عظم الله اجرنا وأجركم في وفاة الامير نايف
الله يرحمه ويغفر له ويوسع مدخله ويجعله في الفردوس الاعلى
هذا الله يسلمكم ..اهلي ساكنين في حي ثلاث ارباعه شيعه والسنة ينعدون ع الاصابع يمكن حول الـ 15 بيت بسسس
طبعا اهلي ساكنين من زمااااااااان من حول 30 سنة وماكنو يعرفون عن الحي شي
وفجأه بدأو الشيعه يتكاثرون بالحي بشكل غير طبيعي وبشكل ملفت
المهم تخيلو كل البقالات والمشاغل والمدرسة معلماتها شيعه والجيران ووووو يعني شيعه X شيعه
ومستحيل ابوي يغير البيت لانه حلاله وشقى فيه بنائه
المهم يوم كان عمري 14 سنة كنت رايحة مع امي و اختي لمحاضره في مستوصف الحي
وكنا جالسين ننتظر متى يبدأون المحاضره وجالسين يحضرون لها
الا حرمة كبيرة شوي شيعيه جنبي بس هالحرمة في صحتها وبكامل قواها ماشاء الله
المهم كانت ماسكة ديرم في يدها وتدق فيه بشفتها
وسألتني سؤال (( استوت )) ؟؟ :unhappy: قلت انا لا المحاضره للحين مااستوت قاعدين يحضرون لها :biggrin2: هههههههههههههههههه
قالت وانا وشدخلني بالمحاضره انا اقصد الديرماا استوت في شفتي ؟؟ وانا ينهد علي ضحك :hahaha:
بعد فتره امي شافتها بالمستوصف وقامت تسولف لامي تقولها انه بناتها تسننو وخلو رجالهم يتسننون
وعيالها تسننو وتزوجو بنات من قرى الحسا متدينات سنيات وشرحو لهم وضعهم انهم كانو شيعه وتسننو ووافقو
عليهم البنات وتزوجو وخلفو عيال
قالت لها امي وانتي ؟ قالت مستحيل اترك ديني عيالي باقي لهم من العمر واخذو حقهم من الدنيا وتسننو
لكن انا لا اهلي ربوني ع المذهب الشيعي وباموت عليه:unhappy:
طبعا هالكلام كله من حول 13 سنة
مرت الايام والسنين << حزاية :biggrin2:
الا العجوزه من كم يوم مرت على امي في البيت وجايه تبشرها انها تسننت وان عيالها وبناتها اقنعوها
يا الله شقد فرحنا ودعينا لها بالثباااات
حتى تقول يمرون عليها حريم الحاره يبغونها تروح الحسينيه والقرايه حقتهم تقول لهم روحو طقو صدوركم لحالكم:hahaha:
انا خلاص ماني منكم ولاني من دينكم
وتقول لامي عيالي مايخلوني اطلع دايما عشان ما احتك بالحريم الشيعه مع اني تسننت على قناعه
ولدها يستناها بالسياره خايف تروح من هنا ولا هنا بس جابها لامي عشان تبشرها
شوفو سبحان الله .. تشوف امي دايما في المستوصف وبين فترات يعني تخيلو تمر سنة كامله ماتشوفها
وهي مره وحده سألت عن بيتنا وامي قالت لها جنب المكان الفلاني طبعا بنفس الحي
والحرمة ركزت وسألت عن اسمنا بنفس الحاره وجاية بنفسها تبشر امي فرحانه سبحان الله
الله يهديهم ويثبت اللي عرف الحق والتحق بالسنة النبويه
قال تعالى : { إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَن يَشَاءُ }
الحور العين🕊 @alhor_alaayn_5
كبيرة محررات
يلزم عليك تسجيل الدخول أولًا لكتابة تعليق.
الصفحة الأخيرة
و الله يهدِيهُم أجمَعينْ إن شَاءْ الله . .
:biggrin: