تعالو شوفو ايش صار ياااارب افضح من ضرهم وعذبهم..ااااه ياقلبي عليهم..

لاحول ولاقوة الا بالله لاحول ولاقوة الا بالله لاحول ولاقوة الا بالله حسبي الله على كل ساحر حسبي الله على كل ساحر حسبي الله على كل ساحر اللهم ارنا فيهم عجائب قدرتك وزلزل الارض عليهم اللهم اسكب العذاب على رؤسهم سكبا اللهم فرق شملهم وشتت جمعهم الله لايسامحهم لادنيا ولا اخرة الله لايحللهم الله ياخذ حق كل من تاذى منهم يارب وافرج لاهل صديقتي الغالية وامها الضعيفة المسكينه اللي شربت العذاب منهم شرب..حسبنا الله ونعم الوكيل..
والله قلبي يتقطع والله اني ابكي حسرة واتمنى بيدي شي اسويه اتنمى اني اصيد اللي عذبهم واقطعه بيديني واسناني واريح المسلمين منه بنات انا منهارة انا في هم وعذاب من اللي قاعد يصير لصاحبتي وامها واهلها والله حرام والله حرام اللي قاعديسون فيهم ليش الله يلعن كل ساحر حسبي الله عليه وين ماكان وين ماصار والله قلبي متمزق على صاحبتي وامها اعرفها طييييبة ودينه وخلوقة وماتهس ولاتنس لاخير ولا شر حالها بحالها لكن الحساد ماتركوها انا كتبت لكم قصتها المرة اللي راحت قبل مدة وهذا الرابط للي مايعرفون القصة..http://forum.hawaaworld.com/showthread.php?t=1550048
واليوم اصعب يوم مر في حياتي واصعب شي سمعته باذني والله يابنات ان السالفة صايرة اليوم بعد صلاة الظهر وربي يشهد انا كنت بحط الغدى مع زوجي يوم بدينا اتصلت صاحبتي متقطعه بكي صوتها يقطع القلب القاسي تقول محتاجتك ابيك جنبي قبل يصير لي شي الحقيني طررررت مااكلت شي كبدي صارت زي النار يوم شفتها تقول خواتي اتصلو يبكون يقولون ابوي دخل فجاة وهو كان قاعد بالمجلس وكان له فترة بس جالس لوحده من قبل هالسالفه تقول دخل والشرر طاير من عيونه كنه بيذبح احد دخل يبي يذبح امي ومسكها من شعرها وراسها وقطع فيه وضربها بالارض وتوطى ببطنها ورفس باقوى مايملك ببطنها وهي توها مسوية عمليه قيصرية بولادتها الاخيرة ويرفس فيها كنه شيطان يبيها تموت والله يبيها تموت تقول اختها اللي اكبر وحدة موجودة طبيت بينه وبين امي وبعدته عنها قام سلخني سلخ بالضرب وقطعني وجو خواتها الثانيات اصغر منها يبون يفزعون لامهم واختهم قام جلدهم وكفر فيهم اختهم اللي اكبرهم مخش وجهها غرس اظافيره بوجهها وعند عينها وضربها بعينها ونزفت دم وضرب راسها هي وامها بالجدار وحست بدوخة البنت راحت غرفتها وتشوفه الا وهو زاد بامها وخواتها رجعت طبت معهم مسح فيهم تقول مو ابوي الطبيعي شكله واحد ثاني يعضهم باسنانه قطعهم وباظافيره يبي يوخرهم بياصل لامهم اللي طايحة من بطنها والضرب اللي جاها ماعندهم كبير الا اخوهم اللي اكبرهم بدوامه الضعيف لو فيه المصايب كله جت براسه الحمدلله انه مو في والا كان انفضح وتبهذل هو لحاله يكفيه اللي جاه من العذاب من ابوه عذبه من كان صغير كان يقطع اللي على ظهره لين يدوخ وبعدين يصحي ويروح يقرا عليه وعلى هالحال ويمشي بين الناس ويحط عيوب الدنيا فيه في بينهم سحر المهم تقول ويمسكنا ويقطعنا بالضرب والتوطي والرفس سبحان الله عمره يمكن بالستين لكن جته قوة حصان الا عفريت بسم الله اتقول اختهم اللي بالنسبة لهم اصغر شي يالبي عليها من الروعه قعدت تصرخ تقول بسم الله يوم ركب عليهم قالت بسم الله بسم الله باعلى صوتها بسم الله ياجن اعوذبالله منك وتقول اقسم بالله فكهم بعدها وقال بسم الله بسم الله يحرك عيونه كنه توه يصحي وقعد يقول بسم الله ايش فيكم ايش فيه ايش اللي صاير ايش فيه ليش مجتمعين علي ويمسك بنته الوسطى وكانت تدف صدره وقال ليش ياامي ايش فيك ويضمها بقوة ويبوس راسها ووجهها وخشمها ويقول ايش فيك ياامي تقول وقفنا نطالع من الروعه وفجاة مدري ايش فيه رجع عطاها كف وجلد فيهم اقوى من اول وفجاة يرجع يضم بنته ويقول ياامي ايش فيكم ايش صاير وفجاة يرجع مدري ايش فيه هو اصلا طيب مع بناته بس تقلب واخر شي زاد ضربه وتقطيعه بشكل لايطاق بنته دقت على خالهم وطيران جاء شاف المذبحة وفرق بينهم تقول اقسم بالله لو ماجاء خالي كان مداه ذبح امي وقضى عليها مسكينه يكفيها المرض اللي ذبحها وبهذلها الله يفك عنهم يارب تقول يقول خالي له ليش تضربهم يقول البنت الكبيرة دخلت علي بسكين بتذبحني ويحلف انه ماجاهم ويقول ماجيتهم الا اذا انا جاي امي اللي بالقبر يعني يحلف ومتاكد انه ماراح شكله مو حاس والمشكلة ثوبه عليه دممم واضح وايدينه وينكر تخيلو المقاتل استمر تقريبا ساعتين متواصله ماحس وهوبسم الله كل مايجيه هالاعصار يحس انهم كانو بيذبحونه شي يوسوس له وقبل يحطها براس ولده انه يذبحه بس الحين مو فيه حطها براس بنته وقال انا كل مااجي بسوي شي براسي لازم انفذه يقصد بالام يجي يمنعني الولد والا هالبنت تقول وعيونه شرر اخذه الخال غصب عليه وطلع فيه والله يابنات اسمع صوت خواتها وهم يبكون يعلمونها اصواتهم تقطع القلب خايفين منه اذا رجع ويقولون كيف نروح للمدرسة واحنا بهالشكل وكيف نخلي امي نخاف يذبحها والكبيرة كليه كيف تروح ووجهها دمار مشوه كدمات والعين غايرة حتى الماكياج ماينفع وعندها حرمان اااااااااااااه يارب ارحمهم برحمتك تصيح رفيقتي تقول ابي امي عطوني امي وتكلمها بصوت يقطع القلب لا وتجامل تقول مافي الا العافيه يابنتي شوية جدال وبس مادرت ان بناتها معلمين اختهم وتقعد تصيح وتهاوش ليش تعلمون اختكم وحالفة لو تجي بنتها لهم وتسافرلهم بتزعل عليها والسالفة عادية وكل بيت في مشاكل الام ماتبي البنت تنهار تجااااااااامل وصوتها بين تعباه مرررررررررررة تقطع القلب المصيبة ان اختها تقول ان فيه هندي او اجنبي كان زمان متعرف عليه ابوهم وتغير بعده وقلبهم فوق تحت وكشفوه الهيئة لانه ساحر وسفروه رجع مرة تانية ومدري كيف راح له ابوهم ومعطيه ادويه وسبحه وحجامات حتى تقول اخوي الصغير يلعب بالسبحه لقاها بمجلس ابوه ناسيها انقطعت وخاف الصغير راح رماها بالحفرة الله يكرمكم حقت المجاري عشان مايدري ابوه رجع ابوهم وهذا قبل المشكلة بفترة يدورها ومسح فيهم الارض يدورها وقلب الدنيا عليها مالقاها طلع ورجع مسك ولده قال تعال ياللي فيك ومافيك انت لعبت فيها واتقطعت ورميتها بحفرة المجاري الله يكرمكم بسم الله يقولون انهبلنا كيف يعرف راح كلم ورجع الساحر راعي البلاء كله الله لايوفقه لادنياولا اخره والابو مسير والضحية الام والاولاد ياااااااارب افرجلهم وربي تقطع قلبي عليهم تكفون ادعولهم تكفون بصلاتكم وعند افطاركم يالصايمين وبالتهجد واخر الليل تكفون وماخفي كان اعظم احس اني كارهه الدنيا بعدهم تكفون اانا متضايقة وواصلة حدي مدري ايش في بس ودي ابكي ابكي لين اطق منصدمه وجسمي يرتعش وبردانه حييييل وبس ادعيلهم خايفه عليهم وعلى امهم وعلى صديقتي المسكينه اللي يفك كربها بحاله مايعلم بها الا الله وضعها متدمر دمااار والحين العود اللي باقي مقويها تقول انكسر وهو امها تكفون ادعو لصديقتي وامها وادعو ان الله يفك عن ابوهم وامهم واخوهم وهالبنت اللي تلاحقها المصايب الله لايوريكم مكروه ادري طولت بس لو ماطلعت اللي عندي بنهار بندمر يارب رحمتك ادعو ان الله يفرجها ويوسع صدري بالحيل ضايق ومخنوق..واعذروني ..على كل شي.ماني حاسة بنفسي الحين برجع وقت تاني..