السلام عليكم ورحمة الله
بادخل بالموضوع ع طول انا متزوجه من اربع سنوات وساكنه بنفس المدينه اللي اهلي فيها والمسافه بين بيتي وبيتهم تقريبا من ربع الى ثلث ساعه خواتي اسبوعيا يتجمعون عند امي وممكن يروحون مرتين او اكثر وحتى احيانا اربعاء وخميس وجمعه عند اهلي طبعا ماينامون بس زياره وانا يوم واحد بالاسبوع واختار اليوم اللي يتجمعون فيه ومايرضى زوجي يودني ويقول ماني مجبور اني اوديك كل اسبوع عند اهلك واذا وداني اسبوع واللي بعده قلت باروح قال وش المناسبه ليش بتروحين وش عندهم او يقول توك رايحه لهم الاسبوع اللي فات بالله موقهر عطوني رايكم بصراحه خاصة اللي مع اهلها بنفس المدينه هل انا طلبت شي غريب او مو من حقي اروح مره بالاسبوع اشوف اهلي وانا صابره وماقلت لاهلي دايم ادور عذر ع عدم زيارتي لهم تجنبا للمشاكل لكن تعبت نفسيا علما اني ساكنه مع اهله بنفس البيت واغلب وقته تحت عند اهله ومستكثر علي يوم بالاسبوع اشوف اهلي واهلي يشوفون عيالي وبعد ماعندي جارات ولا صديقات ازورهم ولا دوام يعني متنفسي الوحيد زيارتي لاهلي تكفون عطوني رايكم يمكن انا غلطانه تعبت من هالحاله اشتاق لامي احيانا شهر ماشوفها وهي قريبه:44:
أم مودي وجوري @am_mody_ogory
عضوة جديدة
يلزم عليك تسجيل الدخول أولًا لكتابة تعليق.
لا حول ولا قوة الا بالله .. تعالي له بالحسنى بيني له وضعك قولي له انا ارتاح بشوفة امي اللي ربتني وتعبت علي وانت كريم ورجل وتحب الوصل امدحيه لعلك تجيبين راسه وحني كثير لعله يستجيب الله يسخره لك
ميراج222
•
سامحيني يا اختي دامه يوديك مرة بالاسبوع خلاص الحمد لله اواسبوع واسبوع لا كدة كمان مرة حلو
دامه طيب وحنون ويحبك الحمد لله والشكر لا تدوري على المشاكل تراه الشيطان جالس ينافخ في راسك
وتاكدي يا اختي مو كل الرجل زي بعض يمكن ازواج خواتك غير
قولي الحمد لله والشكر انك في نفس المدينة ومتى ما احتاجوك يلاقوك وش تقول الي في غربة
الله يسخر لك زوجك
دامه طيب وحنون ويحبك الحمد لله والشكر لا تدوري على المشاكل تراه الشيطان جالس ينافخ في راسك
وتاكدي يا اختي مو كل الرجل زي بعض يمكن ازواج خواتك غير
قولي الحمد لله والشكر انك في نفس المدينة ومتى ما احتاجوك يلاقوك وش تقول الي في غربة
الله يسخر لك زوجك
الصفحة الأخيرة
خواتي القريبات عندنا مرتين بالاسبوع يجون
والبعيدة عننا مسافة ٦ ساعات تجينا مرة كل شهر
حاولي معه بالحسنى اذا مافاد
قولي لامه اذا علاقتك معها حلوة
انها تساعدك ،، والله حرام امك ماتشوفينها
شهر وبينك وبينها ثلث ساعه ..،
او جيبوا سواق او اخوك ياخذك ويرجعك
الله يعينك