حبيبتي انا اسوي حركه حلووة وتنفع للي يجيبوون عيالهم
احط للصغار في مكان ثاني مثلا عند التلفزيون سفرة
واحط لهم شوي من الاشياء اللي انا حاطه يعني الحلا والمعجناات
وازيد عليها تشبسات وبساكيت وعصيرات << كثري منهااا الله يعينك
اذا شافوها الاطفال معاد يرجعوون لجلسة الحريم
بدال ما يضيق صدرك وتنحااسين معهم
دام ان امهاتهم ما رتبوهم مالك الا انك انتي ترتبين الوضع
الله يقويك ياا عسل

انا عندي وحده من من القرايب رافعه ضغطي اول ما تدخل بيتي

عيالها على طول على الثلاجه وما يبقون عصير او كيك وذا خلصو اللي في الثلاجه

قالو ماما نبي اندومي طبعآ الاخت لو سمحتي

عندك اندومي طبعآ حبه وحده ما تكفي لازم مجموعه

قسم بالله يا بنات ان عيالها يرجعون من كثر الاكل

اخر مره جت عندي بعد ماخلصو عيلها اللي في الثلاجه افتحتها الاخت بكل وقاحه
قالت يوووووه ثلاجتك فاضيه هههههه الله اعلم من فضاها

مو بس كذا الاخت دمرت على الكنب مره كابه شاي ومره كابه عصير ومن هاالحركات

انا احس انها متعمده اتضايقني لا ولمشكله انها تجي بدووون عزيمه

لا والله انك صادقه وبعدين 10 و9 سنين وين صغار والله هنا سلفاتي وكثير غيرهم ماشاء الله ولاقوة الا بالله حتى لو جيعانين تعطينهم الشي يطلون بامهم عشان تقول ايه او لا ولو مافي الام لازم تتحايلين عليهم الله يحفظهم ويحفظ من ادبهم وعلمهم الذوق والأدب بس..

لا ياقلبي أنتي صادقه ومن جد قهرررررر

لازم نعلم أولادنا الأدب والذووووق

لا تشكيلي ابكيلك

بنفااااااااااسي وجلسه رسميييييييه اهل زوجي عندي وهي قريبتي مره مره يعني عمتي من اهل البيت تنادي عيالها ياكلووون ويلممممس الفطاير تقريبا كلها ويروح من بيقبل ياكل بعده ؟ حرررام صوووووواني كلها ملمسينها البزارين انكبت للبهايم بالمزرعه حرام والله شي يقهرر هي ما اكلت بعد ولدها والله قبل ما يجي ويحوسها ان الحريم مبسوطين ما توقف الصينيه وهي تدور بس من بعد ما جو البزران محد تقبلها يعني الدنيا مهي طايره بيروحون الحريم وبياكلون البزران ومهي مخلصه الصواني مرررره كبيره بس شفاحه

ومره انا تاخرت ما رحت للجمعه بدري يوم رحت وتعالي البزارين يطالعون في صحن الحلا حقي وامهم تاخذ مني وتعطي الحين انا ضيفه تاخذين مني . ؟ اخرتها ناديت ولدها وقلت خذ الصحن وطاااااار فيه لاخوانه مع انهم ماااااكلين شبسات وعصيرات ومن نفس الحلا اللي محطوط لي بس شفاااحه ورجعو لي حبه وحده محشيه مربى مايحبون المربى ههههه قلت مابيه عطوه الشغاله


ومره رحت متاخره انا وامي وعارفين ان البزارين لاعبين بالدنيا قبل لا نوصل وجبنا معنا صحن حلا كبييييير ورب الكعبه اول ما انفتح
صفووووو البزرااااان ومابقا فيه الا كم حبه تنعد على الاصابع قبل ما امد يدي والام تصف الكم حبه ترتب الحوسه اللي سووها وهم قبل مانجي ماكلين حلا وكيك حتى حلاهم ماشفناه مع القهوه اعطوه البزارين يوم شافونا جايبين حلانا

مع ان اخواني الصغار اعطيهم انا على حبه واقولهم خلاص لا تجون ولايجون وعبال الناس اقولهم نفس الشي ويرجعووووون وانحرج صراحه اذكر مره من زود الشفاحه واحد من البزارين جاب ملعقه ياكل الحلا و مره قعدت اصيح مقهورة على اخواني رحمتهم يطالعون ودهم فيه بس سامعين الكلام والباقين لاعبين لعب وما اظلم كل الامهات فيه البعض احس انه مستحي بس يبي يقلد غيره

الله لا يبلانا ان شاء الله بنتي ما تطلع من هالنوعيه