تعالو شوفو نتايج البردقوش فيني ..؟؟

السلام عليكم بنات

ادري كلكم ودكم تعرفون نتايج هالعشبه لكن قبل لا اقولكم ابي كل وحده تدعي من قلبها ان ربي يسهل علي الحمل ويجعله سبب من اسبابه ويااارب العالمين يكتب لكم بكل دعوه دعيتوها نصيب ..

اول شي بعد ما استخدمت حبوب منع الحمل مده 6 شهور تقريبا تركتها ومن تركتها وانا هاتك لخبطه دوره وتكيسات وهرمون حليب وحالتي حاله الحمد الله على كل حال :35:

سنه كاااااااااامله وانا اروح واجي للدكتوره وخذي دوفاستون وخذي كلوفاج وخذي بروجيلتون منظم دوره .. تعبت مررررره استخدمها وبعدين تقول خلاص فكيها وترجع حليمه لعادتها القديمه تتاخر وتنزل افرازات بنيه واذا رجعت لها قالت مازال التكيس موجود و و و .. الخ سببت لي احباط وحسيت ماراح اوصيل نتيجه معها وقالت خلاص راح ابدا فيك منشاط وصبغه ومن هالكلام ..

من هنا تركتها واتكلت على الله وبديت ابحث عن العلاج بنفسي ادري بتقولون طولتيها ههههه

قريت عن عشبه البردقوش وقلت ليش ما اجربها على كلام البنات ، الحين لي شهرين والله يابنات عمري ما انتظمت علي بنفس اليوم هذا اللي فاجئني شهرين ورى بعض جت بنفس اليوم والتاريخ اللهم لك الحمد ولك الشكر .. مع اني يابنات من قبل ما اتزوج تجيني كل شهرين كذا اقل اكثر ماهي ثابته .

والله يابنات اني طايره من الفرحه عشان الدوره نزلت علي وانتظمت صحيح ابي الحمل بس العافيه تجي شوي شوي وان شاء الله اذا انتظمت الدوره علي هذي بدايه خيررررر وتسهيل اموووور الحمل اللهم امين ..

الاعراض قبل لا استخدم البردقوش :

تكيسات

لخبطه دوره وهرمووووووونات

سمنه شوي وحاولت انزل وزني شوي بس انزل كيلو كيلوين وارجعهم ههههه

< بس زين فيه محاوله :35:,,

شعر عند الدقن واللحيه والشنبات غطينا عالرجال خخخخخخخخ

الحمد الله ع العافيه بس ، المهم بعدها استخدامي للبرقدوش ..

انتظام الدوره واذا انتظمت الدوره باذن الله تعالي ذهاب التكيسات لانها هي السبب في خربطتها

انتظام هرمونات الجسم

مثل ما قلت لكم تساعد شوي في تنزيل الوزن

الشعر خف بنسبه 70 الى 80 بالميه يدووووب ينشاااااااااااااف


اي ونسيت اقولكم بعد استخدمت طلع النخل مع العسل ملعقه صغيره طلع مع ملعقه كبيره عسل الصباح والمساء من اول يوم الدوره الى حوالي 14 يوم واتركيها بس هذي استخدمتها الشهر الثاني

__________

هذي تجربتي يابنات وبغيتكم تعرفون نتايجه يمكن ناسبتني وماناسبت غيري بس ما اقول غير الحمد الله يارب انها صارت تنزل بدون علاجات ولا منشطات ولا منظمات دوره

دعووووواتكم لي تكفوووووووووووووووووووون ويارب لكم بالمثل ..

(((( ملاحظه ))))

في الصفحه الثالثه طريقه استخدامي له للي حابه تعرف عشان سؤال الاخت والله يوفقكم يارب