أم هيثم الصغير @am_hythm_alsghyr

محررة ماسية

تعالو شوفو أيش صار معايه اليوم بالمستشفى ..........

السلام عليكم ورحمه الله وبركاته

بتات اليوم صار معايه موقف جدا شجاع في المستشفى
ولدي له 3 ايام حرارته ما رضيت لا تنزل ولا تخف
والدكتور كتبله تحاميل وعلاج ثاني
بس والله ما له نتيجه غير في لحظه المفعول ولما يروح مفعولها الولد يطيح من الحراره
واليوم الساعه 9 الصباح قلت لزوجي ع المستشفى
لازم ابره والله الولد ها يروح مني
ورحت للمستشفى وقلت لزوجي ندخل ع طول قال لا لازم نسوي كشف قلت طيب سوي الكشف
ودخلت في غرفه الانتظار والولد ما عاد يحيط من الحراره
قلتله اول ما يطلع المريض من عند الدكتور ادخل بالولد
خلاص الولد بيروح منا
قال لا نستنى الدور
فيه ناس قبلنا
وانا هنا خلاص بنفجر من القهر والخوف ع ولدي
طلع المريض من عند الدكنور قلته ادخل بالولد
وقلي تبين تدخلين ادخلي انت وقالها من باب المزح لانه يعرف اني مو من النوع الي يهاجم وكلش هاااااااااااديه
هنا انا :angry2:
شلت الولد ودخلت ع الدكتور وزوجي امبقق عيونه والا فيه رجال يجي وراي ويقول هذا دور ولدي وانا خلاص ابي اكفخ كل من يوقف بطريقي:angry2:
وزوجي واقف وراي ومستغرب من تصرفي
واكلم الدكتور واقوله علاجك ما جاب ننتيجه الولد ناااااااااااااااار مره
قال الدكتور طيب خلاص استني
وفعلا كتبلي ورقة انه يعطونه ابره وراحت السستر معايه لغرفه التنويم وعطوه الابره وهو يصيح بعد قلبي
وزوجي قلي والله ما توقعت منك ها التصرف
طلعتي شجاعه ودشيتي ع الدكتور وما عليك من دور الرجال:22:
حتى اني قلت للرجال لا تقرب منها تراه شريره خلها تكلم الدكتور وتطلع بسررررعه

فقلت انا عند ولدي خلاص
كلكم وراى ظهري ولو يصير فيها حروب وعلووووم
وهو ها اللحين نايم حبيبي
وحرارته خفت الحمد لله
لكن المشكله انه بس يبكي
تهقون يحس بحاجه من جوه وانا ما اعرف شنو هي:(

تكفون ادعوله ربي يشفيه ليه يااااارب ولا يفجعني فيه

وبعد قلبي عمره 10 شهور بس

تهقون اسنانه؟؟؟؟لانه لين ها اللحين ما طلعت

يلزم عليك تسجيل الدخول أولًا لكتابة تعليق.

تسجيل دخول

ام اوسي • 13 سنة

يابعد عمري ربي يشفيه

تصرفك نابع من قلب وحنان الام

شوفي ولدي كذا وطلع تسنين تروح الحراره وتجي زي ولدك بالضبط

وطفحت حبوب بجسمه من كثر العلاجات ومن الحراره

ربي يشفي ولدك ويخليه لك

جربي تعطيه سفوف يريحه محلب وكمون ومره وسكر نبات

sweetyroro • 13 سنة

شجاعة والله انا لو مكانك اسويها
اولادنا اغلى شي بحياتنا علشانهم نسوي المستحيل
الله يحفظهم

روح نايف • 13 سنة

الله يشفيه لك يارب ويقومه بالسلامه ان شاء الله

ويطمن قلبك عليه هذا تصرف طبيعي نابع من قلب ام الله يحفظه لك يارب

يمكن يا اختي تسنين خليك على العلاج والكمادات

خطوات الابتسامه • 13 سنة

قووووويه مشاءالله عليكي

فعلا اهم شي عيالنا والله

اللي يقرب من عيالي اكله اكل

الله يشفي ولدك ويحفظه

بس هذا اكيد تسنين حرارة التسنين كذا سبحان الله

ماتنزل بسهوله

انا ولدي نفس الشي

بس كل شوي احاول اغسل جسمه بمويه

ينبسط عليه واغير ملابسه واعطيه ادول بإستمرار

والحمدلله تمشي الامور

بالتوفيق

أم حلا ^_* • 13 سنة

يا عمري انا حبيبي الله يعينه اكيييييييييييد تسنين

بنتي نفس الشي وعمرها نفس عمر ابنك

بس تطلع اسنان كتير بتتعب حرارة ورشح وبتتعب حوالي 5 ايام واحيانا اكتر بعدين بتطلع سن

الله يعينهن ع فترة التسنين اصعب شي

شكله ابنك بما انه متاخر بالتسنين رح يمشي بكير

الله يحفظلك اياه يارب وتفرحي فيه