الله يرزقكم

الله يرزقك ويطول بعمر ماما

الله يرزقكم من واسع فضله
الشغلة هذي يبغاها علاقات أمك بناس كثيره
ويبغالها تسويق عن طريق النت كمان
حطي هذا الشي في بالك الله يوفقكم

انصح امك الله يطول بعمرها و يحفظها بصلاه الاستخاره
تستخير الله بالمشروع ثم
تقرر و عسى الله يفتح لها ابواب الخير و المال الحلال

راس المال اللي عندها نصه تشتغل فيه بالمشروع
والنص الثاني لا تصرفه ابدا

تجرب بمبلغ بسيط فلو كان فيها بفضل الله ربح ترجع تشتري منتجات ثانيه
ولو لا سمح الله فيه خساره يبقى عالاقل نص المبلغ عندها

قبل ما تطلب من المواقع الصينيه او الامريكيه
انصحها تروح لسوق الجمله في مدينتكم ..غالبا كل مدينه فيها سوق جمله
تشوف المنتجات و البضايع و فيها المناكير اللي قلتيه اتوقع
وتقدر تفاصل اصحاب المحلات بالاسعار وتاخذهم بسعر معقول
وتلقين فيها شنط واكسسوارات

اذا كانت تبي تطلب من مواقع صينيه ضروري تتاكد من خامه الشنط
احيانا خامه الشنط تطلع مو حلوه اذا كانت بتطلب بنفسها
فراح تحتاج احد له خبره بالمواقع الصينيه ويعرف افضل المنتجات فيها

لو كنتي شاطره بالتوزيعات للمناسبات تقدرون تسوون عينات بسيطه تعرضونها
واللي جاده وتبي كميه كبيره
تدفع لكم المبلغ كامل وترسلون لها طلبها بعد ثلاثه ايام مثلا

تحدد طريقه التسويق للمنتجات
من خلال اشتراكها بالمنتديات او من خلال الاقارب او المعارف

طريقه التوصيل للزبونه
عن طريق الشحن او عن طريق مندوبين لو كان البيع بيكون بداخل مدينتكم فقط

قبل ما تقرر مشروع ضروري تصلي الاستخاره
والله يفرح قلبها و ييسر كل امورها ويوفقك

خليها تكثر من الاستغفار و من سبحان الله وبحمده ...سبحان الله العظيم