تعالو تدفو مع عصيدتي ( بالصور)

أطباق رئيسية




اليوم جبت لكم عصيده مالحه الأغلبيه مايعرفون الا العصيده بالتمر او المسماة بــــــــــــ ( المحلى)
طبعا هاذي مفضله لدينا في ليالي الشتاء البارد
طبعا اول شي بحط لكم المقادير سهله جدا
مقادير المرق :
خضار للمرق والمفضل في مثل هاذه الأطباق الشعبيه من الخضار هي القرع _ باذنجان _ جزر _ فاصوليا _ بصل _ طماطم مطحون _ لحم مقطع صغار او حسب الرغبه
الطريقه :
نقطع البصل صغار جدا ونحمسه في القدر مع عود قرفه وليمون اسود ونحمس ليمن يحمر البصل ثم نضع عليه اللحم والبزار ونحركه مع البصل ليكتسب اللحم طعم الحمس ثم نضع عليه صلصة والطماطم والماجي ونسكر القدر لين يتسبك ثم نضيف له ماء ونتركه يطبخ لين ينضج اللحم ثم نضيف الخضار ونتركها تطبخ لين تنضج




مقادير العصيده :
دقيق بر منخول بالمنخل وماجي وفلفل اسود
الطريقه نضع ماء مغلي في القدر على حسب الكميه اللي تبغون ونحط الماجي وقليل من الفلفل الأسود ، واذا طبخ قليل وذاب الماجي نكب الدقيق البر عل الماء الساخن ونحرك بسرعه حتى ما يتكتل الدقيق ونحرك بسرعه لين تصير عجينه متماسكه وكل شوي نسقي العصيده من المرق اللي سويناه مسبقا ونحرك لين تنضج العصيده



ونعرف انها نضجت اذا طلعنا المعراك ( المسواط ) وطلع مثل منقار العصفور هاذا دليل انها خلاص نضجت
وهاذا هي تقدم مع المرق وتغمس فيه



وبالهنا والعافيه على قلوبكم
45
19K

يلزم عليك تسجيل الدخول أولًا لكتابة تعليق.

تسجيل دخول

اهاتك
اهاتك
روووووووووووووووعة تسلم الايادى
والله شكلها متعوب عليها انشاالله نجي ناكلها عندك يابنت الرجال
أخت نوره
أخت نوره
روووووووووووووووعة تسلم الايادى والله شكلها متعوب عليها انشاالله نجي ناكلها عندك يابنت الرجال
روووووووووووووووعة تسلم الايادى والله شكلها متعوب عليها انشاالله نجي ناكلها عندك يابنت الرجال
الحمدلله على سلامتك ياأخت آهاتك ومبروك ماجبتي من طول الغيبات جاب الغنايم
وانتي بصراحه تصلح لك العصيده عشانك نفاس وتستاهلين اني اهديك العصيده اللي بالصوره خخخخخخ
على فكره العصيده عندنا لازم تاكلها النفاس عشان ترم عضمها
sarraa
sarraa
تسلمين على هذي الطريقه واسمحي لي افيدك بطريقتي .....وهي انك تسوين المرق اللي ذكرتيه وبعد مايستوي اللحم نص استواء نكون مجهزين العجينه وهي ماي والطحين وتكون ساائله جدا نصبها على المرق ونقصر على النار ونحركها كل كم دقيقه..واذا احتاجت ماي نزيدها ....تقريبا نفس طريقة المرقوق بس بدون رق....وهذي طريقتي فالعصيده المالحه يارب تعجبكم
ام فوفو
ام فوفو
ماشالله شكلها يشهي عليكم بالعافية..
**ام فيصل22**
**ام فيصل22**
طريقه جديده للعصيده عندي اول مره ا شوف مرق العصيده خضار وفيها ماجي وفلفل
طريقتي اغلي الماء مع الملح واحط الدقيق واذااحتاجت احط مرق وما يكون فيه خضار
ومع اللحم بصل وطماط بس
انت من وين من المملكه ومشكوره على العصيده
:26::26: