تعالو شوفو من شنو اعاني

السلام عليكم ورحمة الله وبركاته

يا بنات حواء العزيزات الغاليات والله مادري من وين ابتدي بس يالله سالفتي سالفه بجر سالفه معاكم واكيييد في كثيير منكم يعانون مثل معاناتي

الله يسلمكم ويخليكم ويحفظكم كل انسان له عيوابه وله مزاياه مثل ما انا لي عيوبي ولي مزاياي ابكلمكم اول شيء عن عمتي اللي هي دمي ولحمي اخت ابوي يا بنات عمتي دايم تغل علي كلام عن طريق غير مباشروبين وقت ووقت تغل علي نقزات وتحسسني اني اقل منها او تكلمني بنفس خااايسه وفي بعض المرات تكون طيببببه وااايد وتكلمنا بحنيه ومررات تخيس نفسها علينا ... والله مب عارفه ايش اقول وايش اخلي وبناتها ماشاء عليهم طيبين وحبوبين يحبوني ويحبون اعيالي واا نفس الشيء احبهم واحب عمتي واااااااااااايد لو شتسوي لي ولو شتقولي

مره صارت سالفه كنت عندهم قتلهم ابي البس شيء من عندكم لأنه كانوا نااس جايين لهم وانا ثيابي عااديه قلت اقول لحبايبي عمتي وبنات عمتي ابي ملابس من عندكم قالت عمتي باجيب لج جابتلي كم جلابيه ولبست وحده غير جفتها في الغرفه غير اللي جابتهم اوكي ادري بتقولون لي غلطت المهم غلطت غلطه بس تراها صغيرونه المهم طلعت بالصاله وانا قاعده


توقعو ايش قالت لي قالت لي يا فلانه انا ما عطيتج هالجلابيه ليش لبستيها قلت عمتي عجبتني هاذي ولبستها وهي كانت تقريبا قيمتها يمكن حوالي 1000 ريال او اقل شوي مبلغ عاادي موش كير المهم ردت قالت لي قومي افصخيها اللحين هالكلام صار قدام بناتها وصديقة بنتها وبنات عمي تخيلو نفسكم بالهلموقف ايش راح تسون اكيد بتمنون لو الارض تنشق وتبلعكم اسم الله عليكم انا حزتاه تمنيت هالشيء وسبحان الله رحت الغرفه تميت اصيح وفصخت الجلابيه وتحسفت قد شعر راسي اني فصختها ومشيت الحال قلت هاذي عمتي وتمون علي زعلها لي حلو مو مشكله طلعت وقعدت وانا زعلانه من داخل بس ما بينت مع انه بايين علي غصبن عني دموع الحزن على ويهي بس ما خليتها تطلع حبستها بعيوني

ادري بتقولون ما عندج كرامه اشلون قعدتي ما طلعتي من البيت لو احنا بدالج جان بنرد عليها ويمكن نزفها ويمكن نطلع من البيت سيده ولا نرد له ثاني وما انتم نكلمها طول عمرنا وكل وحده بتقول شيء ليش وليش ما سويتي كذا وكذا

المهم يا بنات استحملت ومشيت الحال قلت هاذي عمتي حسبت امي دمي ولحمي ما تهون علي حتى لو زعلتني ومشت الايام ولسنين وبين وقت ووقت كانت تغل جم كلمه عن طريق غير مباشر وانا كنت امشي واساير

ومره فاض فيني الكيل وكنت اكلم بنتها على المسنجر وفجأه لأول مره اتهور وقلت لبنتها انا بحط حدود بيني وبين عمتي اقصد بالحدود اني اتعامل معاها برسميات لنها هي تبي جذي وانا قبل كنت معتبرتها انه فعلا مثل امي وكل شيء اقولها المهم صار الل صار وبنتها تمت تعاتبني بحمق وتقولي تقولين حق عمتج هالكلام الي تحبج والي واللي واللي صار جدال بيني وبينها ولا رضت تتفاهم وتفهم كلامي او من شنو انا اقلت هالحجي


حربتني لي هاليوم محاربتني مع اني امووووووووووووووووووووووووووووووووووت عليهم يا بنات ما تتصورون اشكثر انا احبهم وله مره زعلتهم بشيء مع انهم كانو يزعلوني نادرا وكنت استحمل لأني احبهم والله واشكثر تميت اطرش لهم مسجااات أتأسف لهم واوضح لهم الامر عددددل لأنهم افهمو غلط



وليحد اللحين احبهم هم حبوني وما قصرو علي بشيء كانو يهتمون فيني يسألون عني ويحبون اعيالي حتى عمتي


بس هذا اللي صار وفيه كلام كثييير بس ما باقوله الحين اذا صار وقت باقوله مع الردود اسمحولي وقولولي انا غلطت !!!!!!!!!!!!!!!!


بليييز انا وااايد اعاني ردو علي


ملاحظه ترى اعاني ن نااااس كثيرر بس صفحات النت بتخلص وانا ما خلصت وهذا الله شاهد علي والله يا بنات اني طيببببه لين اخر درجه ومخللللصه وحساسسسسسسسسسسسسسسسسسسسسه كثيييرر ولا ازعل حد الا ناااادر احاسب للكل واللله العظيم هذا الله شاهد على كلامي واذا انا غير كذا الله يسامحني