شلونكم بنات حواء ...
اليوم جبت لكم عملي الفني بس هالمرة انا اللي مفكرة فيه ..
هو نفس الشيء عبارة عن أرفف ومن الكرتون ...
بس بطريقه مختلفه ..
نبدأ:
*الأدوات :
كرتون + مقص + ألوان مائيه + فرشاة للتلوين +
أوراق بيضاء + غرا .
*الطريقه :
1- نقص قطعتين من الكرتون بشكل مستطيل وبنفس الطول والعرض
2- نغلف القطعتين من الكرتون بأوراق بيضاء لتسهيل التلوين
(( لأن الكرتون ما يتلون ))
3- نقص أربع قطع من الكرتون طويله بطول المستطيل وقطعتين
بعرض المستطيل .. وبنفس الطريقه نغلفهم بالأوراق .
(( طبعاً راح تقصون 8 قطع طويله و4 قطع صغيرة علشان للمستطيلين ))
4- نلصق الكرتونات الصغار على أطراف المستطيل ليصبح بهذا الشكل .
5- نلون الكرتون بأي لون تحبيه ( انا اختاريت هذي الالوان ) وخلي تكون
الأطراف أغمق من الوسط علشان يصير شكل الرف أحلى .
6- نرسم على الورق الأبيض اي شكل نريد ومن كل شكل نرسم أثنين علشان يكون
الظهر والأمام ونلون الاشكال بنفس لون الرف .
(( أنا رسمت فراشات و ورود ))
7- نقص الكرتون مثل شكل الرسومات اللي رسمناهم على الورق وبنفس القياسات
8- نلصق الجهه الاماميه من الفراشه على الكرتون والجهه الخلفيه من الفراشه على
على الجهه الثانيه من الكرتون وبنفس الطريقه نعمل في باقي الرسومات .
9- نلصق فراشه على الرف من الطرف والفراشه الثانيه من الطرف الثانيه وبنفس الطريقه
نعمل في الرف الثاني .
وبتكون النتيجه بهذا الشكل ....
أتمنى ان شرحي والصور واضحين .. واتمنى ان الفكرة عجبتكم ..
أنتظر ردودكم وتعليقاتكم ...
*** تــــــحــــــيــــاتـــــي ***
وباحجام متفاوته ..وبخلي فيها براويز :32:
او شموع ..لانه وايد عندي شموع وماعارفه وين اخليها
ومشكوره:26: :26: