كيفكمـ ؟ ياأحلى اعضاء
حابه اوريكم برنامجي اليومي واللي عندها اي استفسار او انتقاد او ملاحظة تتفضل
طبعاا انا ستعمل هذا البرنامج في فترة الصباح عشان يكون زوجي في عمله
الاحد : قناع للوجة + الاهتمام بمنطقة الابط
اول شي بسوي بخار لوجهي عشان تتفتح المسامات وبعدين احط لزقة الخشم عشان نشيل الروؤس السوداء والدهون اللي في الخشم بعدين بحط قناع للوجه وطبعا ماني متقيده بقناع معين
مرات بحط لبن زبادي وعسل ماء ورد ، ومرات احط لبن زبادي ونشاء وحليب وزيت زيتون وماء ورد ، ومرات بحط قرفة وعسل ، يعني كل مااقراء عن خلطه وتعجبني اسويها
ومنطقة الابط بسوي لها هالطريقة افحكها بليمون لمدة دقيقتين وبعدين بجيب النشاء واحطه على المنطقة وخلية لمدة خمس دقائق وبعدين بجيب مناديل المطبخ وافحك بها المنطقة
الاثنين : اسوي صنفره للييدين والارجل
XXXXX
يمنع وضع روابط من اليوتيوب
الثلاثاء : اسوي حمام زيت للشعري + حمام مغربي لجسمي
شعري بخلط زيت الزيتون ، اللوز الحلو ، الخروع ، جوز الهند مع بعض واحطهم على شعري واغطي شعري بكيس
والحمام المغربي بعمل هاذي الطريقة للاخت Dala3_4_ever الله يجزاها خير
http://forum.hawaaworld.com/showthread.php?t=786902
الاربعاء : اهتمام بالمنطقة الحساسه
بنقل لكم الكلام زيي مااخذته بس بصراحة ناسيه من فين لقيتة عندي في مفكرة
اولا انا توني زرت طبيبه نسائيه لاستشارتها بموظوع عن المبايض وافحص
لما فحصتني لقت مافيني التهابات الحمدالله ولا شي
لا وقالتلي انتي مافيج ريحه بالمنطقه ماشالله وريحتها زينه الحمدالله سالتني شنو استخدم قلتلها المسك
بس يابنات موالمسك لحاله اللي عطاني هذي النتيجه وخله دكتورتي تسالني بل عنايتي المكثفه في هذي المنطقه هي اللي عطتني هالنتيجه والحمدالله
الحين نبدي...
طريقتي باالعنايه بالمنطقه الحساسه
اولا شي انتف المنطقه بحلاوه
بعد الدوره اعبي الباااانيوووووو ماااي حااار لدرجة استحملهاااا واخذ بقبضة اليد ملح خشن واحطه بالماي واجلس ربعع سااااعه
هالخطوه ظروريه يابنات
اغسل بغسول سيتيال خياااااااااااااااااااالي استخدمه مرتين الي ثلاث مرات اسبوعيا ودكتورتي قالتي هذا افضل غسول مهبلي
على فكره دكتورتي استشاريه وماخذه شهادتها من المانيا ماشالله يعني مو اي شي
بعد كللللللللللل حمام لاااازم تنشفين المنطقه عدل مالازم تكون رطبه لانه الرطوبه اهي تجيب ريحه
اسمحولي بضرب مثال يلوع الجبد بس عشان تتخيلون وتفهمون وتطبقون بس تخيلي الوضع اذا مانشفتي المنطقه بعد كل حمام ولبستي الكلوت وانتي رطبه
ماي+ افرازات+عرق= عفووووونه عزكم الله
عشان جذي ضروووووووووووووري تنشفين المنطقه الحساسه بعد كل حمام
حاولو تلبسون شورت قطني وربي روعه لاسواد ولا ريحه ولاعرق اساالي مجربه
لما تلبسين الشورت رشي بودرة جونسون تمص الرطوبه والعرق
وغيرو الاندر وير على طول يابنات غيرو الكلوت انا اغيره مرتين باليوم ومرات ثلاث مرات يوميا
ادري بتقولون هذي تعلمنا حنا موجهال بس وربي اعرف بنات الله يهديهم يقعدون بالكلوت يومين عااادي عندهم
طريقتي بالتعطير بالمسك..اجيبلي فنجان احط فيه قطره مسك سااائل واجيب مسك الحجر من القرشي ابرش شوية مسك واصب بالفنجان مااي حااااااااااااااار يطبخ واغطي الفجان بكلنكس واروح اخذ دش
لما اطلع يكون الماي دفى اقدر اتحمله احس الماي الدافي افضل من الماي البارد بكثييير وعن تجربه
اجيب قطنه واغمس بالمحلول المسك والماي وامسح عدللل المتزوجات امسحوو داااخل والبنات من برا امسح كذا مره موبس مره
اسويها بعد الدوره الثلاث ايام اللي بعد الدوره
بعدين اسويها مره بلاسبوع
اقسم بالله مثل ماقلتلكم الدكتوره اسالتني تقول انتي مافيج ريحه 1% ماشالله تبارك الله حتى تقولي انتي جايه تستشيرني انا الحين استشيرج
الخميس : العنايه بالهالات السوداء + الشفايف
الهالات السوداء مره بحط لها قطع الخيار ، ومره بحط قطع البطاطس ، ومره بحط زيت اللوز الحلوو يعني كل اسبوع حاجه
واحيانا بحط زيت الخروع لرموشي
شفايفي بقشرها بفازلين و فرشاة اسنان
وبس هاذي عنايتي بنفسي اسبوعيا وطبعا في حاجات يوميا مااستغنى عنها زيي الترطيب باجليسوليد يوميا بدهن جسمي كلة قبل النوم باجليسوليد
واحط موية الورد في الثلاجة وكل مافتحت الثلاجه ابخ منها على وجهي
ودايما بعد اي قناع لوجهي امرر علية ثلج
أتمنى اكون افدتكم ..
دعواتكم لي بالذريه الصالحة ..
برنامجك بسيط وحلووو واغراضه متوفره
الف شكر لك حبيبتي
ربي يسعدك على الافاده الحلوه
ويرزقك الذريه عاجلا يااااارب