تعالو شوفو الناس ما عاد خافو من ربي

السلام عليكم ورحمة الله وبركاتة

بنات ابغى اخذ رايكم في قصة بنت خالي وشو تنصحونه وياليت ما تنسونها من دعاكم لانه محتاجه دعاكم:27:

هي لها3 سنين متزوجه بس بعد اول شهر من زواجها تعبت وصار يجيها صداع مو طبيعي وترجع دم راحت المستشفى قالولها انتي ما تشكين من شي كل التحاليل سليمه والاشاعات بعد نفس الكلام وصارت حياته عذاب هي وزوجها:06::06:
ونصحوه ناس تروح الى شيخ يقراء عليها راحت حق واحد في الخبر وبعد فتره رجعت لها الحاله انصحتها وحده تروح لوحده في البحرين تعالج المهم وداها زوجها وكانت المفاجئه اهي وزوجها مسحورين والمفاجئه الثانيه الي ساحرتهم زوجت اخو زوجها ( اكيد بتسالون كيف عرفنا وليه بذات هذي الحرمه عشان الموصفات الي قالو عليها واول حرف من اسمها ) المهم لما طلعت بنت خالي من عندها ما صدقت الخبر ليه هذي الانسانه تسوي كذا وترى الحرمه الي في البحرين قالت لها انتي وزوجك مسحورين وانتي اكثر منه والسحر ما شين عليه وترى ما راح تجيبين عيال لين ينفك السحر . ..... يوم اركبت مع زوجها السياره قالت دق على الحرمه تقولك الخبر قال ليه قولي انتي قالت اخاف ما تصدقني المهم دق على الحرمه وقالت كل شي وانهم لازم يطلعون من البيت الي ساكنين فيه
اخذو فتره يفكرون وشيسون وهو دافع ا يجار الشقه يعني اذا طلع من البيت مستحيل يرجعون له المبلغ
قال اخليك عند اهلك لين اتخلص السته شهور بعدين ندور على شقه جديده ( وفي هذي الفتره وهي عند اهلها وتعرفون الناس ما يرحمون ليه رجعها عند اهلها وهي لسى عروس وكلام واجد الله يهدي هذولا الناس لا خيرهم ولا كفايت شرهم مدري شيبون )
المهم قال الولد لاهله ما صدقوه لانها بنت عمه قالو مستحيل سحر لا ما نصدق قال خلاص روحو معي لاي شيخ وتشوفون رفضو قام اخذواحد من اخوانه وراحو اليمن وقال نفس الكلام وقال مواصفتها وعطاهم علاج وبعد فتره حملت بنت خالي وجابت بنت عمرها الحين 7 شهور قلنا الحمد لله انفك السحر لكن زوجت خالي جاتنا اليوم مسكينه تبكي على حال بنتها وتدور حل وشكله يقطع القلب تقول لما تتعب تضرب براسها وترجع دم وعلى فكره طول فترة الحمل وهي عند اهلها لانها كانت تعبانه وكان الطفل نازل وكانت تاخذ ابر التثبيت المهم قالت اهي لما تعبت اخر مره ودوها لشيخ ثاني وقال ان السحر انتقل معهم للبيت الجديد والي سحرهم ما قد دخل بيتهم وانه ما راح ينفك بسهوله وكانت امه تبكي وتبغى المساعده الي تعرف احد يبنات تكفون تقولون لنا جعل والديكم الجنه والله لا يحرمكم من غالي ( تكفون يبنات ادعو لها هي محتاجه دعاكم )

وترى هذي الحرمه الي ساحرتهم تقرب لنا لكن جعلها النار على الي سوته والله والله يا بنات انهاكانت تكلمني اولا وتقول ان شاءالله ما يتم الزواج وكنت استغرب ليه هذا الحقد وانا ما قلت لحد على كلامها لاني والله ما احب نقل الكلام

ادري اني طولت عليكم سامحوني بس حبيت اقولكم على كل السالفه عشان تساعدونا اذا تقدرون