف بشارع الثلاثين عند مكتبة الشواف
حطيت ميك اب خفييف وابتسامتي شاقة وجهي مدري ليش كنت متفائلة زيادة عن اللزوم

دخلت لقيت المبنى مظلم كئيييب ومكاتب فاضية مدري ليش مع ان الساعه 9 ونص تقريبا ! وادور احاول القى احد بس مافيه
واطلع واروح للقسم الثاني والقى مكتبين فقط اللي فيهم موظفات وانواع الكئابة مدري ليش ساكتين كن ميت لهم احد

سلمت قلت مدري وين اقدم على وظيفة قالت تعالي عندي وش تخصصك؟ قلت محاسبة وقعدت واعطيتها ملفي
حاطة فيه صورة من الوثيقة ودورات كمبيوتر وانجليزي وبرمجة وشهادة حسن سيرة وسلوك من الجامعة وطبعا الدورات كلها ممتاز

اول مافتحت الملف قالت مقبول ؟! قلت ايه قالت للأسف مانقبل الا من جيد وفوق وتمد لي الملف مثل قولة الله معاك
قلت اوكي شكرا وطلعت من غير ماقول ولااااااا شي مدري ليش ماقلت لها شي اقلها اشرح لها ظروفي واني شاطرة وهالتقدير مايدل على امكانياتي ابد ابد والله شاهد على كلامي

وربي تحطمت مره مره ، انا على الاقل تخصصي محاسبة يعني وظيفتي الاساسية مجالها بنوك وشركات وغيري تاريخ وعربي واقسام ماهيب لم البنك يوظفونهم بالواسطة ليييش؟؟

والله ظلم قسم بالله انقهرررررت :( :(

فيه بنات حفيظات ماشالله يحفظون الكتاب من الجلدة للجلدة لكن لما تجين تكلمينها تحسين فيها غباء وبلاهة لو توزعينها على الكون كفتهم وزيادة
وفيه بنات ذكيات وعندهم سرعة بديهة وسرعة تعلم وحسن تعامل مع الغير لكن ماتحب تحفظ مثلا وهذا يأثر على دراستها مستقبلا
صحيح التقدير يعطي انطباع جيد على ان الشخص مجتهد لكن هالشي مو دليل ابد

اعتقد انه من الظلم يقبلون على حسب التقدير بس المفروض يسوون اختبار عام لكل المتقدمين ويكون اختبار ذكاء وحسن تصرف واختبار يخص الدراسة عشان اللي يستحق الوظيفة هو اللي يتأهل لها والا وش رايكم ؟ :(