مغـرورة بس معـذورة :

صراحة ما ألومك لو زعلتي الموقف يطقق من القهر خصوصا انهم كبار في السن لكن اللوم في الأول و الأخر على أمهاتهم الي لا حس ولا خبر والله أنا لما أكون ابى اخرج عند احد وبناتي معي اعطيهم نصايح وتحذيرات لين يطفشون أهم شي ما يفشلوني قدام الناس حتى لو في بيت أهلي انا كذا واذا بناتي قالو ليش هوم يخذون واحنا لا اقولها قدامهم انتو مؤدبين وتستحون مايصلح احد يكل كثير عند الناس بس في بيتنا واهم ما يستحون والله ماعلي في احد وتشوفين وجيه امهاتهم يتغير بس ما همني اساسا المح ابيهم يفهمون وانا اذا طال الطويل والله اطالب ماعلي من امهاتهم اذا ما ربو عيالهم اربيهم انا في بيتي واقول عيب كذا ما يصلح كل واحد يخذ وحده وخلاص وعيب تجلسو مع الحريم واشوف امهاتهم تتغير وجيهم بس ماعلي من احد تخيلي عندي عزيمه وجالسة اقطع جح وارص في الصحون وهم يدخلون ياخذون من الصحون ويطلعون بكل تبلد وامهم تشوفهم تقول مساكين جوعانين عاد انا ثارت اعصابي اساسا يالله يكفي لان العزيمه كبيره قمت طرتهم برى وقلت لهم والله لو اشوف واحد ماد يده لاادبه براااوامهاتهم يشوفون ووجيهم متغيره وانا ماهمني وكملت كلامي قلت الحين تكلون الجح بارد بيعور حلقكم وبيصدكم عن الغدا واذا قلنا تغدو قلتو شبعنا مانبي الي جوعان يجي اعطيه جريش اما الجح ما يسد الجوع هذا بعد الاكل وللكبار يخلصون اول بعدين انتو يالصغار وقامو يطلعون عيالهم بنبرة ماهي عاجبتهم بس ماهمني طقاق الي يجي بيتي يحترم نفسه ولا لا يجي شي يقهر والبزارين زعلو مني وراحو جلسو مسوين انهم زعلانين مدنقين راسهم وانا طقاق الي ماتربى وما يعرف الادب انا اادبه واربيه ولا ياكلون الموز والقشر في الارض والله انادي الي مسويه واخليه يشيله قدام امه موب علشاني ما ابي اشيله ولا عجزانه علشان يعرفون العيب وعلى فكره انا اعطيهم لحالهم على طاولة في المطبخ بس يجون يدلعون عند امهاتهم وانا اقولهم عندكم مثله في المطبخ ايش تبون هنا يلا على المطبخ انا شوي شديده بس لمصلحتهم اولا والحين الاطفال اذا جاو عندي عارفين كلمتي وحده وانا كذا مع عيالي اعطيهم حنان واحبهم وعاطفية معهم مره بس كل شي وله شي الادب ادب ماله دخل بالحب والحنان هذي تربية تتأسس عليها حياتهم بكره اذا خالطو الناس يعرفون الاخلاق والذوق موب يرمون الكلام ما يدرون وين يوقع يرمون سكاكين تجرح والاخلاق زيرو ويحسبون انفسهم ينثرون ورود حتى ما يعرفون يختارون الكلمة الي تقال والي ماتقال شوفو الحين حال بعضنا مع ازواجهم تلاقي الزوج يرمي كل كلمة والثانية وتكون جارحة وقوية وهو يضحك لانه اساسا ماتربى على الذوق واختيار اللفض ومراعات مشاعر الاخرين والامثلة كثير لازم نربي جيل يرتقي بأخلاقه وتعامله مع الاخرين سوا كان انسان او حيوان او حتى جماد تلاقي بعض الاطفال استغفر الله عنده عصفور ولا قطوة يمسكها يخنقها ويضربها ولا يصب عليها موية مافي قلوبهم رحمة وامهاتهم ولا انتي هنا حرام هذي روح تحس وتتألم مثلنا ولا طفل شاف لعبة عند احد يخذ اللعبة وهي ماهي له وطراخ في الجدار ولا يحط في جيبه ويطلع سرقة يعني والعيب ما فيه والله صرت اقفل على اغراض عيالي والله مو بخل لو بيلعبو بأدب ماعندي مشكلة لكن تكسير وتمير مايستاهلون يلعبون

صراحة ما ألومك لو زعلتي الموقف يطقق من القهر خصوصا انهم كبار في السن لكن اللوم في الأول و...