تعالو شاركوني

خواتي بنات عالم حواء

انا صار لي شهرين من ولدت وجبت احلى ولد
وما صدقت ان مشوار الحمل والولادة يخلص بالسلامة عقبال الحمل كلهم
لكن جتني مشكلة ومتعبتني
وهي المانع المناسب لمنع الحمل
زوجي يرفض استخدامي للحبوب يقول اني لسة صغيرة
وهو بعد قال بيستخدم العزل الطبي بس الصراحة انا ما رتحت له لان ممكن ايكون فية ثقب وينزل منة والصراحة ما ابي اجازف

المهم قررنا نستخدم طريقة القذف خارج المهبل
وحنا لسة ماشين عليها بس الصراحة بعد مب مرتاحه منها
لان الزوج اثناء الجماع تشوفينه قلق ومتوتر لانة لازم ايقوم قبل لا ينزل فيكون كل تفكيرة في انه اشلون ايقوم بسرعه لما يجي الوقت المناسب
والزوجة بعد تكون قلقانة لانها تخاف ان تنزل بعض النقط في مهبلها بالغلط وتحمل وتكون متوترة لانها بعد تشوف زوجها قلقان
وهذي حالتنا فتلاقينا ما نستمتع كثير بالعلاقه الزوجية

وانا اطلب من اي وحدة تقوم بستخدام القذف خارج المهبل تشاركني وتخبرني
اذا نجحت هذي الطريق او لا ؟
وكم المدة الي استخدمتها؟
وهل يحصل حمل مباشرة بعد ترك هذا المانع او لا؟
وش الحل بعتقادكم لازالة التوتر بين الزوجين؟
وهل هناك اشخاص حصل لهم الحمل وهم يستخدمو هذي الطريقة


انا في انتظار الردود حتى يستفيد الجميع سواء لان هناك الكثير من النساء محتارات في هذي السالفة وخاصة الي لسة والدات
وتسلمون