تعالو شوفو وش صار لولدي وادعو لنا

حبيت اذكر لكم قصة ولدي عشان كل ام تنتبه لولدها وتاخذون العظة والعبرة وكمان للي عندها افادة ةتقدر تفيدنا فيها
القصة ان له يومين مو راضي ياكل ولاحظت لون اللثة متغير ووديته للطبيب قال هذا فيروس في اللثة + عنده التهاب بسيط في الحلق واعطاني علاج اللي هو الحبر الازرق (حق الفم ) واعطاني مرهم واعطاني مضاد
المهم في الليل وهو معاي جالس على سريري ابعطيه العلاج ومالقيت البرواز حق المضاد (برواز الابرة ) وقمت ابجيب البرواز وخليته على السرير مع الادوية وابوه بجنبه
المهم يوم ارجع الا هو يكح زي الشرقان تخيلو شرب الحبر
ساعتها مادري وش اسوي وابوه يشيلة ويدخل يده في حلقه عشان يستفرغ استفرغ بس الله لايوريكم الدنيا كلها زرقاء وانا اصيح وانطط
وكل ماوقف الاستفراغ دقيقة يكح زي الشرقان ويستفرغ اززززززززرررررررررق
اطالع في العلبة يعني ممكن ربعها شرب
وانا من بعيد اصيح وانطط !!!!! واقول لابوه المستشفى وديه المستشفى وهو يقول ثوبي طيب ثوبي وين قلت مو لازم ثوب وابوه مررره مرتبك ويركض به في البيت لان الولد صار يطلع من فمة رغوة
ترى هالكلام كله يمكن في خلال عشرة دقايق بالكثير
المهم قالي البسي عباتك هيا ....... لبست العباية ويله على المستشفى طبعا كان بسرعة يسوووق والولد يحط راسه علي وانا اصيح مدري هو فقد التركيز وبيغمى عليه والا يبي النوم مدري وش فيه
بس امسك نفسي اذا سالني وش فيه قلت مافي شيء بس انتبه للطريق
المهم وصلنا المستشفى ( مستشفى الاطفال ) ونزل به ابوه ركض على الطواري
ولقينا دكتور (باكستاني ) يوم شافة قال ان شاء الله مافي مشكلة هذا علاج مو سام
لو سام مايعطيه الدكتور ونحطه في فمه المهم مسحو فمه وكل مامسحو يطلع ازرق ويتجمع العاب على شكل رغوة !! بعدين قال للسستر سوي غسيل معدة وسوت له غسيل
دخلو انبوب في أنفه وحطو فيه بروازين مويه بعدين بدوو يسحبون
طلع شوي ازرق ، والولد قعد يصيح وتعذب تعذيب
المهم لما خلصو قالو خلاص
والحين انا صاحية بجنبة وهو مو مرتاح بنومته شكله متألم مدري من العلاج والا من الانبوب اللي حطوه كل شوي يصحى وكمان سويت له رضعة حليب ماقدر يشربها وكح واستفرغ شوي طبعا لونه ازرق ، وفيه صوت في تنفسه والله يعين

عموما اتمنى تكونو استفدو من قصتي
واتنبهو لاولادكم وخاصة الصغار اللي قد ولدي عمره سنة وشهرين
وادعوله ان الله يشافيه ولايأثر عليه هالعلاج وهالانبوب ( انا شاكة في الدكتور الباكستاني مااثق في هالمستشفى الحكومي مدري ليه )
واللي صار لها قصص زي كذا ياليت تحكيها لنا عشان نستفيد وننتبه
واللي عندها علم وخبرة هل هالشيء يأثر على ولدي والا لا ؟؟؟؟؟