امس ارسلت لااختي نفاس غدى شوفوا الاطباق اللي ارسلتها
وهذي شوربة العدس
المقادير: كاسه ونص عدس
ودجاج كامل اونص حسب عدد الافراد انا حطيبت نص
وبصل وطماطم وثوم
الطريقة:
تكشنين بصل وثوم لحد مايتحمر وبعدين تظيفين الدجاج بعد تنظيفه طبعا استخمت قدر الضغط
وضيفي بهارات مشكله عالدجاج وقلبيها لحد مايتغير لونها بعدين اضيفي طماطم مفرومه ومعاها 3 ملاعق صلصه
وماجي وبالاخير اضيفي االمويه مااعرف الكميه كم بالضبط لاني احطها بالنظر وبعدين غطي القدر واحسبي لها نص ساعه تقريبا على نار هاديه خليها عشان ماينحرق العدس وبعد ماتجهز طلعي الدجاج من الشوربه ونتشيه
بالشوكه قطع صغيره وحطي الشوربه بالخلاط وبعدين رجعيها عالنار واضيفي الدجاج وشوية ملح وكمون وفلفل اسود واذا تحبين الكزبره اوالبقدونس وشوفي اذا كانت ثقيلها خفيفها بمويه وبس ترى مره لذيذه وسهلها
وبعد سويت صينية الشورما
مرررررررررررررررررره لفذيذه
أخليكم مع المقادير والطريقه ((تكون على حسب عدد الأشخاص ))
الطبقه الأولى /
بطاطس جاهزه على حسب حجم الصينيه
تقلى وترص بالصينيه
الطبقه الثانيه /
4 صدور دجاج
2 بصل شرايح
2 أو 3 فصوص ثوم مبشور
ماجي
بهار كاري
فلفل أسود
نعناع مجفف
يضاف البصل في مقلاه مع الثوم ويشوح بالزيت حتى يذبل وتطلع ريحه حلوه يعني مانحمره فقط يذبل ثم نضيف مكعب ماجي
ثم نضيف الدجاج المقطع مكعبات صغيره ونتركه على نار هادئه حتى ينشف ماؤه
بعدها نضع الفلفل والكاري وشوي كمون ونتركهم شوي ع النار
بعدها نضيف رشه من النعناع المجفف
الطبقه الثالثه /
3مخلل خيار يقطع أنصاف حلقات ويوزع فوق الدجاج
الطبقه الرابعه والأخيرهـ/
3 ملاعق جبن سايل
1 ملعقه مايونيز
علبة قشطه
تخلط مع بعض وتصب على وجه الصينيه
وتدخل الفرن لتتشقر من فوق شوي
وتقدم مع الثوميه << تشبه ثومية البيك
3/4 كوب ماء 3 ملاعق نشا يذوب مع بعض ويوضع على النار حتى يثقل شوي
ثم نضيفه بالخلاط مع
4 فصوص ثوم
ملح و3 نقاط ليمون
ونخلطهم ثم نضع
4 ملاعق زيت زيتون وتقدم
والحلى اخذتها من المنتدى الله يجزا صاحبته خير مره سهل ومتماسك والاهم سهل
اذا لقيت الرابط بحطه
والسلطه بعد اخذت طريقتها من المنتدى مره لذيذه الله يجزاك خير اقصد اول نوع من السلطه بموضوعها وهذا الرابط
http://forum.hawaaworld.com/showthread.php?t=3347731
لاتنسوني من دعواتكم