السلام عليكم ... هذا الموضوع اهداء لكل وحده على وشك الزواج أو على وشك ولادة...
انا صار لي شهرين وشوية والده واتبعت جدول للعناية بنفسي أثناء فترة النفاس ابتداء من عاشر يوم بعد الولاده بس ايش اقول لكم روووعه ونتايج رهيبه لكن لاااااااااااااااااااااازم تداومين يعني الملل مرفوض .. وعلى فكرة الجدول أغلبه من عالم حواء ...
الجدول اليومـــــــــــــي...
أولا.. الشعر أدهنه ليله ورا ليله بزيت رتاج تاج وأغسله في الصباح بشامبو السدروبعدين احط ماسك العسل اللي زي فاشكول لمدة نصف ساعة ثم اغسله بالماء مع الأبتعاد عن حرارة الاستشوار العاليه طوال مدة العناية ..( شامبو السدر يجفف الشعر شوي حطي لا خلصتي من الحمام مرطب أنا استعمل صانسيلك).
الجسم.. أدهنه كل ليله بخلطة عبارة عن( نشاء مذوب في ماء ورد + جليسوليد + قليل من الفكس وقليييييل من الفازلين + زيت لوز + جليسرين + زيت زيتون )
وفي الصباح أستحم بصابونة البابايا 4في 1 مع الفرك بالليفة بحركات دائرية افضل شي ليفة القفاز من بدي شوب (راح تشوفين البلاوي والسواد اللي ينزل مع ماء الاستحمام ). بعد الانتهاء من الاستحمام ارطب جسمي بزيت اللوز..
واحياناً..أستعمل صنفرة المشمش اثناء النهار على كامل جسمي على حسب الفضاوة..
أدهن البطن بخلطة ريتن أيه + كريم الكوم للحساسية + الدوكين 4% لتخفيف السواد واثار التشققات ليلياً..
الوجه.. استعملت خلطة خاصة اشتريها جاهزه من قبل مااتزوج وانا استعملها من فتره لفتره تصفي الوجه وتبيضه لكن ماراح اذكرها لكم لأني أجهل مكوناتها ومابي أتسبب بالمضرة لأحد خاصة وان البائع يقول الحامل ماتستخدمها ( لكن ممكن تستعملين خلطة البطن اللي حطيتها لأن نتايجها على بطني رهيييبه وكلكم عارفين ان الوجه رقيق واكيد بتبين النتايج فيه أشد من الجسم) .. واغسل وجهي في الصباح بصابونة البابايا ثم ارطبه بتونيك من (اوزمو كومبلكس) لتصفية البشره ونضارتها ويحتوي على فيتامين سي وكلكم عارفين فوائده للبشره واحط تحت عيوني كريم معالج للهالات اسمه ( فيتشي اي جل )..
واستعمل على وجهي يوميا خلطات طبيعيه مثل زبادي وعسل او زبادي ومره لمدة نصف ساعة لأنها تشد الوجه مره .. واللي يخطر على بالي من الخلطات الطبيعيه احطه ..
أسبوعيــــــــــاً..
كل خميس أوجمعة توضع على الجسم خلطه عبارة عن ( حليب + طحينه + ليمونة + صنفرة مشمش )..تترك عشر دقايق ثم يتم عمل حمام مغربي ثم صنفرة ملح + ليمون ..
طبعا اخر اسبوع قبل لايشرف ابو الشباب ( كل الفتره الماضيه عند اهلي ) شلت الجسم كله بالحلاوه وبصراحه انذهلت من النتيجه ..
النتائج ..... الجسم بياض ونعومه مع اني حنطية والسيقان صارت عقب السواد المكلح بالحمل من قلة العناية تلمعععع بياض .. والشعر خيال انا شعري وسط ومجعد شوي بس صراحه صارت فيه لمعه رهيبه وصار اطول من اول كم سم طبعا صبغته لون واحد اشقر فستقي وقصيته شلال بغره وصار رووعه .. وبشرتي اتغيرت كثير وصارت صافيه ونضره .. والبطن خفت فيه الخطوط بكثييير والله وصار لونه فاتح مره..المهم ان النتايج بتسركم بس لاتنسون تدعون لي ولا تنسون النتايج مابتبين الا بالاستمرار المتواصل ولو قدرتي تكملين لشهر ثاني يكون احسن واحسن ..
ادري طولت بالهذره بس والله حبيت افيدكم واستفيد من دعائكم لي ..
**شذا الورود** @shtha_alorod_2
محررة ذهبية
يلزم عليك تسجيل الدخول أولًا لكتابة تعليق.
رشا99 :
ماشاء الله تبارك الله ومبروك عليك النتيجة اختيماشاء الله تبارك الله ومبروك عليك النتيجة اختي
مشكور والله يوفقك ويحقق لك كل اللي تتمنيه...:)
الصفحة الأخيرة
الله يهنيج ويوفقج مع زوجج.....