تعالو شوفو زميلتي بالدوام ايش قالتلي؟؟؟

السلام عليكم
مرحبا بنات شخباركم
اخيرا سجلت مره متحمسه
شوفو السالفة ومافيها هاذي زميلتي بالعمل ضعيفونه ... وهي ما شاء الله ربي يحفظها مره طيوبة.
المهم جلست تكلمني عن انواع الستيانات وانها صارت تستخدم نوع يشد ويرفع وانها راح تجيبلي
اسمه ... انا الصراحة انقهرت من داخي ... تدرون ليش ... اولا هي ضعيفونه يعني مش محتاجه ...
وانا تبارك الله الامور عندي طافحة (اقصد صدري كبير)... يعني ليش فتحت لي السالفه وكأنها تلمحلي
شدي يافلانه واستخدمي يافلانه ولاتخلين نفسك كذا! ... اعترف اني حساسه من صدري واكره كبره
لدرجة اني البس ستيانين اثنين عشان اضمن انهم مشدودين وثابتين ومرفوعين ... والصراحة على
طول قلتلها ليش فتحتيلي هالسالفة انتي شايفه انهم مش مشدودين انا لابسه ستيانين ... قالت لا والله
بس كني شفتك مره غير هالمره وكانو نازلين ومش مشدودين ... والصراحة يابنات انا دايما البس
ستيانين بالدوام وماجالي خليتهم نازلين ... انا تحسست من الموضوع وخفت انه منظرهم حتى بطريقتي
للشد وهي لبس ستيانين على بعض (اخذتها من وحده بمنتدى تستخدمها في الاعراس) مش نافعه!!

:(

اهئ اهئ .. اكره صدري ما احبه .. على فكره انا اعمل رياضه وعندي اثقال خفيفة اشتريتهم خصيصا
لهالمنطقه بس توقفت في رمضان وبرجع استمر بعد العيد. وانا متزوجه وعندي عيال بس من وانا بنت وحجمهم مايناسب جسمي!!!

بليز بنات لاتطنشوني واللي تدخل على الاقل تدعيلي دعوه حلوه ان العقدة تنفك ويخف هالصدر
ملاحظة: انا افكر اني جديا بالمستقبل اعمل عمليه تجميليه لان حتى ظهري من فوق صار فيه آلام