السلام عليكم كيفكم ياحوائيات
اليوم صار لنا موقف يخوف انا وصديقاتي في باص واحد نروح ونرجع سوا المهم اليوم داومنا ومن سوء حظنا المعلمة غايبة قهر ماعلمتنا بتغيب والعادة تقول لنا اذا بتغيب المهم جلسنا لمن الساعة 9 الصباح طفشنا العادة نطلع من المعهد الساعة 11 ونص الظهر قلنا خلونا نتصل على السائق يجي يرجعنا للبيت احسن اتصلنا فية قال خلاص مسافة الطريق وانا عندكم طلعنا بسور المعهد لبسنا عباياتنا وتأخر السائق ماجاء رجعنا اتصلنا قال خلاص انا قريب وطلعنا على اساس انة جاي لمن طلعنا حصلنا شاب واقف اول ماشفناة رجعنا وماعاد طلعنا رجعنا اتصلنا على السائق قال يالله اطلعو وطلعنا وحنا طالعين قال الشاب خذو الرقم حنا طنشنا وطلعنا الباص وسيارتة قدام الباص طلع سيارتة اول مامشى الباص مشى ورانا عاد هنا بغينا ننجن يووومة وش يبي ذا من جد خفنا ويلحقنا طول الطريق بيوتنا بيعدة عن المعهد المهم قربنا من بيت صديقتي الاولى وهوة باقي يلاحقنا:06: قالت تكفون لاتمشون حتى ادخل البيت طيب قلنا اكيييييد من غير كلام وقف صاحب الباص قدام بيتها ونزلت وحنا نراقب السيارة وقفت جنب البقالة اللي قريب من بيتها المهم حنا ماقفلنا باب الباص على اساس حتى تدخل البنت ونقفل لمن دخلت قفلنا ومشينا تخيلو اول مامشينا ويجي الشاب مسرع بسيارتة ويوقف قدام بيتها انا :32: وربي تجمد مكاني وامسك الجوال بسرعة اتصل على البنت ابي اقول ترى وقف قدام بابك ماردت علي مكالمتين بعدها ردت بتموت من الخوف قلت اسمعي ترى لحقك البيت قالت يووومة يابنات تقول وانا ارقى مع الدرج سمعت واحد يمشي شفتو لمن الواحد يكون لابس ثوب ويمشي بقوة من دون مايرفع الثوب تقول كذا الصوت تقول انا خفت عرفت انة هو تخبت بزاوية بجنب شقتهم تقول وربي وقف بالوسط عند شقتنا واللي بجنبنا يناظر يمين ويسار بعدين طلع الدور الثالث تقول وهو طالع دقيت الجرس علقت علية الا امي جاية وفتحت تقول دخلت على طول بموت من الخوف وهي تعلمني وانا بالباص عيوني طلعت من الخوف شوي الا صديقتي تمسكني وتصيح تقول لاااااااا قلت اشفيك قالت ناظري ناظري وراء قلت ايش مافية شي قالت هذي سيارتة لحقنا انا وياك:32::06: خلااااااص ببكي واقول لصديقتي باي باي لحقنا انجنيناااا ولحقنا لمممممممن قربنا من بيتي انا والحمدالله ان فية اشارة قبل مسكتة الكلب لأن زحمة كان لو اقول لكم المكان بتعرفونة دايم زحمة سيارات ومشينا وهو انزحم ماقدر يتحرك ووقفت الاشارة وحنا مشينا وجلسنا نراقب ماعاد جاء :06: يا بنات وربي بموت من الخوف انتبهووو لعيالكم افتحو لهم الابواب قبل يجون لو بعشر دقايق انتبهو انتبهو يمكن تقولو سوينا شي مالحقكم كذا وربي طلعنا متسترين ولا نطالع لا يمين ولا يسار نعرف مكان الباص بس خلاص بعض الشباب ماعندهم كذا ولا كذا منلحقهم وربي يخوفووون انتبهو يابنااااات من الشباب انتبهو وربي صدق ذياب بشرية الحين خايفين من بكرا اكيد بينتظرنا ولا خايفين يدخل بيت البنت يجلس بالدرج ولا يلحقنا احنا من جديد :06:
ترى ماحكيت لكم الا عشان شي واحد مو عشان شوفو وش صار لنا لا عشان تنتبهو لبناتكم
يارب استر علينا وعلى بنات المسلمين
حلى 22 @hl_22
محررة
تعالو شوفو وش صار لنا اليوم انا وصديقاتي بالمعهد انتبهو ياحريم لبناتكم من الشباب
109
9K
يلزم عليك تسجيل الدخول أولًا لكتابة تعليق.
الحمد لله على سلامتكم ويااختي الله يستر عليكم وعلى بنات المسلمين اجمعين وذكري صديقاتك بدعاء الاستيداع كل ماطلعتوا قولوا اللهم انا استودعنك انفسنا فاحفظنا من كل شر وادعوا لكم ولبنات المسلمين عشان الملائكه تقول ولك بالمثل والزمن صار يخوف الله يكفينا شرهالشباب اللي مايخافون الله اللهم استرنا بسترك الذي لاينكشف
الصفحة الأخيرة
حسبي الله على هذه الاشكال اللي صايرة منتشرة بكثرة وكلههها من انعدام الاخلاق والادب