تعالو شوفوا وش لقيت بجوال زوجي/اكتفى من الردود

السلام عليكم
كيفكم اخواتي عساكم بخير انا متضايقه مره قلت ما لي إلا منتداي الغالي افضفض واشاور خواتي الغاليات
والله من امس وانا اكلم نفسي ياترا انا حساسه وإلا الناس صارت قليلة ادب وماتستحي
القصه ومافيها يا اخواتي
انه زوجي الحمد لله ملتزم والرسائل الي بجواله دائما مواعظ او رسايل تذكير
وكل الرسايل الي تجي من زملاه كذا عاد وانا امس اقلب با الرسايل إوطيح عيني علي ها الرساله من واحد من زملاه
تقول >>قصيميه جاب لها رجلها قمصان نوم يوم جاء اليل وسألها زوجها وين القمصان الي جبت لك قالت وديته الخياط يطولهن ويبطنهن ويحط لهن كميمات>>>> وش رايكم يا اخواتي بها الكلام ماهو عيب يتعرض لإخواته المسلمات انا حسيت إنه يقصدني بها الكلام ابي كل وحده تحط نفسها مكاني وتقولي كيف تتصرف تسكتين ولا تقولين لزوجك ولا ترسلين لها الرجال رساله تنصحينه عدم تداول مثل ها الرسايل الي تنال من اي مسلم سوا قصيمي حوطي سديراوي مصري سوداني وإلي آخره