الله المستعان وأبو عشر سنين وش جابهم ؟ يقعدون في البيت الله ياكم أعاني من هذي الحركات لا أنا عندي يفتحون الثلاجة والفرن يدورون تقولين ما شافوا خير والله عيالي أعشيهم قبل ما أطلع عشان ما أتفشل وما أوديهم إلا عند وحده عندها عيال وكل شويه أقوم أشوف وش يسوون بعدين حاولي تقللين من هذي الزيارات مو كل أسبوع وترا السلايف يغيرون من بعض خليك رسمية معهم تعرفين حركاتهم

اف والله صارلي يومين انطر اقدر ارد على الموضوع مادري ليش ماكان مسموح لي بقلبي كلام مترس ومن كثر ماني متحمسة ارد خليت الموضوع محفوظ عندي بالمفضلة .... المهم


انا اايد الكاتبة خذلني الوقت ببعض النقاط واختلف معاها في بعضها وكذلك الاخوات بعد اللي ردوا .....

اولا الاخت خذلني الوقت حبيبتي مهما كنتى متكلفة بالاكل وتعابنه علية مو سنع تقولين لاتاكلون الا كذا كذا وعيالك وكلوهم صعبة والله مو حلوة خلاص انا حطيت ما احسب مو شي هالطريقة بس مسالة انه اليهال يلعبون بالاكل وياخذون بايدهم ووحده بحلوجهم والامهات ساكتين لا احسها لعانه منهم شنو هالتربية ولا المقصد بس اقهر اللي عازمتنا وبس ولا ابين انها عينها ضيقة عشان يبونج تتكلمين وتقولين شي ؟؟؟

يعني على الاقل اقول لهم الله يعافيكم اللي تبي عيالها ياكلون توكله وتخلية عندهاا لا يحوسة بالضيافة لو سمحتوا

بعدين اللي قالت احطب شيبس وحلاو ومدري شنو شسالفة اسوي بقالة احسن لا حبيبتي اليهال ما يخلون والله يبي ياكلون ويركضون ويحوسون الدنيا بالعكس اخلي غرفة فيها اللعاب واخليهم يحوسون فيها وانسي اللقي اللقاها سنعه بعد مايروحون بس شتسوين الله يعينج بعد غرفة ولا البيت كلة

والامهات لازم تتكلمين معاهم بصراحه اللي عندة مقدرة لا يجب عيالة الله يعافيكم نبي نسولف ونستانس ولو نبي اليهال يلعبون نتواعد مع بعض بحديقة ولا منتزة ونونس عسالنا بجذية راح يفهمون ويستحون على دمهم مع اني اشك والله بس لازم تكونين صارمه وهذيلا مو غرب هذيلا حريم حموانج يعني لازقين فيج العمر كلة لازم توضحين من الاول

انا والله عندي بنت وحده وما اقدر اسيطر عليها وخصوصا لمن تشوف يهال ثانين تستنفر وتقلدهم بالاول كنت اخليها بالبيت واروح بس لمن شففت اللي ييون عندي معاهم عيالهم ويخلون بيتي سيرك وانا بنتي حابستها قلت لا والله اخذ بنيتي معاي ابرك بس معاها خدامتها ومصيتها اذا تبي شي من بعيد لبعيد تاشر لي بعيونها وانا افهم احط لها وتوكلها عند اليهال بعيدعن الحريم وعن تعليقاتهم ولا ارضي اخليها تقعد معاي مع انها تحرجني ماما ابيج ماما ابي جاي ماما ابي قهوة بس اخزها بعيني واخليها تروح بس هم مو قادرة اصيطر عليها تها 3 سنوات ومدلعه حييل بس هم احاول على الاقل عشان ماتصير جيتي ثقيلة على الاوادم لان انا كنت اكرة الناس اللي اعيالهم موذين وما ابيهم يجون بيتي وعشان جذية قلت ما ابي اصير مثلهم ,,,,,


على فكرة انا قعد فترة ما ابي احد يجي بيتي عشان ما يعفسونه بس مليت من الوحده يا حبيبتي الارواح تبي الارواح لازم نتجمع زنسولف شنسوي بعد


اتمنى اني ما ضايقت احد بكلامي بس كنت محتاجه اقول االي بقلبي مع انه اكثر من اللي انكتب

اي نسيت بقول شي بعد كل اللي ردوا يقولون عيالي وعيالي وانا ما يسوين جذية شتعواااا اعترفوا بالصج يعني منو عيل اللي عيالة شياطين كلكم ماشاء الله تبارك الله عيالكم مودبين اعترفوا وترا هالشي مو عيب العيال صعب تيطرين عليهم وخصوصا الصغار حييل لا تقعدون تتجملون خلكم صريحين

والله العتب على الامهات الي لاتهش ولا تنش

قاعده تسولف وتاركه الدرعه ترعى همها السوالف والا عيالها بكيفهم حوسو ولا همها لو كب عصير او اي شي تقهر ماتفكر تقوم تمسح كنها حيوان ما عندها احساس لان الله ميز بني ادم عن الحيوان بالعقل

بس بعض الحريم همج مايفهمون

اللهم عافنا مما ابتلاهم وفضلنا على كثير ممن خلق تفضيلا

ياشين الامهات اللي كذا يرفعون ضغطي