لالالالالالا محد زيي ابدا

بزواج خالتي يمكن قبل 16 سنه مااذكر بالضبظ

قبل الزواج بيومين ممكن

امي اخذتني اقص شعري كان شعري لنص ظهري وقالت لوحده مصريه قصي لها شوي منه

وبنت الحلال مسكت شعري قصته لرقبتي و وقتها كان حر المهم رقبتي كلها برا :(

واروح البيت ويقولو عني عايشه ولد :(

وامي تراضيني تجيب الحناء وتغمض لي يديني

ولا فستاااااااااااااني فاتكم على اساس اني كاشخه والفستان جابته امي من جده

لونه سكري وفيه فضي ومعه حزام عريض كله ترتر ومنفووووش لتحت الركبه

تخيلو شكلي هذا فستاني وشعري ولد والحنه مغمضه فيدي صاير لونها اسود

وافتكر بالقصر كان في درج وامشي كاني عروس فرحانه بنفسي

وانقز على كل اغنيه وارجع انزل الدرج ولا اطالع باحد

واهم شي صندلي مفتوح والا البس عليه شراب العائله هههههههههههههههههههههههههههههه

يالله اذكر واضحك

وافتكر خالتي بالروج البني والظل الفضي وهي عروس

ويوم تنزف خالتي انا امسك المبخره

وماعجبتني واروح اخذ شمعه

وما عجبني واخذت سلة الورد واصير ارمي الورد على وجه خالتي

ليومها هذا ما تنسى الورد

وخالاتي التنانير الطويله وفيها فتحه لفوق الركبه من زود الكشخه

هههههههههههههههههههههههههههههههههههههههههه

ياعماررر

حضرت عرس عمامي وخوالي وخواني عجوز

اتذكر ابوي قبل الفرح يحضر الفلوس عشرات وخمسينات وميات ويوزعهم بالفرح

ولفات القماش عنده ذوق يجيب نوعين واحد للعجايز الكبار وقماش لشباب

ويوم تجي العروس يرشون الحلاوه من غير الطخ بالرشاش واتذكر في فرح

ضيعت امي واجلس ادور عليها وابكي الله يرحمها ويغفر لها فاقدتها حيل

حلو الموضوع ذكرتينا بايام الفساتين المنفوشة وشعري ممرة كان خشن وكدش ماكنت اتجرا افكه مع انه كان نفسي افكه:hahaha: خخخخخخ
والعشا رز وكبسة وسلطة :p

انا اذكر قبل ادرس حضرت زواج وامي قالت لختي الكبيره اعطيها الحلق والسواره وسلسالك تلبسهم لاني ابي اروح مع امي بدون اختي وكنت لابسه نفاش ابيض وفرحانه فيه والموقف انه لما جينا البيت عيييت علي اختي فيهن بلقوه امي واختي اخذوهن وهم منبهين علي قبل اروح انه لاجيت ارجعهم الله يازين ذيك الايام الله يرحم امي

ههههههههههههههههه سوالف تفتح النفس موضوع روووعه صراحه

اتذكر كان عرس من قرايبنا كان عمري 6 سنوات كنت لابسه سروال احمر ومخطط بااخضر والفلينه بعد احمر مخططه بااخضر وكنت اجي جنب خالتي وارقص معاها رقص الكهيل يافشلاه ولا كنت ادور على اي دف الاقيه عشان اطبل معاهم حخخخخخخ