تعالو شوفو شنو صار مع مريم .......... الحمدلله ياربي

السلام عليكم

طبعا يابنات قبل لا ابدي في الموضوع احب اشكركم وحده وحده وكل وحده حتى لو قرت الموضوع وملردت علي بس دعت لي بقلبها على وقفتكم وتفاعلكم معاي وردودكم الي تبرد القلب

طبعا تبون تعرفون شنو صار مع مريم؟؟؟؟؟؟؟؟؟؟؟؟؟؟؟؟



الي صار يا جامعه الخير ان انه قمت اتصل فيها بالهبل وهي ماترد علي قلت يمكن على بالها ان صداقتنا اغلى عندي من سمعتي واني ابي ارجع لها وهي البنت بايعتني بايعتني يعني حتى لو انه مابسوي معاها شي هي عايفتني عشان تزوجت .......... يعني هذا سبب؟؟؟؟؟؟؟؟؟؟؟؟؟

المهم اتصلت بها من تلفون اختي هم ماردت علي

اتصلت بها من تلفون ولد اختي الصغير هم ماردت علي وهي ماتعرف ارقامهم .........


يعني طول الايام الي فاتت وانه احاول بس اتصل بها وماحصلها وطبعا الدف من اتصالي هو ان اسجلها مثل ما قلتو لي


قلت مايخالف خلني اروح لها المبنى الي محاظراتها فيه واكلمها .. ورحت يوم الاربعاء ( امس ) وماحصلتها من كثر البنات الي هناك لان صعب تشوفين احد بالجامعه وانتي مو متفقه معاه

المهم قلت مابقى الا حل واحد هو ان اصارح زوجي وانه اصلا مو غلطانه ليش حاطه على بالي وخايفه وحتى لو صار شي مو زين بينا الله لا يقوله بيكون ظلمني وانه بريئه

العاده يوم الاربعاء بعد مارجع من الجامعه اروح بيت ابوي نتجمع مع خواتي عاد انه ماحرت وقعدت بالبيت وهو سألني ليش قلت له ولا شي ولما رجع من الشغل شافني مضايقه ( طبعا هذا حل من الحلول الي عطيتوني اياها ) وانا بعد سويت روحي مضايقه ازيد من اللازم وقام يلح ويقولي شفيج ؟؟؟؟؟؟؟؟؟؟؟
قمت قلت له السالفه بعد الالحاح طبعا في البدايه عصب بس مو علي عصب عليها لان هو ايام الخطوبه كان يدري انها صديقتي المفضله الي ماتفارقني وعطاني محاظره طويله مو عن شي بس عن شلون اختار صديقاتي وبعدين قعد معصب وزعلان وانه اراضي فيه طبعا ما كان زعلان علي زعلان من الي قاعد يسويه الصبي وكان بعد معصب يقول لوما قلتي لي وسمعت من الناس جان طلقتج لا سمح الله وصار بينا شي وانا ماعرف الحقيقه وهالمره قولي لي كلشي يصير معاج

وقالي اذا الصبي يوم السبت سوا لج اي شي اتصلي انتي فيني بس
والحمدلله عدت السالفه على خير

اولا بفضل الله سبحانه وتعالي ثانيا بفضل دعواتكم وثالثا بفضل حلولكم يااااعسل



ومشكورررررررررين مره ثانيه يا بنات عالم حواء ياخواتي