تعالو شوفو أمي وش سوت فينا في الملاهي شي لاصار ولا استوى ؟؟؟؟؟؟؟؟؟؟؟

بحكي لكم اللي صار علا طول بدون مقدمات 
مره من المرات رحنا مكه ناخذ عمره انا وامي واخواني وزوجه اخوي معانابعد 
المهم وبعد مااخذنا العمره وخلصنا نزلنا جده واليوم الثاني رحنا الملاهي طبعاً تعرفون ملاهي جده واللي فيها من منكرات لاينكرها عاقل 
بس كنا حابين نوسع صدورنا شوي 
ودخلناها من هنا وبعد جهد جهيد كان مره زحمه عالبوابات والتذاكر بذيك الحسبه واحنا كثير
يعني دخنا السبع دوخات الين دخلنا
وبس مشينا فيها شوي لسا حتا ماشرينا تذاكر عشان نلعب 
الا أمي وتصييييييييييح فينا بعالي الصوت 
حرام عليكم خافو الله وش هالمكان اللي جبتونا فيه
تبون تضيعون عمرتي 
واجري
وتصيح راح اجر العمره راح اجر العمره 
وحطت رجلها وتمشي بأسرع سرعتها 
وكل مامرت علا منكر صاحت انا لله وانا اليه راجعون 
يالله انك تغفرلنا 
واحنا وراها ننادي ياامي يااامي تكفييين تعالي 
نبي نهديها 
نبيها ترجع 
اصلاً المسكينه مو عارفه وين البوابه هي بس تمشي بأقصى سرعتها 
تبي تطلع من هالمكان وبس 
 ونبي نهديها ومو قادرين 
كانت كل ماشفت منكر تمسك علا راسها وتصيح
لاحول ولاقوه الابالله مره وانا لله وانا اليه راجعون مره
مع إن أمي يابنات لاتعلمت ولاتعرف تقرا ولاتكتب 
ولاجاها شيخ وقال ترا مايجوز تجلسين في مكان فيه منكرات لإن جلوسك فيه معناته إقرار بهذا المنكر 
كانت معلوماتها جداً بسيطه بس فطرتها سليمه 
وإيمانهاولله الحمد كان قوي 
المهم يالله بالنهايه قدرنا ناخذها ونطلع من الملاهي 
والله ماجلسنا  الافتره دخولنا وخروجنا لاجلسنا ولالعبنا ولاشييييي ابد ابد 
كله عشان هالانسانه اللي مارضت تجلس بمكان ملئ بالمنكرات 

يابنات أمي ماتت ومالي صلاح افتري عليها هالقصه 
كنا انا واخواني نذكر هالقصه ونجلس نضحك والحين اتذكرها وابكي 
اقول في نفسي الله يرحمك يايمه ولايحرمك الأجر 
قالتها لنا 
قالت ماتخافون من الله دوبكم اخذتو عمره صليتو واستغفرتو الرحمن الرحيم والحين تجون هالمكان 
وكانت تقوله بصوت عالي اللي يسمع يسمع ماهمها بشر 
الله يرحمها. يغفر لها 
ويقاس علا هذا كل مكان تقام فيه المنكرات 
وجودك فيه معناته رضاك واقرارك بهذا المنكر 
واول هذي الاماكن قاعات الافراح ومايحصل فيها من منكرات من موسيقى وعري والخ الخ 


اتمنا موضوعي يفيدكم ولاتنسوامي من خالص دعائكم   
والسلام مسك الختام