اللهم صلي وسلم وبارك على سيدنا محمد
عليه افضل الصلاة والتسليم
اليوم راح اقولكم ايش اللي خلى الحبوب اللي في وجهي تخف
صراحة انا تعبت من وجهي لانه دهني
وجربت اكثر من كريم ومافي شي نفعني
:06:
فترة بنات كثار بالمنتدى كانو طايحين بالوكسيد
وانا صراحة حبيت اجربو من كثر المدح
بس اول شي قلت خليني اعمل عناية طبيعية
وقريت اكثر من شي بالمنتدى بس في اشياء خفت
منها وماجربتها لانه اتحسس منه ويابنات اللي تبغى تجرب
اللي كتبته اول شي تشوف لو في شي من المكونات يتعبها ماتستخدمو عشان لا تدعي عليا
احم خلينا ندخل بالعناية اليومية اللي خلت حبوب وجهي تخف
اول شي تغسلي وجهك باليوم مرتين قبل النوم ولما تحصي
اتكلم عن العجازات اللي تتكاسل تغسل وشها بالليل
وتستخدم الزبادي بدل الصابون
ولو تستخدم غسول افضل تستخدم الغسول والزبادي مع بعض اهم شي ما تقرب
لي وشها صابون
والطريقة هنا
تجيبي زبادي وتحطيه بوجهك لحد ماينشف وبعدين تغسيله بموية دافية
عشان المسامات تنفتح وتجيبي ليمون وتمريريه في وجهك
وتغسليه بموية باردة جدا عشان المسامات تنتفل
وفايدة الليمون هنا اول شي تشد وتاني شي تقتل
الجراثيم اللي تخلي الحبوب تتكون
ويابنات لوحطيتي زبادي ما يحتاج تغسلي وجهك بالصابون
والله انه احسن من الصابون تحسي وجهك نظافة ونضارة
لازم بالصباح وبالمساء عشان تشوفي النتيجة خلال اسبوع
اهم شي تداومي عليه مو تحطي يومين وثالث يوم تقولي
ماناسبني وفي حرمة مصرية الله يعطيها العافية
شافتني وانا حاطة الزبادي في وجهي
قالتلي حطي بعلبة الزبادي 10 بنادول
صدقيني راح تدعيلي
يعني الحبوب بتروح بح
بس للامانة ماجربت لانه الزبادي
نفعني بقوة من غير ماحط بنادول
فما بالكم لوحطيت بنادول
وبعد ما اغسل الليمون من وجهي احط فوق الحبوب معجون اسنان
وفايدة معجون الاسنان انه يخفف الاحمرار والنفخة
وفي الاسبوع مرتين احط زلال البيض يا بنات
يعطيكم نعومة ويشد البشرة مرة حلو للثلاثينيات
انا استخدمو عشان النعومة>>>>>تبغى تفهمكم انه لسة صغيرة :hahaha:
واخر شي
عصير البرتقال تحطيه بوجهك نفس طريقة الليمون موية دافية
وتحطيه لين ماينشف بعدين تغسليه بموية باردة عشان المسامات
تنقفل
والفايدة اكيد عارفين فيتامين سي مباشر
انتهينا من العناية الطبيعية
جينا للكريمات
استخدمت كريم الوكسيد والبينوكسيد
البينوكسيد عشان الحبوب تنشف
وهنا لازم تستخدمي الوكسيد
عشان التقشير ويساعد على تنشيف الحبوب كمان
واستخدم سكراب زيت الزيتون والسكر عشان اقشر
وجهي ويصير احلى نعومة احذر يا بنات لا تتحمسي
واتني تقشري عشان النتايج ماتكون عكسية وينحرق وجهك
زي ما حصلي زمان مع الحماس الواحد يقول خليني انظفو
تمام وتقول يا ريتني ما نظفتو ولا نعمتو
انا يا بنات كنت استخدم الوكسيد والبينوكسيد زمان وبطلتو وجهي كان صافي و روعة ماشاء الله تقريبا سنة
بعد ما شفت وجهي صار نظافة ومافي شوائب صرت استخدم الصابون وما اعتني فيه زي اول
لحد ما وجهي خرب ورجع الحبوب بالجملة :16:
ورجعت لنفس العناية اللي كنت اعتني فيه اول
ودحين ليا شهرين
وانا اعتني بوجهي وقلت توبة اعمل نفسي ام وجه غير دهني >>>>>احلى يا فصحة
وماشاء الله تبارك الله وجهي دحين نظافة
نعوومة زي الاطفال
وجه مشدود
المسمات صغرت وخفت مع التقشير والشد
يعني مافي مسمات غير للي يقرب من وجهي
على اثار خفيفة جدا للحبوب وان شاء الله راح تزول
واسيبكم دحين مع الصور
الوكسيد والبينوكسيد
زبادي
غسول طبي
غسول جل طبي
سكراب زيت الزيتون والسكر
وترا صورت الليمون بس ماقدرت انزلو
وقلت مو مشكلة كلنا نعرف اليمون والبرتقال
وزي ما انتو شايفين طريقة سهلة محتاجة
لصبر وانتظام عشان توصلي للنتيجة المطلوبة
متسنيا الردود اللي تفتح النفس
يابنات والله تعبت وانا انزل الموضوع
فاتمنى انه الموضوع عجبكم
واذا اي بنت استفادة من الموضوع
تدعي لي امي وابوية بالشفاء وطولة العمر
وانه ربي ينولني اللي في بالي
بجربها بااذن الله خاصه انو اللوكسيد جايب معي نتيجه ممتازه