معصوبه بالعسل @maasobh_balaasl
محررة ذهبية
تعالو شوفو وش صار لزوجي الله يحفظه ويحفظ لكم ازواجكم
السلام عليكم صبايا بحكي لكم قصه حصلت لزوجي قبل فتره ماهي بطويله الله لايعيدها ولا يكتبها لمسلم اليوم الي قبل الحادثه حلم زوجي انه بصحراء وانه كان بالصحراء الرسول عليه الصلاة والسلام وكانو ناس يقولون عمر مات عمر مات يقصد عمر بن الخطاب قال زوجي رحت ابشوف عمر لاقيته مغطى ومو مبين الا جبهته وكانت بيضاء وشاف الرسول جالس على ركبه يبكي على عمر وفجأه يسمع صوت يقول له احذر من الكاهن والتفت الا ورجال يقول طويل لابس ابيض وراسه صغيررر يجري وراه وهو يركض هارب منه وقام مفزوووووع:06: ويصدف بنفس الليله اني انا وبنتي وزوجي كنا نطير تحت الارض وكنا انا وبنتي نطير وطلعنا من تحت الارض متماسكين ونطير بسماء وزوجي ينادينا يقول لا تخلوني هنا خذوني معاكم ورجعنا له وشليناه وبصراحه كنت خايفه من الحلم بس استودعته الله .... قام الصباح وقال لي بتاخر اليوم لاني باروح البنك اسحب فلوس وعندي شغل قلت له طيب ومر الوقت وفجأه دق باب البيت علما ان زوجي عنده مفتاح واشوف من عدسة البيت الا وزوجي ومعه اثنين رجال فتحت الباب دخل زوجي وشكله مرررره تعبان وعامل لصقات الابر بيدينه ولصقه على راسه راح بالي انه عمل حادث الله يحفظه وقلت له وش فيك جلس ع السرير وبكى وادور على جواله ابتصل على اخوي يجي لاني خايفه اشوف جواله متغير ومعه جوال واحد صاحبه وحاط صاحبه رقم سري ومااعطاه ورحت اشتري كرت كان جوالي بدون شحن واتصلت على اخوي بمكه تجينا الان واخوي ماقصر جا باسرع وقت المهم جلست معه وحضنته وبناتي كانو خاااايفات اول مره يشوفو ابوها كذاقلت له ايش حاصل قال وانا خارج من البنك ومعي الفلوس وصلت للمكتب مؤجرين مكتب بمكان مافيه احد يعني الناس نادره ماتبين الصباح وكانت الساعه 9 وشوي الصباح الا وسياره وقفت ورا سيارتي وقال نزلت وهم نزلو قال امشي الى جهة المكتب لان مفتاحه مع زوجي فقط والاحظ احد يتبعني وكل ماالتفت اشوفه عامل حاله يكلم بالجوال الين ماجاه من ورا ومسكه من حلقه وقال له هات الفلوس والثاني على جيوبه وزوجي من غباه ماسك بيدينه على جيوبه والرجال ضاغط على حلقه الين ماداخ واخذو كل شي ورموه تحت سياره كبيره خربانه جنب المكتب وهربو واجى المحاسب المصري يشوف المفتاح معلق بالباب حق الحوش حق المكتب ويشوف سيارة زوجي بس هو مافي يمشي يشوفه تحت السياره ياخذه الى المستشفى على طول :06: كانو ثلاثه واحد بسياره يراقب واثنين هجمو عليه وواحد هندي شافهم كان حارس احدى الفلل هناك وزوجي مقهور على الفلوس لانها كبيره مئة وخمسين الف مئة لصاحبه وخمسين حقه وتعبه وشقاه الله لا يبيحهم ليوم السمع العليم وجلس فتره مريض من الغدر ... وراح الشرطه وقالو يووووه كل يوم تجينا دعوه بسرقه يعني لو عرفنا شي اتصلنا عليك وراحو وجابو كيمرات المراقبه بالبنك يشوف زوجي يمكن كان معه بالبنك بس للاسف ماشافه بالفيديو يقول كانو سوووووود وكبار الاجسام وكلامهم مو مفهوم فيه تكسير ..... انتبهو ياجماعه لازواجكم اذا راحو يسبحو فلوس الله يحفظ زوجي وازواجكم احسن يتعاملو بشيكات كان زوجي بيخسر حياته من سبب الفلوس الله يحفظه ويخليه لبناته ولي ولا يحرمني منه يارب وانا جتني حاله نفسيه جلست فتره اراقب باب الشقه لما يخرج زوجي احس كان احد بيدخل علي ويجيني خوف والحمد لله على كل حال ... والله لا غفر لهم ولا بارك فيهم ولا اطعمهم الصحه والعافيه وجعل الفلوس الي سرقوها جمر ببطونهم يارب
73
8K
يلزم عليك تسجيل الدخول أولًا لكتابة تعليق.
أسماء
•
لاحول ولاقوة الا بالله صح قهر بس الفلوس تروح وترجع البني ادم ايش يعوضة حسبي الله على كل سارق ههههههههههه بضحكك علي عشان تروقين قبل اسبوع بعد مازوجي والاولاد راحوا للدوامات جلست بمجلس الرجال اتقهوى وتعرفين الصبحية غصب تنامين المهم واحلم ثلاث مرات انو صندوق ذهبي مفتوح وفي قطع متناثرة واقوم كل مرة مفزوعه وانا عارفة انو الحمدلله الدار امان واخر مرة قطعت الشك باليقين ورحت لغرفتي شفت الذهب في مكانة ووووووووش سويت من الدوخة رحت للمجلس ونمت هاه وش رايك بالله مو غرفتي اريحلي يقالي بروح اعدل الكابوس هناك
الصفحة الأخيرة
الحمد لله على سلامة زوجك
اهم شي سلامته والفلوس ربي بيعوضه خير