حنون بلاس @hnon_blas

عضوة نشيطة

تعالو شوفو شلي يصير فيني

بنات الله يجزاكم خير ان شاالله ,,,يعلم الله انكم اقرب لي من هلي كلهم ,,بينكم القى الكلمه الحلوه ومعاكم نعيش

لحضات تحسسنا انا قراب من بعض ,,ما اقدر اوصف شعوري بهاللحضه !!!!!!!ربي لا يحرمني منكم يالغالين على قلبي ,,,

خواتي من زمان وودي اطلع اللي في قلبي لكم لاني متاكده انكم راح تفهموني وتحسون باللي داخلي من ظلم وحزن وقهر ,,, بدوووووووووووون مقدمات >>>>>>>>>>اذيتكم !!!

حياتي صايره ممله وبدون نكهه مب عارفه اشلون اغير من نفسيتي للاحسن ؟؟؟

انا متزوجه وعندي بنات صغار الله لا يحرمني منهم والله لولاهم جان ضعت من زمان ,,,اهما املي بهالدنيا من بعد الله سبحانه وتعالى ,,,,انا عايشه ببيت اهلي من فتره بسبب الظروف ,,,تصوروا يعني معاهم ومب معاهم

مب حاسه بترابط اسري مثل باقي الخلق ,,كاني عايشه بفندق ناكل ونشرب ونطالع ببعض ونجامل روحنا كننا غرب

وامي الله يهديها ما حسها تعاملني جني بنتها وتحب اختي الصغيره وتفضلها علي بدون مقياس ,,,

والله لدرجه اني اكثر من مره احس اني موبنتها ,,,طيب ليش هم آآآآآآنا ام وعمري ما فرقت بين بناتي ولا حبيت وحده اكثر من الثانيه ,,,,اكثر من مره تزفني وتفشلني جدام حريم اخواني وانا اسكت ما بي ازعلها وارد عليها

حتى قبل لا اتزوج كانت علاقتي معاها فاتره ما يكون بينا كلام متبادل وضحك وغشمره وانا احترمها واحبها موت ولا ودي ازعلها,,,تصوروا يوم دخلتي توقعت انها تجي تنصحني مثل باقي الامهات وتحسسني بقربها مني والله اني ما جفتها ولا طلت علي حتى !!!!!!!!

والحين وانا معاها بنفس البيت تحسسني باني دخيله على العايله يعني اي مشكله او حتى سالفه بسيطه تصير بالبيت تحاول انها تخبي الموضوع عني وانه محد يعلمني فيها !!!!!! معقوله لهالدرجه :06:

معني عمري ما زعلتها ولا طولت صوتي عليها وخواني واختي دوم يردون عليها ويعاندونها وما تقولهم شي وانا ان دافعت عن نفسي جدامها تعتبرني مذنبه بالدرجه الاولى !!!!!!

فيني طبع اني ما حب ابكي جدام احد <<واعتقد الكل فيه هالصفه >>يعني عادي ,,,الا انا تقول للكل انها عمرها ما جافتني اصيح لاني ما عندي احساس !!!>>>>>>>>>>>>بالله هاي كلام تقوله ام حق بنتها

لين تمرض محد يحن عليها غيري اتم فوقها ااكلها وداويها ودايما ادور راحتها والكل لاهي وآآآخرشي تقولي مشكوره تعبتي روحج وياي >>>>>>>>>>ليش موبنتها ,,,,استغفر الله مليون مره ,والله تعبت من معاملتها لي

يعني القاها من مين ولا مين يا ربي !!حتى اخواني مفشليني جدام زوجي لا يسالون عني ولا يهتمون فيني

ولاداتي ببناتي ما اشوفهم يسالون علي ويطمنون على صحتى >>>>>>ليش هالكره

ماااا دري شقول عنهم بس والله غسلت يدي منهم ,,,,يعني مستحيل اعتمد عليهم بشي حتى لو كانت مساله حياه او موت >>>>لا حول ولا قوه الا بالله

تعبت من الضيق والحزن اللي فيني حتى زوجي ما قصر معاي الا كمل علي ,,,استهزائه فيني وعدم احترامه لي

اثر فيني !!! واكثر من مره امسك عليه سوالف تعيب واسكت وقول يمكن الله يهديه بس ما كو فايده

نفسيتي صايره جحيم مب حاسه بطعم الحياه والله ,,,والله ثم والله اني ما استاهل اللي يصير لي حاسه بثقل الجبال على قلبي والله العالم بحالي ,,,,من كثر ما بكيت نشفو دموعي حتى صار ما عندي ثقه بروحي >>>>>>:hahaha:حال يضحك!!!

منعزله عن الكل وعادي عندهم ,,,صرت اكثر وقتي مكتئبهما يلهوني الا بناتي ويحسسوني بامومتي وحناني لهم

والله قمت اضحك على حضي الردي الله لا يراويكم !!

قمت اطالع بعيون بناتي عشان ادور الراحه فديتهم والله لا يحرمني منهم قولو آآآآآمين ""

بنات هذي نبذه مختصره من حياتي المليئه بالدراما والاكشن >>>>>>>>>>مومني من الي صار :hahaha:

خواتي اذا عندكم مشوره لي ولا اقتراح ولا راي لا يردكم الا لسانكم ,,,,واتمنى اني قدرت اوصلكم ولو القليل من مشاعري الحزينه وان شاالله ما ثقلت عليكم بالحجي,,, يعل عيني ما تبكيكم ان شاالله""

وناطره تواصلكم حبايبي :time:

يلزم عليك تسجيل الدخول أولًا لكتابة تعليق.

تسجيل دخول

يقولون اللي يقولون • 16 سنة

بصراحه مو شي غريب ولاجديد اللي تقولينه عارفه ليه لأن كثير بنات يعانون من امهاتهم لكن للأسف ننكر ان الأم ممكن تكره بنتها وتقسى عليها متعمده .. وهو شي حاصل موجود لو حاولنا انكاره وكل وحده تقول العكس فهي تطالع نفسها وامها وبس .. انا اعرف كثيررر نفس حالتك تمامآ امهاتهم كأنهم طبيناتهم (ذراتهم) قساوه وتصيد للأخطاء شي مؤسف وغريب يصدر من ام لبنتها .. لدرجة احيانآ توصل فيها انها تكره عيال بنتها من كرهها لبنتها استغفر الله العظيم .. لكن برضوه هذا مايمنع انك تقربين لها وتحببينها فيك وتشوفين الشي اللي تحبه والسوالف اللي توسع صدرها تسولفين معاها فيها .. تتقربين لها بالهدايا والمشوره وتحسسينها انها مهمه عندك .. ولاتشغلي وقتك بس مع عيالك وتنسينها .. ترى مهما كان لها مشاعر وعندها طاقه ويمكن وجودك عندها بالبيت مضايقها تبيك ترجعين او تبي زوجك ياخذك ويمكن مقهوره من زوجك انه قاطكم عندها .. يعني التمسي لها الاعذار .. وبصراحه مااشوف وجودك في بيت مليان عايله وانتي متزوجه وعيالك معك ماله سنع .. الا اذا كنتي منفصله هذا شي ثاني !! ووجودك في البيت اذا مش منفصله يتطلب عليك انك ماتقصرين معاهم يعني تحطين مثل ماهم يحطون .. يعني مافيها شي لو تقضين اغراض للبيت وتساعدينهم بصفتك انتي وعيالك عندهم وهذا شي ضروري جدآ .. اما تجلسين وهم يكدون عليكم هذا غلط وماالومها لو تعصب وتتضايق .. يعني خلي يدكم بيدهم في البيت مو بس تقضين حق عيالك .. حتى حق البيت اذا زوجك قاطك عندهم بدون طلاق لازم يعطيك شي تحطينه بالبيت .. مو يقطك ويخلي بيت اهلك سبير ولايدفع شي .عيييييب

سهام حواء • 16 سنة

اصبري واحتسبي الاجر.....

الله يكون بعونك هالدنيا يبيلها صبر

وانا بعد احس امي تفضل اختي الصغيره علي مرررررررره وماتشوف اخطاءها ابد وانا لا لو اسوي اي شي مايبين بعيونهم

هماي انا • 16 سنة

هذآ احد الاسبــآب الرائيسيه اللي مخليتهـآ تعاملك بهالطريقه ..

مو معنــآهـآ ماتحبك ..
لااااا ..

هي حاسه انك قويه مو محتاجه حق احد ..

احيـآننـآ تحس انك اقوى منهـآ ..

بقولك شغله ..

شفتي الدنيــآ بكبرهـآ ..

شفتي مشـآكلهـآ وهمومهـآ ..

حلهـآ واحد ..
بسيط مايكلفك فلس واحد ..

ولا جهد ..

ولا مذلهـ ..

اتصلي ..

اتصلي بمن رفع السموات والارض ..
هو الوحيد القادر علي تعديل حالك

الدكتوره ام مشاري • 16 سنة

يارب يفرج همك وكربك
ويسوع صدرك

عايفة حالي • 16 سنة

الله يريح بالك ويهدي نفسيتك
وبضل بالاول والاخر امك حاولي ليني قلبها عليكي بالتودد وغيرة
والله يصبرك
تقبلي مروري