بدخل في الموضوع على طول واتمنى يابنات انكم تسمعوني للآخر .. انا خليجيه وحبيت شخص من دوله عربيه .. بدأ حبنا لما التقينا في مجال للعلم في دوله اخرى يعني لادولتي ولادولته .. حبينا بعض بجنون واستمرت علاقتنا مدة سنه ونص وكنت دايما خايفه من اهلي وبعد الحاح استمر تقريبا شهور وافقت امي ..وصارت الخطبه
مره من المرات كنت اكلم وحده في النت وهذي البنت من بلاده ومادري شلون ضربت في راسي الفكره اني اخليها تتصل فيه وتختبره ..( للعلم يابنات انا ماكنت اشك فيه بس قلت يالله بخليها تكلمه وانشوف اكيد ماراح يكلمها مستحيل انا واثقه فيه ثقه عميه) .عطيتها الرقم , في نفس اليوم وهي اتكلمني في النت قالت لي شوفي ترى اذا لون عيونه خضر احذري منه ,, قلت لها اكيد انتي ساحره شلون عرفتي انه عيونه خضر؟؟!! قالت لي انا الصراحه كلمته ولما كلمته قلت له انا حصلت رقمك عند اختي قال لها انتي من العاصمه ؟؟؟ ( هو من اللهجه عرف) قالت له ايه .. قال لها انا عيوني خضر ,, قالت له وانا عيوني زرق( طبعا تكذب عليه) قال لها اذا اتفقنا !!!!!!!!.. انا اول ماقالت لي الموضوع طار عقلي بغيت اجن وماصدقتها بالرغم انه هو فعلا عيونه خضر .. رحت اتصلت فيها عشان اتاكد وعادت الموضوع مره ثانيه وانا قعدت اصيح وهي قالت لي لاتصيحين ولاتزعلين عليه انتي باين عليك طيبه والله يبعث لك ولد الحلال اللي احسن منه.. ومن اسلوبها كان باين عليها انها روعه والله كلامها كان ينقط طيبه وحنان ... بغيت انفجر ورحت بسرعه طرشت له مسج كتبت له شكرا على اخلاصك لي بعدها اتصل ومارديت عليه ... اليوم الثاني ماتصل وانا نار بقلبي رحت اتصلت فيه بالليل وقلت له بفضحك في الشغل وبفضحك عند اهلك .. هو سوى نفسه مايدري شالسالفه !! والله اعلم .. ويهدي فيني ويقول لي اشفيج .. سكرت في وجهه وهو يتصل ويتصل ومارديت عليه.. جاء اليوم الثاني وقلت لازم اقوله عن الموضوع لانه مادري يستغبي او يدري بس مايبي يعترف او صح مايدري عن الموضوع!!.. ولما فتحت معاه الموضوع قال لي جيبي الدليل خليها تجيب الدليل!!! وقال لي خليها تجيب الفاتوره ( كشف المكالمات) للعلم الدوله اللي هم فيها ماتعطي كشف بجميع المكالمات يعني بس ينكتب فيها مجموع المكالمات وبس.. وسالت وسالت مافي امل اني احصل على الكشف خصوصا وانه البطاقه شحن .. هو حلف لي باسم الله انه ماكلمته البنت وقال ان شاء الله يجيه مرض طول حياته اذا كان يكذب علي وحلف لي بالقران 3 مرات انه ماكلمته !!!!! قلت له وشلون بتعرف انه لون عيونك خضر , قال لي يمكن انتي قلتي لها ونسيتي ( يابنات انا متاكده مليون بالميه انه ماقلت لها لون عيونه وهذي اول مره اكلمها) وقلت له انا متاكده ماقلت لها .. قال لي يمكن هي تخمن وبالصدفه عرفت . قال بعدين الله على الظالم ولازم نبحث عن الحقيقه ولازم نكتشفها.. وطبعا انا مريت بحاله نفسيه سيئه لابعد الحدود مااكلمه ويتصل لي في اليوم فوق ال50 وال60 مره ويطرش لي مسجات وايميلات انه بريئ ووفي ومخلص ومستحيل يخوني!!!! اللحين يابنات شسوي ؟؟؟؟؟؟؟ ؟؟ وينكم يالذكيات وينكم يالحكيمات ساعدوني انا احس اني بجن ... هل اترك خطيبي ؟؟ او شسوي ؟؟؟
انا العلم @ana_alaalm
عضوة جديدة
يلزم عليك تسجيل الدخول أولًا لكتابة تعليق.
@دمعة موادع@
•
عديها والله يجمعكم على خيير
استخيري الله كم مره
وبما انه حلف بالله صدقيه وذنبه على جنبه اذا كان يكذب
الله يوفقك وييسر امرك حبيبتي..
وبما انه حلف بالله صدقيه وذنبه على جنبه اذا كان يكذب
الله يوفقك وييسر امرك حبيبتي..
الصفحة الأخيرة