تعالو شوفو وش قالت لي الدكتوره

السلام عليكم يااخوات
طبعا انتم عارفين قصتي وتأخري بالحمل وبهذلتي مع الدكاتره اخيرا لي سنه مارحت ولا دكتوره وبعدها قررت اروح عند مستشفى الحبيب لأني دايم اروح لمستوصفات المره قلت ابروح مستشفى معروف ومشهور توكلت على الله واخذت دكتوره فاتن وهي سعوديه وانا متعمده ابغى سعوديه مليت من هالنصبات وسحبات الفلوس والتحاليل واخرتها كلش سليم المهم رحت لمها وقلتلها كل شي صار معي من تزوجت لين جيتها يعني حق التسع سنوات كلها المهم قعدت تصبرني وتقولي احمدي ربك انه عندك طفل واحد بعمرك هذا بنات ماتزوجو وقالتلي اكثري من الأستغفار وقراءة القرآن والدعاء واتركي الغيبه المهم خذت علي اشعه سونار وتحليل هرمون حليب وكشفت علي من تحت قالت كل شي مضبوط بس عندك تكيس مبايض قلت يعني شلون تكيس مبايض قالت يعني ضعف وعندك هاذي الأكياس من زمان وكان وقت اللي سوت الأشعه وقت التبويض قلت طيب كم مقاس التبويض قالت اصلا اللي حالتها مثل كذا مانحسب لها تبويض لأن عندك نازل الكيس حق المبيض لكن يمكن هالكيس حق الدوره اللي مضت وقاعدت تشرحلي بالرسم وشلون الأكياس وقالت فيه وحده منهن فيها دم والله استغربت وماصدقت ولا وحده من الدكتورات قالتلي كذا تقول عندك ضعف وتذبحني بالمنشطات قالت هذا اللي دمرك وسببلك التكيس يعطونك منشط وهم اصلا ماعالجو التكيسات المهم انا من الصدمه قعدت ابكي عندها لأني كنت متفائله هالشهر ان تبويضي بيصير ممتاز لأني سويت حجامه واخذت خلطه عيون وليد وخلطة فزدق مملح واشرب التلبينه واخذت خلطة العسل مع طلع النخل والله يوم جاء وقت لتبويض احس بألآم فظيعه اثاريه من التكيس وانا فرحانه اقول اشوا اكيد كبرت مبايضي الله يعوضني يارب المهم علاجي عطتني قالت كولي من اليوم حامض الفوليك وجلوكوفاج وصرفت لي حبوب منع الحمل لمدة شهرين تقول عشان تموت الأكياس هاذي وينزل كيس جديد ونظيف عشان تنزل البويضه فيه وتتلقح انا الصراحه قلتلها مابي اكل حبوب مانع انا جتني عقده نفسيه منها المهم قعدت تصبرني وقالت تعوذي من الشيطان بس تصدقون اول ماشافت تحاليلي والأشعه سألتني عن حالتي النفسيه قلت لها والله زفت قلت اعوذ بالله لاتقولين زفت قولي الحمدلله لكني تعبانه شوي وقالت يااخوات حاسبو على كلامكم قالت فعلا التكيسات ماتجي الأ من الحاله النفسيه والظاهر الهرمون عندي مرتفع بس ماتبي تقولي عشان ماتضيق صدري يوم شافتني ابكي عندها بعدها قالتلي انا ابنصحك نصيحه لوجه الله ابيك اول شي تشغلين وقتك بأي شي وانسي شي اسمه حمل وريحي نفسك ولاتكثرين من التفكير ونامي بالليل لاتسهرين وابغى تنظمين غذائك ابغاك ماتاكلين الدقيق الأبيض وعليك بالأسمر واتركي المشروبات الغازيه واي مشروب بارد وكثري من شرب الماء وابغاك تمشين كثير وتسوين تمارين واعطتني اسم موقع قالت ادخلي عليه هم طالبين مشرفات اشغلي نفسك فيه وقالت بلفتره هاذي اكثري من الدعاء والأستغفار والتسبيح وقراءة القرأن ماتدرين يمكن تحملين بأرادة الله ترا انا مجرد سبب وليس رزق المهم شكرتها من كل قلبي والحين بديت بالعلاج واذا جتني الدوره اباكل حبوب المانع والله يفرجها علي يارب ويرزقني بالذريه الصالحه ولا يخليني احتاج لحبوب المانع واسفه على التطويل قلت اعلمكم وش صار معي وعشان الكل يستفيد