السلام عليكم بنات
يا بنات أقولكم المحلات هادي الكذابه اللي تتكسب من ورانا يسو تخفيضات و الناس جري يشتروا و هو كذب لا تخفيضات و لا يحزنون و ياريت البضاعه عدله إلا كلها زبايل
المهم يوم الخميس رحت الأندلس مول طبعا مزبل و دخلت نعومي و بالصدفه و أنا خارجه إلا ألمح عند الباب بجامه شاريتها لصحبتي لمن أتزوجت و سعرها لمن إشتريتها 179 تقريبا المهم إنها ميه و شي و سبعين ما تزيد عن كده أجي أطل في السعر دحين لقيته 189 ريال :06: حسبي الله عليهم النصابين و أنا وقت ما أخدتها كانت جديده أول مانزل الكوليكشن و هادول مطلعيناها من المخزن بعد سنتين و يبيعوها بأغلى من سعرها
المصيبه وقت التخفيضات يشيلو الورقه الأصليه اللي عليها السعر أول مانزل الكوليكشن يحطو بدالها الورقه الحمراء اللي مكتوب فيها قبل و بعد
و الله بعد ما طلعت من المحل أفتكرت قلت ليه ماهزأته حراميه
لا و أزيدكم من الشعر بيت طبعا كلنا نعرف إنه البضاعه المخفضه هيا من مزبلة التاريخ مخزنه لها سنين عندهم و يغصبونا نشتريها كيف؟
أختي راحت زارا قبل مده كانت البضاعه كلها جديده و في بناطيل عجبتها بس قعدت تشاور نفسها و لا أخدتها لمن رجعنا البيت ماما قالتلها روحي خوديها لمن راحت مالقت و لا قطعه من البضاعه الجديده اللي نازله و لقتهم منزلين قمايم التخفيض هيا تحسب إنها خلصت
لمن رجعت و تكلم صحبتها طلعت إنهم إيش أول ما يبدأ موسم التخفيض يلمو كل البضاعه الجديده يرجعوها المخازن و يطلعو الزبايل لأنه صحبتها حصلها نفس الموقف في زارا شافت فستان كان لسا نازل و رجعت تاني يوم مالقته تسأل الرجال فينه معقول خلص و مع الضغط أعترف البياع إنهم يرفعوا البضاعه الجديده و يطلعو البضاعه المخمجه في المخازن لكن صحبت أختي ذكيه قالتلو و الله ما أطلع من المحل ليت تطلع الفستان و إلا أفضحكم و بالفعل طلع الفستان ما يجو غير بالعين الحمراء :hahaha:
ما ادري ليش هنا كده و الله في ماليزيا كانت التخفيضات على قطع جدا رااااقيه و الله إني ماشفت و لا نص الزباله اللي في محلاتنا و لمن يجي وقت التخفيضات البضاعه الموجوده في المحل يخفضوها و الكولكشن الجديد يخلوه موجوده مو يشيلوه و يخبوه عشان بالغصب نشتري المخفض و يخلصو منه
أدري بربرت كتير بس مقهورة من يوم الخميس مافي حل يا بنات نفسي أشتكيهم أو نسوي أي شي بدال ما بيضحكو علينا :06:
dr.wewe @drwewe
محررة ماسية
يلزم عليك تسجيل الدخول أولًا لكتابة تعليق.
نجمه بحر
•
فعلا صاااااادقه حسبي الله عليهم ,,,وانا كمان لما رحت دوله اوروبيه نفس القطع الاصليه يعملون عليها تخفيض بورقه السعر
بخلاف هنا وحنا ياغافلين لكم الله
بخلاف هنا وحنا ياغافلين لكم الله
dr.wewe
•
نجمه بحر :
فعلا صاااااادقه حسبي الله عليهم ,,,وانا كمان لما رحت دوله اوروبيه نفس القطع الاصليه يعملون عليها تخفيض بورقه السعر بخلاف هنا وحنا ياغافلين لكم اللهفعلا صاااااادقه حسبي الله عليهم ,,,وانا كمان لما رحت دوله اوروبيه نفس القطع الاصليه يعملون عليها...
و الله جشع و طمع يا ويلهم من ربي ياخدوا فلوس الناس على شي ما يسوى
مشكورة يا قلبي
من جد يا غافلين لكم الله
مشكورة
مشكورة يا قلبي
من جد يا غافلين لكم الله
مشكورة
الصفحة الأخيرة
اش فيها لو حطو قسم بالمحل للبضاعة الجديد وقسم للبضاعة المخفضة
الله يصلح عقولهم وقلوبهم