:26: السلام عليكم ورحمة الله وبركاته :26:
بداية خليني أعرفكم على عائلتي الكريمة عندي ما شاء الله 3 أولاد الكبير عمره 10 والوسطاني 7 والصغير 1 حياتنا الأسرية هادئة ومستقرة ولله الحمد والمنة .
مشكلتي مع ولدي الوسطاني سنة أولى وما شاء الله عليه متفوق في دراسته يعرف القراءة من قبل ما يدخل المدرسة لأنه يجينا أستاذ لتحفيظ القرآن في المنزل لأولادي وأولاد أعمامهم فقبل حفظ القرآن تعلموا القاعدة النورانية .
وكان ولدي يروح المدرسة من غير ما يتعبنا معاه زي ولدي الكبير حتى إنه معتمد على نفسه يجهز شنطتوا بنفسه ويلبس بنفسه ويحل واجباته بنفسه عكس أخوه الكبيرلما كان سنة أولى أنا كنت أسويله كل شي المهم الأسبوع إللي فات ما أدري إيش جرا له فجأة وبدون مقدمات ما صار يبغى المدرسة ولا الأستاذ إللي يجي في البيت وصار يتحجج شوية ببطنه وشوية إنه الأستاذ عصبي وشوية يقوللي ليش إنتي ما تروحي المدرسة وشوية إنه المدرسة يطفش ويقعد يبكي جربنا معاه كل الطرق الترغيب والترهيب والحرمان والضرب والهدية ما في فايدة .
عندي سطوح في البيت كل يوم يطلعوا مع أولاد أعمامهم ويلعبوا يوم ما يغيب نحرموا من الطلوع يقعد يبكي ويترجا طول اليوم ويحلف ويوعد إنه يروح المدرسة بكرة ولما يجي بكرة ما في فايدة جنني في الأسبوع ما صار يروح غير يومين أو ثلاث وبطلوع الروح.
علما إنه يروح مدرسة خاصة وكل فترة والثانية يأخذوهم رحلات ويدلعوهم ، الأستاذ إللي يدرسه قال لأبوه يوديه لشيخ يقرأ عليه وقاله إنه كان في ولد السنة إللي فاتت وصار ما يروح زي ولدي وودوه لشيخ وصار طيب قلنا في آخر الأسبوع نوديه إن شاء الله .
ما أدري هل عندكم فكرة أو خبرة أو مر على رأسكم زي ولدي ياليت تدلوني إيش أسوي والله احترت وتعبت
وكل وحدة ترد الله يجزاها ألف خير ويسخرلها زوجها ويرزقها بر أولادها ويرحم والديها ويسعدها دنيا وآخرة .
rabiaaciyor @rabiaaciyor
محررة برونزية
يلزم عليك تسجيل الدخول أولًا لكتابة تعليق.
رنا777 :
ان ما خاب ضني عين شكلك تتكلمين عن ولدك عن الناس انو في دراسه تمااام و ما غلبك مثل ولدك الاول يا أختي عيون الناس ما ترحم و احيانا اقرب الاقربون يعطون ولدك عين من غير قصد وديه شيخ وأن شاء الله تشوفينه بافضل حالان ما خاب ضني عين شكلك تتكلمين عن ولدك عن الناس انو في دراسه تمااام و ما غلبك مثل ولدك الاول ...
الله يجزاك الجنة وإن شاء الله بوديه يوم الأربعاء للشيخ
الصفحة الأخيرة
شكلك تتكلمين عن ولدك عن الناس انو في دراسه تمااام و ما غلبك مثل ولدك الاول
يا أختي عيون الناس ما ترحم
و احيانا اقرب الاقربون يعطون ولدك عين من غير قصد
وديه شيخ وأن شاء الله تشوفينه بافضل حال