تعالو شوفو تجاربي واستفيدو اكيد بتستفيدون

السلام عليكم
شلونكم بنات وشخباركم
من زمااااااااااااان عنكم بس متابعه بصمت من خلف الايفون ومن زماااااااان حابه ارجع اكتب بالمنتدي بس الضروف منعتني
كنت بكلمكم عن بعض الخلطات والاشياء اللي جربتها خلال فتره انقطاعي عنكم واللي هي تقريباً 10شهور بكتبها بشكل نقاط وان شاء الله تستفيدون مثلي
1- بنات تكفون تكفون لاتستخدمون خلطه الرتن دمااااااار للبشره والتقشير اللي ماله داعي ليش تقشير الرتن مرررررره واصلاً طريقتنا له اكبر غلط اللي مجبوره عليه تحط علي اثر الحبه بس ساعه وتغسله يومياً لمده اسبوع وترتاح اسبوع وهكذا شهر يعني كل استخدمه اسبوعين ولا يزيد عن كذا لان يوسع المسام وشيسكرها بعدين خلص تكونون بمشكله وتصيرون بثنتين نصيحه استخدمو السكراب العادي مره كل اسبوعين بالليل وثاني يوم مفيش ميكب خلي البشره نضيفه .
2-اكتشفت شي روووووووووعه شوي عليه ومتوفر عندك ويخلي بشرتك بيبي فيس بذات اذا عندك مناسبه ثاني يوم ياسلااااااااام سري الكبير واللي مستحيل اتخلي عنه حبيييييييب قلبي والله يسوي اللف خلطه وكريم كل ثلاث ايام للزم اسويه ومرات بالاسبوع مره حسب الفضاه شوفو الطريقه عدل تجيبين علبه الزبادي من البقاله لا ترجينها لا ابيها متماسكه تفتحينها شوي شوي راح يطلع لك الزبادي متماسك طبعاًوفوقه سائل اصفر اللون خلي معك ملعقه تبعت الشاي الصغيره مره شيلي من السائل وحطي بيدك وافركي بشرتك ملعقتين كفايه بعدين خوذي من الزبادي بدون السائل حولي تميلين العلبه وانتي تاخذين الزبادي عشان ماتاخذين من السايل وتوفرين للمره الجايه المهم تاخذين ملعقتين صغار من الزبادي وتجيبون شاي اخضر انا استخدم الربيع تقصين الكيسه من فوق بمقص وتطلع لك اوراق الشاي تخلطينها مع الزبادي وتفردينها علي بشرتك طبعاً تكون البشره مغسوله ونضيفه نص ساعه تغسلينه بالغسول تبعك وتحطين التونر وشوفي بشرتك شلون يسلااااااااام لاتنسون تدعون لي يابنات الشاي الاخضر مضاد للاكسده يعني بشره نضره وصحيه وطفوليه انا مرات اشرب الشاي الاخضر بالليل بعد العشاء واحط الاكياس بالفريزر واغسل وجهي واحط الاكياس علي الهالات مررررره يريح ويخفف من الاجهاد.
3-في بصيدليه بوتس سيروم مركز اسمه فير اند وايت مررررره مركز اللي تعاني من اي سواد بالجسم تستخدمه ماعدا الوجه وفي المجموعه كامله لكل منطقه بالجسم كريمها المجموعه مررررره فعاله وممتازه ومن انجح واشهر كريمان التفتيح الفرنسيه انا شخصياً جربت السيروم للمنطقه الحساسه كنت اخلط نقاط مع كريم التفتيح بس حسيته بطيا نوعاً ما صرت احط بيدي نقطتين وادهن المنطقه بعد الغسل وفتحت مررررره ومالابس ملابس داخليه وقت النوم وكل يومين تقشير علي الخفيف لاتتوقعون انها بتتوحد كلها اقولها بصراحه تفتح بنسبه 90٪ وانا مادومت عليه لان سعره بصراحه مرتفع علي ميزانيتي غير انو ماحب اطول علي الكريمات الكيميائيه بس داومت علي زيت الزيتون مرررره وحد لي اللون اي شي تعجزون عن توحيده عليكم بزيت الزيتون مادري شلون هو يسمر بنفس الوقت يوحد اللون لاتسألوني شلون انا نفسي مادري يعني المنطقه الحساسه والركب والاكواع يوحدهم علي صمنتي بس يبيلكم طوووووووووووله بال يعني بياخذ الموضوع اشهر ومبالغ اذا اقول سنه انتم داومو وانسوه كل يوم قبل النوم ماياخذ الموضوع ثواني.
4-فازلين الوردي لتوحيد اللون مادري ليش تسبونه قسم بالله فتحني مرررررررررررررررره استخدمته الي الان ست شهور يومياً اتحمم واحط منه بصراحه ماراح استغني عنه وان شاءالله مايقطعونه ويرطب ترطيب حلو وسعره مره ناسبني ارخص بكثير من فير اند وايت وتقريباً نفس النتيجه
5-اللي بشرتهم دهنيه ويعانون مجموعه نورماديرما من فيشي عجيييييييبه تقضي علي كل مشاكلها من حبوب ولمعان زايد وتوسع مسام طبعاً انا معتمدتها هي لبشرتي استخدم الغسول الجل والتونر ان شاء الله ناويه علي المرطب بس يخلص مرطبي الحالي المجموعه لونها اخضر فاتح مخصصه للبشره الدهنيه سعرها مرتفع نسبياً الغسول تقريباً110ريال
6-في مسات طبيه مدوره من كليراسيل تجي بعلبه تكون معك بشنطه او البيت اذا ماقدرتي تغسلين بشرتك تمسحينها بوحده منهم تعقم وتنضف البشره انا طلعت لي كم حبه ورحت لطبيب جلدي قال بشرتك دهنيه لازم الغسول والتونر اقل شي ثلاث مرات باليوم وترطيب عشان ماتجف البشره
7-امممم انا احب امشط شعري وهو مبلول يصير شكله مرتب طبعاً كذا غلط لان الشعر مايمشط وانتي يادوبك متحممه فبحث وبحثت وبحثت عن شغله تخلي الشعر مبلول غير الماء لان كثرته تقصف الشعر ابي شي يخليه مرتب وبسرعه ينشف ويصير يلمك كأنك توك متحممه مادري اذا فهمتو علي مثل يوم كنا صغار امهتنا يحطون الماء ويمشطون بس كلها ساعه ويرجع الشعر يطير ويصير مو مرتب تطلع الشعيرات الصغار وخلال بحثي لقيت اغلب السيرومات الخفيف مايسوي شي والثقيل يطلع الشعر مدهن بس لقيت شغله غريبه مع انو ماقتنع بامنتجات الرخيصه والتجاريه بس هذا غيييير هو مستحضر تصفيف الشعر من غارنيه ترشين علي شعرك ويصير مبلول وتمشطينه وتضبطين التسريحه اللي تبين وراح ينشف بعدها شعرك حرييييييير ولمعه نضافه ومايطلع اي تقصف روووووووعه رحت طيران علي الصيدليه جبت الماسك يسللاااااااااااام عليه يالله شي خيااااال غير ريحه الفواكه يالله قد ايش كنت ضالمه هالماركه جربوه واحكمو بس اهم شي البخاخ والمساك علي الشعره فقط لايوصل الجذور
8-طبعاً اكيد تقولون شسالفه كلها تجارب ناجحه للاسف لا في اشياء فاشله اخذت من وقتي وجهد وخساير علي الفاضي وهي:
امبولات فيشي لشعر ،لصقات نيفيا لتنضيف الانف،الخيار للهالات ،كريم بلمرز لشد الترهلات مع انو خلصت ثلاث علب ،مرطب الشفايف بفيتامين سي من بوتس يسمر الشفايف
وبس سلامتكم يالحبااااااااااااايب ارجو انكم تستفيدون من تجاربي واللي ماتستفيد لاتدعي علي.