(تعالو شوفو سالفتي )الله يكتبكم أمهات عن قريب يامجيب

السلام عليكم ..

انا بقولكم سالفتي لي كم شهر متابعه دائمه هنا للمواضيع وكل شهر معكم أتأمل واتحطم وهكذا
والحمدلله ...
انا طبعا بكمل سنتين ماكتب الله لي حمل .. ومن بس شهر كشفت عند دكتوره لأني كنت اشك ان العله بزوجي بحكم ان عنده الضغط والسكر واللي بالي بالكم مش ولابد .. عشان كذا ماتحمست اكشف على نفسي لكن مع اطلاعي على هذالقسم تحمست وصرت اسوي خلطات ومره اكملهن ومره اكبهم .. ومن شهر قررت اراجع دكتورة النسا ولأول مره اكشف وحللت وسوت لي اشاعه عالرحم وصار عندي ضعف قوي او توقف المبيض الايسر والايمن شغال بنسبة 70% وحللت هرمونات وطلع عندي ارتفاع في هرمون الحليب واعطتني حبوب دونتسيكن واكلتها وبراجعها اخر الشهر وبشوف وش بيصير ....
والحين امرخ عند اندونيسيه ..
هذي سالفتي .. ابي اعرف هل تتوقعون هالاشياء منعت الحمل والا ممكن زوجي عنده مشكله وهو مومقتنع انه يحلل يقول اناسليم وانا والله اشتقت اكون ام .. كل اللي تزوجو معي وبعدي جابو والله يرزقهم والحمدلله أنا راضيه ومقتنعه تماماً ان اللي كاتب الله له بيجيب عيال بيجيب .. وأسأل الله العظيم ان يرزق كل محرومه بطفل يملا حياتها فرح ..