تعالو شوفوا ام زوجي وش سوت؟؟

السلام عليكم


معليش يابنات تحملوا مشاكلي


بس هالمرررررررررررررة مررررررررررررة بنفجر من القهر

الموضوع ومافية

اني ساكنة مع اهل زوجي
المهم نزلت امس تحت عشان زوجي قال ماراح اطلع نزلي الغداء عشان اخوه جاي من السفر وبيسلم علية
وانا نزلت وعادي لبسي زي اي يوم انزل فيه

المهم لقيت تحت ام زوجي لابسة وكاشخة وقلت اكيد عشان ولدها مبسوطة انه بيجي
المهم وجلست معها والله ساعتين نسولف وانا اقولها اني طفشانه مرة من الشقة وجالسة لحالي طفشت بس انام
وهي ماردت ولا اهتمت وانا عادي بس اسولف مو قصدي شي

المهم بعدين جاء زوجي وحطيت الغداء بالصالة وامه وابوه جالسين عندنا
المهم قال زوجي تعال يبة كل معنا
قال ابوة لالا ووووووع مابي
وبعد شوي جاء وجلس ياكل من قلب
واانا ماهمني بلعكس اقول احسن الاكل ينوكل ولا ينكب بنفسي اقول
المهم وانا خلصت الصحن وابي اكل شوي من الخضار الا يناظر ويقول انتي كثري زيت بالاكل بس كولي شوي
ويناظر زوجي ويقول يوووووووة خلصت الصحن
انا نزلت راسي استحيت من كلامه القذر دايم يحب يعلق وانا متحملة مايقدر يسكت لازم يعلق ويستهتر بالاخرين

المهم نرجع للموضوع الاول
ام زوجي يوم اذن العشاء
قالت لزوجي انا وبنتي الصغيرة اول متوسط بنروح لحفلة مرة خالك
قال زوجي وامس انتي رايحة وبتروحين اليوم!!
المهم انا اصلا مادريت انها راحت قبل امس وش دراني ولا قالت اصلا
وشوي قال زوجي وانتي لية ماتروحين
قلت ما احد عزمني اصلا عشان اروح
وقال لامة بصوت عالي انتي لية ماتاخذينها معك
وقامت قالت وهي لابسة عباتها
تروحين معنا
قلت طبعا لا
اصلا انا تعبانه !!
المهم اليوم نفس الحركة دقت على جوالي العصر
ولا رديت لاني ماشفته
وجاء شوي وتدق على جوال زوجي وتقول وينها قال نايمة قالت طيب مع السلامة
وشوي جاء المغرب قال زوجي بطلع انا وانتي انزلي تحت
قلت لا ماراح انزل عشان ما احد عزمني وقال انزلي وماراح انزل الا وانت معي
لاني الصراحة اكره انزل لحالي لانهم يبدون يعلقون علي ويستهترون ويردون علي وبالذات البنت الصغيرة ماتحترمني مرة
والاب يشجعها ويعلق علي مثل يوم البس جلال مايعجبة ويقول كأنك باكستانية !!
المهم قال زوجي انزلي وماعليك من احد ***** الله تنزلين بالبجامة هذا بيتك
قلت طيب يصير خير
وااول مانزل بعدها ب5 دقايق
اتصلت على البيت خالتي وقالت تعالي عندنا فلانة وفلانة الساعه كانت 9 ونص
يعني كأنها تقول لاتنزلين وتعلميني اخر الوقت
ولا قالت لزوجي قبل خلها تلبس ولا شي
يوم تتصل العصر وهي سألت وكأنها استانست اني نايمة وانا اسمعها ولا قالت له شي


انا عارفة لية اهي ماتبيني اشوف جماعتها
لاني مرة لبست اول زواجي وجيت نازلة وقالت لي ارجعي فوق وغيري البس ؟؟
لانو ماعجبها
والمرة الثانية يوم جينا بنروح لوحده تقريب لهم لبست ويوم نزلت قالت لزوجي خلها تغير ملابسها
وجاء زوجي قال روحي البسي فستان ثاني وانا ماعاندت وقتها
ورحت البس وقلت له وش رايك
قال مدري مدري المهم غيري يلة خل نمشي
عرفت انها اهي اللي قالت خلها تغير ؟

اانا مرررررررررة مقهورة
تبي تمشيني على كيفها ياألبس مثل ماتبي ولا مااشوف احد من جماعتها عشان ما افشلها

على فكرة لبسي محتشم مرة ولا البس عاري ولا احبة
بس المشكلة بالذوق هي لها ذوق وانا ذوق اخر
السؤال
بأمانه لو انتم مكاني وش تسون .؟؟

رجاء بدون تجريح تراني متضايقة مرة وقلبي حزين لان اهلي بعيد عني وماعندي احد اشكي لة