صراحه احس الهمجية في الامهات مو العيال
عيب خلاص كل وحدة قبل تطلع عيالها ضررووري ولازم تسويلهم وجبة قبل اللبس وبعدين تلبسهم وتطلعهم معاها
واحيانا الاطفال يكونون شبعانين وبس يلعبون وين الام ودورها يعني عيب كيف ماتتفشل من عيالها
لو اعطتهم نظرة ياالله خلاص عيب والله مايجون ويخربون تقديمك
الاطفال احباب الله مايفهمون العتب على الامهات
والله الصراحه لو سلايفي كذا طريقتهم صراااحه مااتكلف نوع واحد حلى على القهوة
ونوع واحد على الشاهي وخلاص
والدعوة جمعه
معاكي حق تزعلين اهم شي في الاطفال الادب
وغير كذا الاطفال في العزايم الرسمية مالهم داعي يجلسون ببيوتهم اريح لهم ولامهم
اما في الجمعات العادية لازم من توجيههم

والله كلامك صح ولو انا مابرضاها ابد
وانا اكره هاذا التصرف من غير حوسه البيت
وانا ولدى مره عند امى قام ياكل الحلاوه فوق البسكوت ويرمى الباقى امكن زى ثلاث حبات اخذ
بس انا ابد ماخليته يتمادا ابد مع العلم انه صغير وعمره ثلاث سنوات

والله انك صادقه يا اختي بعض الامهات عندهم بروود وعادي اللي يسوونه عيالهم عليهم بالعافيه الاطفال لاكن بتجي بوجهك انتي ياامهم !
الله يعينك يا اختي واحتسبي الاجر عند الله00

هههههههههه
عندنا وعندك خير ...
حتى لو شبعناهم الله يصلحهم وشافوا اكل الناس غيييييير له لذه وطعم مو طبيعي ..
وبالنسبه لامهاتهم فيه امهات عاااااااااادي عندها اذا صارت برا بيتها والشي مو بوجهها خلت اولادها ياخذوا راحتهم بالاكل واللعب والتخريب كمان ...
انا عن نفسي دايم صراخ وطقاق ابي اربي عيالي عالادب خصوصا بالاجتماعات العائليه ودايم الناس يقولو لي حرام عليكي خليهم ياكلوا وينبسطوا زي الباقين لا يتعقدوا ..
واذا شفت اولادهم كيف طلباتهم ملبيه لهم اغير بالمره واقول في نفسي راح اخلي اولادي على راحتهم ....
مره من المراريت كنا باجتماع عائلي وبجمبي عالعشاء وحده الله يذكرها بالخير ... اهم شي اولادها وبناتها .... وكنا نتعشى وكل شوي يجي واحد ابغى خبز وتقوم تعطيه .. ابغى مرق وتديه ابغى وابغى .. والله لحد ما خلص اللي قدامي وما لقيت شي اكله انا واللي بجمبي جلسنا نطالع فبعض ...
وبعدها اخذت درس ما اجلس بجمبها الله يذكرها بالخير ...
وكمان مره كنت جيعاااااااااااانه وتعبانه وما تغديت ... وكنت جايه متأخره للاجتماع وجبت معايا صحن فطائر عساس اكل منه واول ما سلمت عليهم وجلست وطلعته وخليته يدور لفه عالحريم الا وتجي الله يذكرها بالخير وتصوت لبناتها وتمد الصحن وانا يا حبة عيني ما اكلت الا قطعه ... عاد انا من الحره اللي فيني قلت بضحكه طبعا خير خير خير ... هاتي انا ما اتغديت وجايبته لي غدا هاتي باخذ منه وعلى طول عبيت لي صحن واعطيتهم الباقي ...
من جد ناس ما عندها ذوق ..
وكلامك صح في صح ... واساسا الاطفال يفشلون في كل النواحي مهما ربيتيهم الله يصلحهم ويرزقنا برهم ...
وسعي صدرك اللي عندها اطفال لاتستحين منها لانها مجربه ..

ههههههههههههههههههههههههههههههههههههه
في احدمثلي مره في استراحه مسويه حلى ياااي مكلفني
يوم جبته هجمو البزران تقولين ما شفو عيشه
رفععععععععععععععو ضغطي
الامهات ولا على باله
الله يكون بالعون