تعالو شوفو وش صار يوم شوفتي الشرعيه

بنات كيفكم ؟
تذكرون موضوعي اللي نزلته من اسبوع بعنوان (نظرتي الشرعية يوم الخميس ساعدوني )

http://forum.hawaaworld.com/showthread.php?p=30803124#post30803124

انا عمري 28 سنه
المهم جا الرجال وشافني وانا مرررة كنت مرتبكه وجلست معنا اخته وسألته شوفها كويس مو تروح البيت وتقول ماشفتها عجبتك ولا لأ ؟ قال حورية من حوريات الارض :42:
ثاني يوم الصبح اتصلت اخته وتمت الموافقه وانا واهلي مررة انبسطنا بس يا فرحة ماتمت :(

الاخ مايبغي يسوي عرس ؟؟؟؟ لييه ؟؟؟ يقول ماعندي فلوس ؟ مع العلم ان الرجال تااااجر وعنده خير وسيارته اخر موديل .. يعني لما جت على العرس صار ماعنده ؟؟
ولا يعني عشااننا ناس على قد حالنا وانا كبيرة بالسن قالو اكيد ماراح ترفض ويمكن ماتصدق على الله عشان تتزوج
انا بكريه امي وماني صغيره لي سنين استنى هاليوم
وامي ياحياتي مررة تضايقت قالت بنتي وبكريتي كيف ماتبون اسوي لها زواج وافرح فيها واعزم جماعتنا واهلنا
بليز لاحد يجي ويقول هاذي شكليات والعرس مظاهر ومدري شو ؟؟ كل بنت تتمنى تلبس الفستان الابيض وتشوف الاهل كلهم حوالينها
كل اخوانه عملو زواج وش معنى انا ؟؟؟
عشاني فقيرة وبنت ناس بسيطين من اولها استرخصني وقال مافي زواج
مع العلم ان والله العظيم ما حطينا اي شروط نهائيا لان حنا نشتري رجال
ولما ركبت راسي وقلت انا ماهو ناقصني شي عشان ما يسوي لي زواج وحتى امي برضه قالت اذا ودك تروحين بدون زواج براحتك بس انا ودي افرح بك :( قلت لها والله ماني موافقه وقولي لهم هالكلام
دقت امي على اخته وقالت انتو شفتو بنتي ما تستاهل تسون لها عرس مستخسرين عليها نتفة حتى لو حفله صغيره والله ماحنا متشرطين بس على الاقل اسمه زواج ؟قالت الا والله بنتك تستاهل اكبر عرس بس الحاله صعبه. وبعدها تخيلون وش قالو ؟؟؟ قالو ان الرجال يقول انا ارتحت للبنت وعجبتني بس اذا ملزمين يسون زواج بكنسل الموضوع كله
معقوله مافي حل وسط يرضي الطرفين على طول قال بكنسل وش ذا الاسلوب البايخ ؟؟
والله انسدت نفسي من هالزواج وهالرجال
دام بدايتها كذا اجل وش بيسوي فيني بعدين
القهر ماقالو هالشرط الا بعد الشوفه امي تقول والله لونهم قايلين من البدايه كان كنسلنا الشوفه بكبرها
اليوم خواته الثنتين اتصلو وجالسين يقنعون امي ان ماله داعي حفله الزواج << والله عندي احساس ان هاذي افكار خواته
بعدها قالو خلاص بنكلم المعرس ونرد لكم ولحد الحين ما اتصلو

على فكرة الموضوع مهو موضوع عرس بس ؟ اللي قاهرني الاسلوب والمبدا نفسه
يعني مافكر الا بنفسه مافكر فيني على الاقل يناقشني بالموضوع يمكن نلقى حل وسط يرضي الطرفين والله لو كان الاسلوب حلو كان ممكن اتنازل بس ليه كذا طريقته !
بنات ادعو لي اذا كنسل الموضوع يعوضني ربي بواحد احسن منه :(