تعالو شوفو وش قالتـ لي دكتورتي بالجامعه عن الليزر (ارجوا التثبيت للأهمية)

السلام عليكم كيفكم بنات اخباركم انشالله تمام ..

اليوم جايه لكم اول مره انزل موضوع وزي استفدت منكم إنشالله أفيدكم حبيت أقولكم تجربتي مع الليزر وعمايله السوده المهببه فيني .. :( قبل سنه تقريبا بديت جلسات ليزر مع دكتورة وطبعا اتفقنا اروح كل ثلاثة شهور وكانت الجلسات وجهي والإبطين المهم أول وثاني جلسه تقريبا ماتغير شي ثالث جلسه حسيته بدا يخف وليتني تركته وقتها لآني فرحت بالنتيجة لا استمريت وكلي امل يختفي
<<مصدقه حالي مره :42: بعد الجلسة الخامسة بدت تظهر النتايج العكسية حسيت الشعر بدا يكثر وكذلك السادسه وبعدها السابعه انا هنا ضاق صدري وقفلت معي قلت للدكتورة الين متى اسوي جلسات انا الآن ماحس بتحسن أشوفه كل ماله ويكثر الشعر بدل مايخف قالت حسب استجابه الشخص من سبع تبدأ الين تسع بس فيه شيء وهنا بيت القصيد انه فيه شعر مايستجيب قلت كيف يعني ؟؟؟ قالت يعني بتجين لي كل بين ثلاثه الا سته شهور تعملين جلسه انا قلت هاذي أخرتها يعني بظل طول عمري اسوي جلسات واصرف عليهم طلعت من عندها وخلاص في بالي ماراح ارجع ثانيه ابدا وطبعا استخرت وخلاص مارحت ثانيه الي خلاني ماقدر اكمل لاني صبرت على قولتهم من بغى الدح ماقال اح وتحملت الشعر كيف كان يطلع وماكنت اشقره ولا احفه بين جلسه وجلسه وشكله ماهو حلو وانا ماتعودت كذا ثانيا طلع بوجهي حبوب الله لايوريكم كيف شكلها والي كملها كانت تعطيني الريتن كان يحرق الحبه ويجلس الاثر ومايروح الا بطلعت الروح ثالثا طلعت لي بقعتين بالخد لونها بني كذا مدري اعتقد انها كلف او يمكن احترق وجهي من الليرز :D الي احبطني واتعب نفسيتي انه يابنات وجه كان صافي مافيه حبوب ابد وكل يقول الي مخرب علي الشعر بس برضوه الشعر ماكان كثيف كنت اشقره وقلت الا متى اشقر وجهي اخاف يضرني بستخدم الليزر ........
وليتني ضليت على مجنوني لانه جاني الي أجن منه :06:
يابنات علشان اخليكم بالصوره زين معاااي راح اقولكم كيف صاير وجهي تشفوا الأعلانات الي يسونها بالمجلات عن الليزر يجبون وحده صورتها قبل وجها فيها دقن وبعد وجها نظيف مافيه شي
هذاالصوره الي قبل تقريبامو بالضبط علشان مابالغ بس تقريبا مثل وجهي الان مكان الدقن طلع شعر وكان خفيف والي تحته مالمسه الليزرابد تخيلو طلع فيه بعد والصوره الي مكتوب بعد هاذي مثلي قبل اسوي الليزر علشان مابالغ بعد هي باين وجهها نظيف مره بتقولون وجهك مافي شعر اذا نفس الصوره ليه سويتي ليزر اقولكم الا فيه شعر وكان بدون تشقير يبان اسود بس ماكان سميك وثقيل عرفتوا قصدي ؟؟؟؟ بس كنت اشقره وجهي يبان صافي حيل علشان كذا شبهت نفسي بهاذي الصوره علشان تعرفون نصب هاذي المستشفيات الله اعلم يمكن فيه بنات ناسبهم ويمكن لانه من الأساس شعري ماكان كثيف حيل فصارت النتيجة عكسية يعني يمكن بنات حيل حيل كثيف وناسبهم الله اعلم ماعرف احد شخصيا سوا لليزر كان على الاقل استفدت وسالت..
اما بالنسبه للابطين علشان ماظلمهم اقدر اقول خف بنسبه 50% بس بعد ايش بعد سبع جلسات
بس مامرت علي بسهوله ايضا بالأبطين طلع لي دمامل كبيره تخيلو كبيره ويمكن خمسه الا ستة بلأبط الواحد لدرجه اعجز ارفع يديني من الألم وجتني مرتين بالوقت الي سويت فيه ليزر صحيح قد جاتني من زمان بس وحده او ثنتين وما كانت تألم كذا ابدا ولما قالت أمي لها من الليزر قالت الدكتوره لا بالعكس اصلا الليزر يعالج الحالات هاذي والله يعالجها طل بعينها :11:
ولما راحت بالمضاد الحيوي وبالمراهم بعدايش رجعت واستخدمت ابر مضاد حيوي علشان تروح
والشعر بلأبط فيه شي غريب انه يطول يعني انتوا بنات لما تخلونه فتره بيطلع بس بيكون له طول معين انا لا احسه يطول بسرعه غير عن قبل ..وحتى وجهي بما اني تركت الجلسات وقلت احفه بلاجازه وابدا باشياء طبيعه تركته ماحفيته وكنت اشقره هالفتره تخيلو اسبوع مايكمل يرجع وجهي يسود من ايش طبعا الصبغه ماتروح لا الشعر يطول حتى ضاق صدري صاير متل الدقن يعني امد الشعره بوجهي احس طولها تقريبا ممكن يوصل سانتي اعرف طولت عليكم بس علشان تكونون بالصورة معي ....
نجي الأن للموضوع الأساسي ودكتورتي بالجامعه وش قالت لي وبايش نصحتني ؟؟؟؟
تخيلوا بنات شافت وجهي وعرفت اني عامله ليزر وسالتني قلت ايوه وش دراك قالت باين هاذي من نتايج الليزر انه بيطلع الشعر كذا كثيف وزي دقن الرجاله
قلت خلاص يادكتوره انا استخرت وتركت الليزر وانشالله ربي يعوضني ..
قالت لي ايوه احسن تعرفي هذول ناس يستغلونكم والله وماهم شيء غير المادة وانتوا تصدقوا وتروحوا لهم قلت فعلا انا متندمه اني سويت ليزر وربي انا رايحه اسوي ازاله للشعر واحس اني رايحه اسوي زرع للشعر بوجهي قالت ايوه انتي ماتعرفي انهم يسوون كذا مع الي فيهم صلع ومايطلع ليهم شعر انا هنا انفجعت :01: قلت كيف ؟؟؟قالت تصير لهم بعدين رده فعل عكسيه ويطلع لهم شعر زي ماصار لك بوجهك كان خفيف وطلع كثيف ..هم يطلع شعر
وقالت انو بالدقن فيه غدد والليزر هذا اشعه لما يتوجها لها ممكن يسبب لاسمح الله اورام سرطانيه يعني حتي لو البنت فيها دقن تبقى بدقن ولا يصير فيها سرطان قلت صادقه يادكتوره اهم شي الصحه..المهم هي كمان قالت لي لاتشقرين حواجبك لانها مواد كميائيه وتاثر على الخلايا العصبيه للعين سبيها انتبهي تلمسيها بالتشقير واصل كل الصبغات مكتوب عليها لاتصلح للحواجب والرموش قالت صح قلت ايوه صح .وقالت لاتحفي وجهك بالفتله حفيه بالشمع لانه الفتله تطلع الشعر سميك اما الشمع يطلعه ناعم وبعدها ماتحفين حطي ليمون لانه يضعف البصيله واذا وجهك حساس استخدمي بعده مرهم للحساسيه وسالتها عن السعد اذا فيني اجربه قالت ايوه ممكن اذا شي طبيعي مامنه خوووف ..وبس هاذي الي صار معاااي :09: تعبتــ
الان انا قلت تجربه مريت فيها وكذلك نصيحه من دكتوره مالها أي مصلحه في الي قالت لي وقالت انا احكي معاك متل بنتي وتهمني مصلحتك بعكس الدكتوره الي بالمستشفى لما تمدح الليزر اكيد بيكون لها مصلحه معاااي اتمني الي جربته تتركه والي ماجربته وناويه تشيل من راسها هالفكره ..:وقبل اختم موضوعي فيه شي قاهرني انه بعض البنات تجي تشكتي من الشعر وتبي حل وتدخل على الموضع بنات ويقولون لها مافي حل نهائي الا الليزروتجلس تفتي وهي ماتدري عن الليزر ولاجربته فيه ناس جربته بس ماهو العدد هذا كله الي يجي وينصح بالليزر وهو ماجربه وتروح البنت تجربه وتتوهق يعني ماينصح الا الي مجرب بليز بنات وسلامتكم :26: :26:
يالله بنات وش رايكم بلي صار معاي؟

.. أدعـــو لي يتحق الي اتمناه ..