اولا انا بشرتي صافيه ولله الحمد .. لكن عندي مشكله مالقيت لها حل تعبت كثير من الجفاف .. بشرتي جافه جدا ورحت لدكاتره بدون فايده اذا استخدمت مرطب قوي طلع لي حبوب واذا ماحطيت شي نشفت بشرتي وجلست فتره طويله علي الفازلين لكن ماكانت النتيجه مرضيه .. المهم كنت في دبي قبل فتره ورحت القريه العالميه ودخلت القريه المغربيه وبما انتي قريت كثير عن زيت اركان قلت اجربه مثل ماجربت غيره كثير وسالت عنه وكان سعره رخيص القاروره الصغيره ب 45 او اقل .. اخذت اصغر حجم وبديت استخدمه وطريقتي احطه قبل انام واول ماقوم ومرات احطه المغرب .. لاحظت انه رطب بشرتي ولنا احطه احس البشره تتشربه وتصير خدودي مثل الاسفنج المهم استمريت شهر علي هذي الطريقه من مرتين الي ثلاث مرات في اليوم .. ولما رحت لاهلي امي تفاجاة في بشرتي وسالتني اذا كنت اكل خضار كثير لان خدودي مورده وبشرتي تلمع وصحيه ... صار فيها حياه .. قلت لها اني ماستخدمت غير الزيت ووريتها شكله ووصيتها تجيب لي منه اذا راحت دبي والحمد لله جابت لي قاروره كبيره ...
بعدها باسبوعين جتني جارتي الصباح كنت نايمه غسلت وجهي وطلعت لها بدون مكياج و لا شي .. قالت لي يابنت وجهك طالع يجنن ومورد وش مسويه ..
بالنسبه للجفاف خف بس ماتعالج يعني اليوم اللي ماحط زيت احس بالجفاف بس اللي محببني فيه لوني فتح درجه بشرتي صارت ماتحتاج كريم اساس
حبيباتي حبيت افيدكم واقولكم تجربتي .. امانه اذكرو الله ترا العين حق
وقبل تستخدمون الزيت تاكدو انه الاصلي .. ومره قالت لي مغربيه عشان تتاكدين انه الاصلي حطيه في الفريزر اذا جمد كله معناه الاصلي واذا فصل وصار طبقتين اعرفي انه مغشوش ...
الحين حبيباتي اللي تعرف مندوبه او محل يبيع الزيت الاصلي تقول لي من وين اجيبه شايله يخلص الي عندي حتي مستخسره احطه علي جسمي مع تني سمعت انه روعه للجسم والشعر
miss-najd @miss_najd
عضوة نشيطة
يلزم عليك تسجيل الدخول أولًا لكتابة تعليق.
**الدره الثمينة**
•
جزاك الله خير على ذكر تجربتك
تماضر55
•
لا اله الا انت سبحانك اني كنت من الظالمينلا اله الا انت سبحانك اني كنت من الظالمين
لا الة الا انت سبحانك انى كنت من الضالمين :tongue1:
الصفحة الأخيرة