مساء الخيررر
انا اليوم جدا متوتره ومو عارفه من وين ابدا ومن وين انتهي
ياليت تساعدوني مشكلتي كبيره والله يستر اني مالاقي لها حل
امس زوجي كان معزوم في زواج زميله ورجع على الساعه 2 بالليل واليوم بعد صلاه الجمعه فتشت ثوبه علشان احطه بلغساله لكن للاسف لقيت مصيبه لقيت قطعه حشيش للاسف والله اني مصدومه ومو عارفه كيف اواجهه لاني متاكده انه بينكر ويحلف كذب انها مو له الساعه 2 الظهر مالقيت حل غير اخو زوجي الكبير وكلمته وقلت له بالسالفه والله ماصدق وتفاجا وقال شيليها عندك انا اليوم ماراح اكلمه بس بكره باخذه غصب عنه واوديه يحلل انا لجات لاخوه لاني قبل ثلاث شهور تقريبا جاء زوجي المغرب وغير ثوبه ولبس ثوب جديد ونزل ولما صار تحت دق علي وقال بالله خلي واحد من العيال ينزل مفاتيحي شوفيها بثوبي اخذت المفاتيح لكن ربي كشفه ولقيت قطعه حشيش مربوطه بكيس وماقلت له شي الين جاء بالليل وواجهته وقال انا ماعمري فتشت باغراضك قلت له حتى انا ماحب هالعاده لكن انت اللي طلبتني وربي يبي يفضحك وحلف وقام يصفق بعمره وقال ان السياره كان بالورشه واكيد راعي الورشه نسيها بلسياره ولما اخذ السياره كلم راعي الورشه قاله خلها عندك الين تفضى وتجيبها لي وقتها والله ماصدقت ومشيتها له علشان عيالي وبيتي وكان دايم يتكلم بالالغاز بجواله يقول انا بدبر لك الاغراض او شف فلان بيجيب لك غرض ولما اساله كل يوم كذبه طبعا اقرب كذبه تخطر بباله
انا امس نزلت عنوان زوجي وزملائه وانه مايحب جلسة البيت الحين عرفت السبب بس اللي مجنني مو واضحه عليه علامات المحشش نهائيا صحيح احيانا احصل معه قطره بروزلين بس يقول علشان نور السيارات بالليل تحمر عيونه انا قلت لاخو زوجي تفاهم بينك وبينه ومابي يدري اني مرسلتك ولا حتى امه ولا احد علشان يحسب لنا حساب وعلى باله اننا ماندري
انا الحين اذا طلع تحليله انه متعاطي اسوي كاني ماادري بشي الين يتعالج او اوقف جنبه بس خوفي انه اذا حس اني ادري ماعاد يهمه يتعالج لانه انكشف
من اليوم العصر وهو يسالني وش فيك وش فيك انا احاول ماابين بس مقدرت ماعاد اطيقه ولا حتى ابي اطالع بوجهه والله طوال العصر للمغرب وانا ادعي له ان يتوب من غير ماننفضح بين اهلي وعياله والناس والله له قرابة السنه وهو متعرف على زملاء حثاله ولللاسف اعمارهم فوق الخمسين بس باين انهم هم السبب قبل اسبوع سافر وادي الدواسر وجاب معه 100 الف ريال مربوطه وقلت وش ذا قال حقت زميلي باع غنم بالدواسر وطلبني اجيبها له واخذ منها الفين والله ياخوفي انها بيعه حشيش والله للحين ربي ستر عليه ماامسك الله يستر لو مسكوه وش اقول لعياله لانهم هم اللي بيشيلون سمعته وراره يابنات تكفون علموني كيف اتصرف معه اليوم وبكره والله يستر لايطلع التحليل ايجابي بس حتى لو طلع سلبي اكيد ماجت في جيبه من فراغ اكيد اذا مايتعاطى يبيع
تكفون اللي زوجها او اخوها او اي قريب لها تعالج منه كيف الطريقه وهل هي بسهوله تركه ولازم مستشفى وعزله وكيف اقطع علاقته بزملاء السوء والله راسي شيب ؟؟؟
ريومه الحلوهـ @ryomh_alhloh_1
عضوة نشيطة
يلزم عليك تسجيل الدخول أولًا لكتابة تعليق.
الله يصلحه لك
ويهديه
الحين انتي مابيدك غير الدعاء واستنيه لين يحلل وشوفي وش النتيجه بس خلوه يحلل بدون مايعرف انكم شاكين فيه
يعني خليه كانو يتبرع لاخوه بالدم
ويهديه
الحين انتي مابيدك غير الدعاء واستنيه لين يحلل وشوفي وش النتيجه بس خلوه يحلل بدون مايعرف انكم شاكين فيه
يعني خليه كانو يتبرع لاخوه بالدم
الله يصلحه لك
ويهديه
الحين انتي مابيدك غير الدعاء واستنيه لين يحلل وشوفي وش النتيجه بس خلوه يحلل بدون مايعرف انكم شاكين فيه
يعني خليه كانو يتبرع لاخوه بالدم
ويهديه
الحين انتي مابيدك غير الدعاء واستنيه لين يحلل وشوفي وش النتيجه بس خلوه يحلل بدون مايعرف انكم شاكين فيه
يعني خليه كانو يتبرع لاخوه بالدم
الصفحة الأخيرة
وشكرا ياقلبي