حبيباتي اليوم راح أشرح لكم كيف أعتنيت بشعري ورجع أجمل مما كان عليه أول
أنا شعري تساقط تساقط فضيع مع تقصف وجفاف الشعر
رحت المستشفى وسويت تحاليل وماطلع معي شي قلت يابنت أشتغلي على حالك
طبعاً التساقط وقف بعد ماستخدمت زيت مقري عليه
بس للعلم جلست سنتين وشعري جاف ومتقصف وقليل حتى سمعت أخصائيه في التلفزيون تقول سبب التقصف البلسم
والله يابنات وقتها صدق عرفت انه البلسم هوه سبب المشكله على طول رحت ورميت البلسم الي عندي
هاذي أول خطوه وبعدها سويت خلطه لشعري والله يابنات الخلطه تجنن وهيه
علبة زبادي وثلاث ملاعق مايونيز وملعقة زيت سمسم وملعقتين زيت خروع كنت أحطها على شعري 5ساعات الصباح طبعاً في البدايه يوم ويوم لا لمدة أسبوعين
واللحين صرت أحطها كل شهر مره
وثاني شي قص أطراف شعري كل ثلاثة أسابيع
وللعلم يابنات أدهن شعري مرتين بالأسبوع بزيت سمسم
والشامبو والله يابنات ماخرب شعورنا إلا هو
أنا صرت أغسل شعري بالشامبو بس لما أحط زيت على شعري
وباقي الأيام أغسل شعري بمويه فقط
ولما أطلع من الحمام أدهن شعري بكريم مره حلو بس حاجه بسيطه أنتبهو تكثرو
وهاذي صورت راح أنزلها
وأستخدمت كمان حبوب فيتامينات مرره روعه وهاذي صورتها
والله يابنات اللحين شعري كلمة روعه قليله عليه كان مايطول ودايم يكتش وجاف ومتقصف واللحين كلهم يسالوني أيش سويتي بشعرك
طبعاً نزلت الموضوع علشان المسابقه ويارب تستفيدون وأدعولي أذا أستفدتم
