اللي مثلك يفترض تفتخر بنفسها
اتذكر انك في احد الردود كتبتي انك نزلتي وزن كبير ماشاء الله يعني راح الكثير ومابقى غير القليل خذيه حبه حبه
ومافي مشكله ان اشتهيتي اكل معين كلي منه كميه بسيطه بإذن الله ماراح يأثر على الوزن طالما تمارسين رياضه
ومثل ماقالو اللي ردو قبلي انسي موضوع الحمل لانك جالسه تلعبين بنفسيتك وتدمرينها والنفسيه لما تضطرب الجسم لا شعورياً يتجاوب ويفرز هرمونات كلها تأثر سلباً عليك وعلى موضوع الحمل
وبخصوص العلاجات بالعسل واللقاح والمردقوش والقسط الهندي وغيرها اهم شي الاستمراريه
اكل صحي ومغذي ورياضه + اعشاب وخلطات وادويه علاجيه + النفسيه المنشرحه والروحانيه القويه مع الله سبحانه وتعالى بتجيب معك نتيجه ايجابيه بإذن الله
لا ترممين وتعالجين جهه وتهملين جهه ثانيه الانسان عباره عن جسد و روح
فكري بإخلاص النيه وحسن الظن وقوة اليقين بقدرة الله واعجازه ثم انوي الصدقه بما تجود به نفسك
توضي اخر الليل وصلي لو ركعتين واجلسي ناجي ربك وكأنك تطلبين الله التطهر والعفو من كل ذنب ومعيق
ثم اطلبيه حاجتك ورغبتك واسأليه ان ييسرها لك بقدرته
وان قدرتي تاخذين عمره تجددين نفسيتك وتشربين موية زمزم وتغتسلين منها بنية الشفاء والحمل
ونصيحه اخيره لا تتعلقين بموضوع الحمل انسيه وركزي في اهداف ثانيه وعيشي حياتك طبيعي
اسأل الله العظيم ان يشرح صدرك وييسر امرك وان يسخر لك ملائكة السماوات وجنود الارض وان يسخر لك خيرة خلقه وان يرزقك بالذريه ويرشدك للعلاج المناسب
اللي مثلك يفترض تفتخر بنفسها
اتذكر انك في احد الردود كتبتي انك نزلتي وزن كبير ماشاء الله يعني...
اقصد ١٠ كيلو الباقيه ماراح تمنع حملك بس ابحثي عن الاسباب وتعالجي بس لا تخلين الحمل ياخذ كل تفكيرك حاولي توكلين امرك لله سبحانه وتدعين وتستغفرين وربي بيرزقك باذن الله