تعالو ساعدوني ضروري

في اكلات سهله وتضبط من اول مره مثلا سوي رز ابيض مع كودو صدور الدجاج

او صواني مثلا مكرونه باشميل او صينيه بطاطس بشاميل او خضار بشاميل واذا ماتعرفي تسوي البشاميل

اخلطي قشطه +3م جبن سايل+3م مايونيز وحطيها عالوجه ودخليها الفرن لذيذه

او سوي دجاج مشوي تنظفيه وتبهريه وتحطي معاه بطاطس وجرز

ادخلي قسم الطبخ وطبقي منه تراني صرت فنانه في الطبخ والفضل بعد الله لعالم حواء

الله يسهل لك دعواتك

حبيبتي أكتبي في قوقل أطباق سريعة وبعدين أختاري من فوق على الصور وتطلعلك الصور تشوفينها وأختاري اللي يعجبك
بس عاد لاتنسين تعزمينا هههههههههههه أمزح بألف صحة وعافيه

لالالالالالالالالالا انتبهي تجيبين من برا

من اليوم لين تجي ادخلي قسم أطباق عزيزة الساخنة وقسم الأطباق المجربة وجربي لك كل يو مطبخة عشان تتأكدين من طعمها

ولما تجي اطبخي كل يوم
خليها تقول زوجة ولدي سنعة

وسوي حلا وسلطات وتفنني
والله يسهل لك

اعوذ بالله كل ذا عشانه ماما زوجك بتجي ههههه
اكيد هي حرمه كبيره اهم شي الكبسه وسلطه والحمدلله والشكر واذا كشختي سوي مرق
واذا كانت راعيه طبخات وتعرف الحركات ركزي على السلطات لانها سهله وتظبط معك وماتبي شغل

(قطعي كل اغراض السلطه وكبي عليها ذره وحمص وفاصوليا حمرا واخلطيهااا مع ملح وحطيها بصحن كشخه
وفوقها صبي زبادي مخلوط مع مايونيز وثوم مطحون) امممم رهيبه ذي

( اقلي باذنجان وبطاطس وزهره كلها مكعبات وقطعي معها شوي خيار وشوي خس وحطيها بصينيه وفوقها خلطه الزبادي السابقه) بعد ذي رهييييييبه مع الرز الابيض

(جيبي صينيه وحطي فيها بصل حلقات وبطاطس حلقات وطماط واي شي عندك حلقااااات وحطي دجاج مقطع صغاار او بدون كيفك ... وفوقها طبعا شوي ملح وفلفل وبهارات وثوم وصبي عليها كوبين ماء وقصدير وبالفررررن تطلع لك احلى صينيه ولا بوفيه مفتوح خخخخ)

اسلقي صدر دجاج مع ماجي وبهار وملح بعدين قطعيه مكعبات وقطعي بعد فلفل رومي الوااان مكعبات
وحطي بمويه السلق لاطلعتي الدجاج شعيريه لاتخلينها تطبخ تراها تذوب بس حطيها وانتي مسكره النار لين تلين شوي
وطلعيها بعدين اخلطي كل شي مع بعض وحطيه بصينيه وتقدرين تزودين عليهن مثلا ذره او حمص اللي تبين ) شكلها يجنن


قطعي باذنجان حلقات وبطاطس حلقات واقليها وحطيها بصينيه واخلطي معها ذره وملح وفلفل طبعا بعدين صبي فوقها
قشطه+جبن سايل ورشي شوي موزاريلا وبالفرن يتحمر الجبن يميميم على الطعممممه


حمري بصل مع زيت بعدين حطي عليه ملفوف مقطع شرايح وحركيه شوووي بس لايستوي مره خليه نص استواء
وحطي فوقه علبه تونه وشوي ذره وملح وفلفل واخلطي وحطيه بصينيه بعدين صبي فوقه قشطه+ مايونيز وجمليه بالسماق
مع خبز

اممممم اقلي دجاج مع بطاطس
سوي سلطه خيار
اممممم روحي قسم الطبخ وتحسين ان الطبخ سهل مرررره بس يبي مزاج

سوي سمبوسة بالجبنه واللحمه والخضار وفرزيها..

وسوي البيتزا اللي تجي ع شكل دوائر سهلة وتافه ماتحتاج جهد.

وجيبي من اي سوبرماركت ورق عنب جاهز من السوسن لذيذ مرة

العلبة الصغيرة ب7 ريال.

تحطينها عصرية مع الشاهي..تجي حلوة..

وعاد مع القهوة..
الحلا اشكال وانواع بقسم الطبخ هنا..

وطبعا الكبسات نوعي وشكلي..

سوي ايدامات..
مرة سوي رز ابيض+مصقعه+ دجاج بالفرن

والعشاء سوي مكرونه بقطع الدجاج مع خضار زي الفلفل رومي والجزر ومعاها زيتون وتونه وذرة وملعقتين مايونيز وشوفي الطعم كيف يجنن..

وسوي متبل باذنجان:
الباذنجانه اشويها بالفرن وطلعيها بعدين وهي حارة قشريها..

واهرسيها وحطيها بزبديه.. وحطي معاها لبن زبادي علبة و3 ملاعق طحينه سائلة وملح وثوم وفلفل اسود..

وشوفي الطعم ومعاها فتوش او تبوله..واااو خيال وعيش لبناني سخنيه قبل ماتقدميه وقطعةي مثلثات..

يعني كل مرة سوي اصناف بس اهم شي اهتمي بوجبه الغداء لاانها المهمه..

التمر :جيبي سمسم ونارجين..

وكوري التمر وحطي عليه سمسم وشي حطي عليه نارجين..وحطيه بصحن حلو وغلفيها بكيس نايلون وحطيه دايم مع القهوة ..

واذا بتكشخين الصحن زياده جيبي تجليد شفاف من المكتبه بريالين وغلفي الصحن..