كيفكم ياحلوات وكيفكم مع بشراتكم ..... اكيد تعبتو من الخلطات وتفاوتها مابين الصعوبة في عدم توفرها
والسهولة بس نتايجها بعيدة المدى .
اليوم جايبتلكم ماسك رهييييييب استخدمته صراحة اول مرة استخدمه كنت دايما اشوفه في السوبر ماركت
واتردد اخذه وللا لأ وارجع البيت اسوي بحث عنو ماالاقي اي شي حتى صورة مالقيت فقلت خليني اجربو
وفعلا كان رااااااااائع من اول استخدام واحساسه مرررررررة حلو يخليكي ريلااااااكس وهاذي صورتو
اول شي تفكيه وراح يكون ملمسو زي الصابون السائل تدهني على الوجه والرقبة ولاتجي على الحواجب
وحولين العينين (انا جبتها على حواجبي واطراف شعري واتعذبت) وتخليها لمدة 20 دقيقة راح تحسي ان وجهك
مررررة مشدود ورقبتك مشحطة . امسكي طرف الماسك من اي جيهة وشيليه راح يكون معاكي زي الغراء
الصمغ لمن كنا نحطو في يديننا ايام الابتدائي نلعب فيه ولمن ينشف نشيله >>>>هاه اتذكرتو؟ زي كذا راح
يكون بالضبط وشيليه على مهلك راح يطلع معاكي بكل سهولة وشوفي وجهك كيف صار مراااااااااية والشوائب
راحت والبثور اللي في الانف اختفت . اشتري كل شهر 4 بكيتات كل اسبوع استخدمي واحد .
اشتريتو من سوبر ماركت اللولو اللي في الدمام سعرو 4 ريال وشوية
شفت زيو ماسك للشعر وكمان مترددة اشتريه وللا لأ بس شكلي اجربه :) . وجربت من نفس المنتج
الخيار اللي حوالين العين كان اكثر من رائع بس للاسف اخر مرة ماحصلته وللا كان انزلكم صورته
يللا جربوه وقولولي رايكم :27: ............... احبكم كلكم