تعالو شوفو مشكلة صاحبتي مع زوجها واعطوني ارائكم

السلام عليكم اخواتي بنات عالم حوا الصراحه اول مره اطرح مشكله في هذا القسم هي المشكله لصاحبتي اللي اعتبرها زي اختي المهم جاء في بالنا كذا حل بس قلت اول شئ استشير حبيباتي حكيمات منتداي الغالي
طبعا المشكله في زوجها انو يكلم بنت وياكثرهم رجال هالأيام طالعين بالحركه هذه كأنها موضه الله لايبلانا ويهديهم يارب وصاحبتي حاولت معاه بس للأسف مافي فايده وراحت عند اهلها قعدت عندهم فوق الشهر تقريبا بس بعد كذا رجع وصالحها ورجعت لبيتها لأن عندها بنت وولد فحرام تشتتهم وهم لسى صغار الله يحفظهم المهم آخر التطورات شيطان إبليس خويته اللي يكلمها رسلتله رساله بمناسبه العيد وشافتها صاحبتي وقالتله كيف تقول إنك ماتكلمها وهي راسله لك تعايد عليك قعد يبرر وإنو مالو صلاح وإن خطيبها رسله رساله يهدده فيها يبغاه يبعد عن خطيبته وإن هي صارحت خطيبها بالعلاقه اللي بينهم وعلى ما أظن إن هرجت خطيبها هذه كله كذب*كذب المهم دحين نبغى حل عشان يبعد عن الآدميه هذه قلنا ممكن اخلي خالي او اخوي يكلمه من رقم بدون إسم او طرق ثانيه مايقدر يوصل لصاحب الرقم اللي راح يتصل عليه او نرسل رسالة تهديد إنه ينفضح عند اهله وهي كمان نرسلها كذا او إننا من الهيئه ومراقبينه لأنه هو مره خواف وممكن يخاف من التهديد
ايش رايكم ايش نسوي انا لسى ماكلمت خالي لأنه يمكن تكون عنده حلول افضل لأن الرجال يعرفو لبعض اكثر
اعطووني ارائكم بليييز صاحبتي تنتظرني على أحر من الجمر