تعالو شوفو ملوخية اهل المدينه وادعولي

السلام عليكم
قرأت طرق كثيره للملوخيه الناشفه وبصراحه حبيت اذوقكم طريقتنا احنا اهل المدينه وكيف نسويها ان شاء الله تعجبكم00:cook:
المقادير: نص كيلو لحم ضاني او حبه دجاجه
نص كاسه ملوخيه ناشفه مطحونه ومنخوله ناعم
مقدار رأس ثوم مفروم
نص كوب زيت او سمن فارم
3 مكعبات ماجي<< بصراحه لو مافي ماجي مااسوي ملوخيه ناشفه:35:
الطريقه:
اول شي نسلق اللحم او الدجاج نص سلق يعني مانخليها تستوي مره
بعدين في قدر ثاني نضع الثوم مع الزيت او السمن ونقلبه لمدة دقيقتين تقريبا يعني مانخليه يحمر كثير ونبعدين نضع عليه الملوخيه الناشفه المطحونه ونقلبها على حتى تتحمص (اهم شي اننا مانحرقها تحميص على نار هاديه )
بعد كده نطفيها بمرقة الدجاج او اللحم اللي سلقناه ونقلبها جيدا وبعد كده نحط اللحم او الدجاج ونخليها تغلي حتى تثخن 00 وتقدم مع الارز الابيض وسلطة الليمون بالفلفل00
وبالهناء والعافيه